Ayup 6:19 - Ala Wone Peenok Peebi Mbanak

¹⁹ Aap unta paga o Tema nen woraanuk, niyo kwaarit nugwi, Yi mendek ndi mendek kungga o Tiyeba nen wogwe nogo Yi noorak iniki lunik logonet kwaarit nugwi, Eekaatak kwe,

Ayup 6:19 ပူးပေါင်းရင်းမြစ်များ

Wakkagagerak 10:7

Kuti apurilogwe ti, Teba, Kawila, Tabata, Arayema, Tabeteka, aret ndaganabeegerak. Ndi, Arayema apuri ti, Tiyeba Nderan imbirak aret ndaganabeegerak.

Wakkagagerak 25:15

Karat, Tema, Yitut, Napiti, Kerama, aret ndaganabeegerak.

Wakkagagerak 25:3

At Yokatan nen apuri Tiyeba Nderan imbirak ndaganabeegerak me, at Nderan nen wiganak inanebunu ti, Atiyut mendek, Letuti mendek, Lewum mendek, aret wiganogo piyareegerak.

1 Endagembogut 10:1

At Talomo nen Aliku ALA endage tiyappege logonet, eerit nage paga endage wiganinuk nage nogo, kwe nggwok o Tiyeba mendek aruk konengge nagagerik, “At Talomo eeke yogwe ti, nonggop ari kaamun? Abut mbani na,” mbake nagagerik,

Ayup 1:15

aakumi o Tiyeba mendek nen wogo nagaarik, kayeloman mini kaanggumi inarum wonogwe nogo inoba kwi'na'nuk, wooluwak paga inoorogo piinok, lembu-keledai nogo ko'nok ndi yogwe iigak, nalik mban mbagangge nagarik, wone wonok yokkiri wagi o.”

Ayup 2:11

Aap Ayup aaninggin oba agagerak nogo oreewi kenagan aap Teman mendek Elipat inom, aap Tuwa mendek Mbilarat inom, aap Naama mendek Topat inom, inaruk konembunuk inawi inalitak lombok nen kuwak eeri wogo nogogwaarik, iniki ambit eeppunuk, “Ayup iniki eyak wappugwi, ninom le yogwe, eeri nawok o,” yinuk, at ka wogogwaarak.

Ayup 6:18

It aakumi unta paga yi mendek ndi mendek wonok nega nogo Tu nogo menggam nen nomoninuk niyo porok yege'nom karume time nagaatak me, kambit nogwe,

Ndawi 72:10

It aap o Taritit inoweewi inendagembogut inom, It aakumi niyo ogobak mbanogo pit nagagerak nogo paga menggaarak inom, nen Inarum wonage onggo at wogori wogwe, Aakumi o Tiyeba mendek inom, Teba mendek inom, Inoweewi inendagembogut nen yi mendek ndi mendek onggo lek we aret iri wogwe,

Yetaya 21:14

Ndi, kit o Tema monggotak yi wae. It aap wim nambuko logonet, inawooluwak ayuk paga, Inomaale nggiginik ayuk paga, Ineegin agale yomo aago wurik ayuk paga, Wim nambukwi iigak-iigak naga inayuk paga, Kole mbagani wagaarak ti, Niyo abu wonogwe me, niyo toologo ira wunggwi, It aap wim o wunik wagaarak wonogwe ti, woppiinok kinambi wogora nogwe, Eeko logonip o.

Yeremiya 25:23

it aakumi o Nderan wonogwe inom, Tema wonogwe inom, Mbut wonogwe inom, it aap ineeruwak kondogok peenok-peenok nggarik-nggarek aago inom,