Ayup 6:25 - Ala Wone Peenok Peebi Mbanak

²⁵ Aakumi inoone abet aret yorogwe iinok, Abet aret yo'nogop o, yinuk, Andi kagak waganggo menggaarak kwe, Kat ndogop eekendak o, yo'nugwi lek me, We aanom warogo yo'nogo ogotik.

Ayup 6:25 ပူးပေါင်းရင်းမြစ်များ

Ayup 13:5

Kinoone yaga'lek puk logonetak en, It aap yi, iniki warak nen agaarik, kinomba'netak o.

Ayup 21:34

Togop aret me, Kit wone ugun agan nugu logonet yo'nugwi nogo Ti paga nonggoti niniki eyak wappaniyak? Kit wone onggo yo'nugwi nogo ti, We pilit-pilit aret yo'nogo ogotik o,” yinuk, yoragagerak.

Ayup 24:25

Ti eerugun yagarak nogo ti, abet aret me, Ta nen pilit yagandak o, yinuk, yo'nugwi, Ta nen, Koone we aret ari o, yinuk, yo'nugwi, Eeriyak mbakop? Lek aret o,” yinuk, yoragagerak.

Ayup 27:12

At Ala eeke menggerak nogo kit abet aret kogo monggotak kwe, Ambi eeppaniyak lek kagak wone agan nugwi ti, Nonggop nduk agan nugwi o?

Ayup 32:3

ndi, oreewi kenagan nogo nen, “Kat maluk eekendak o,” yinuk, yogo logonet kwe, “Alom yi eekendak o,” yinuk, liik togon yoga'lek iinok, it kunduk, anini inombake, eereegerak.

Ayup 4:4

Yigeebu wanggwi iinok, koone paga nen iniki eyak wappiige, Inowak lek agaatak kenok, pigiren nage, Eeke menggendak kwe,

Ayup 6:24

Ndogop eeru o, yinuk mamunnugwi, Maluk ndogop eekendak o, yinuk, titik nugwi, Eekwi kiinok, An noone lek puk arigin o.

Ayup 6:26

An ari nogo, kit nen koonogo paniyak nduk yogo ogotik? Iniki aaninggin ndugu agan unggwage nen ari kenok, O wiya pogom ari agaarik, mbako ogotik?

Kini Wuppiige 12:18

Aap ambi oone perak togon ari menggerak nogo ti, wooluwak ndanuk togon inooko mengga kwak aret ari menggerak kwe, Aap iniki warak nen oone agan nege paga aakumi obeelom eeppiinet nage menggerak.

Kini Wuppiige 15:23

Aap ambi wone onggo lik togon yorage nagaatik, iniki ale'nggen mbake menggerak me, Wone yuurak age kenok, ndak-ndak yoroorak ti mondok obeelom aret o.

Kini Wuppiige 18:21

Inoone agan nugwi ti nen aakumi ineenik eerogo piige, inoorogo piige, eeke menggerak me, It aap inoone agan nugwi inikilom mbakwi ti, irip paga inoone yemenggaarak onggo ndak-ndak aret kologo logogun o.

Kini Wuppiige 25:11

Wone ambi mondok liirogon a'me aret yorogwe nogo ti, ye wanggo'me anggun enona nggelok togon mambogo mengga kwak aret o.