Ayup 6:15 - Ala Wone Peenok Peebi Mbanak

¹⁵ Mayu wage kenok niyo wuke, O kibi age kenok niyo mbuuluk age, Eeke menggi kwak Kit noreewi togop aret wonogwe me, Kit nen ambi eeppaniyak kinombaka'lek aret agarik o.

Ayup 6:15 ပူးပေါင်းရင်းမြစ်များ

Ayup 11:16

Aaninggin-paaninggin koba wonage ti, abet aret kobak age, Niyo wuketak wone mbiningge menggendak kwak aberogo mbiningge, Eerumunggun o.

Ayup 13:4

An wone abet aret ari neegak kwe, An ari nogo yaga-kaga eerogo pilit wone agan nogo monggotak me, Kit abok aret obeelom eerogo piiga mendek lek aanom warogo piiga mendek aret ogotik o.

Ayup 14:11

Niyo kole yenggenak kwe, aagi lagangge logonet mbuuluk age, Niyo wage nogo mbuuluk age logonet, nage menggim porok ari, Eeke menggi kwak

Ayup 19:13

Nowe-nawot nen an mbo paninuk, mbaganuwak nduk, eeppiige, Eekerak o. It ninom minggirak nen aap nggiru kwak eerogo panugwi,

Ayup 19:19

Noreewi ninom niniki kundugu nen noba peyak wurogo panugwi, It an niniki kunik mendek nen ineebi nen inena nomok yogwe, Eeko agaarik o.

Ayup 6:16

Niyo yugum negen kunogo pege, Ndugu-ndugu lenggenogo pi wambi wage, Eeketak me, Niyo aga'lek li eerogo pegetak nogo, Mo andi nen niyo eerogo pege nagaatik, Wu'nuk nage menggerak kwe,

Ndawi 38:11

Andi-pandi noba kwi'nagaarak paga noreewi inom, ninom minggirak inom, Nogole nen nomo'neegak nugwi, Nowe-nawot togon tayorogon nen pe'neegwi, Eekwi iigak,

Ndawi 41:9

An nore niniki kunik abet aret mbake, Nimbirak mbi nengge, Eeke minggirak nogo nen kunduk, Nimbirak logorak, “Neebi o,” yinuk, mbo panegerak o.

Ndawi 88:18

An noreewi inom, ninom niniki kunik lombok inom, Tayorogon piya nage keegak, O apit nogo nore negen nimbirak kunik aret agaarik o.

Kini Wuppiige 25:19

Aap ambi aaninggin oba age eyom paga at iniki aap iniki kwi'ndak lek oba panggombege nogo ti, Ineyak langguk ari, iyok tiyo'luk nage, eeke menggi kwak aret wonage menggerak.

Yeremiya 12:6

Koreewi inom, kowe-kawot lombok inom, nen maluk eeppagarak koonggo logonet kwe, inoone yanggok-yanggok yokkugwi, Pikkabuwok nduk yonggo piinok, inoone yina-yina yokkugwi, Eekwi me, Inoone amburu ndik-ndik yokkugwi iinok, Yi abet aret yo'nogo agaarik o, yinuk, koneniyak mage,” yegerak o.

Yeremiya 15:18

An andi-pandi mban eerogo panugwi yi, lek aga'lek kunik aret wonage, Ndi, nawin mondok kunuk nenet unggwage nogo, Obeelom aga'lek kundugu tit wonage, Eeke ti nonggop nduk o? Niyo nage menggerak kwe, poronak wonage, Yi eneeri wungge menggerak kwe, wungga'lek wonage, Eeke menggi kwak Kat ti kwak me, eeppanega'lek agandik ya?”

Yeremiya 30:14

Inom iniki kunik mendek nogo nen ineebe muk inami ogwe, It inoba age nogo liippiigwi, Eeka'lek aret agaarik o. Wone yugu kagak iya tit taganggwi, Maluk abu nggwok lombok eekwi, eekwi paga It inom wim mbanak nen inooko mengga kwak, an nen inooke, It aap inogogun worokot nen yogwe iigak, taganggwi iinok, onggo inooko mengga kwak, inooke, Eereegirak o.

Yeremiya 38:22

It kumi aap Yekura inowe kendagembogut kawi o nggwok abe wurik me wonogwe nogo wogoren aap Mbaben inowe endagembogut awuri inengga warak inowagam piya wogwe iinok, inoone nggwok paga kat yokkogo logonet, Koreewi lombok nen pilit pugunogo yokkugwi, tebenogo pagagwi, eekaarak o. Kiyok purok me yobok togon wangge keegak, it koreewi ti, mbo paganuk nagaarak, yokkogo logogun o,

Yaya 13:18

Kit abok kiinok yokkirage lek o. An miirogo leengginabeegirak an neenu aret o. At nimbirak mbi nengge nogo nen aret nooriyak koonggerak o, yinuk, Ala wone liiru mbanak nogo a'me lik yuwak nduk, agaarak me, a'me lik yigin o.

Yaya 16:32

Wologwe! Kit apit an mbo paninuk, kiname lombok ma'nariyak eyom peebi kwe, yogondak muk panggoni wagaarak o. Kit an mbo paninuk mbaganumonggotak kwe, nalik logogin lek o. An nogoba nimbirak aret logogin o.

Yurat 1:12

Niniki-kiniki kunik paga mbi nawok nduk, kuwak eekwi me, it aap ti, inageerok abe mendek ko'nok wa'nuk, it ando abu iigak, inagabiti mbaka'lek inalik mban nonggo menggaarak me, yum abu laambu kwe, oololuk mili eerak menggi kwak logonet, eeko menggaarak o. Mayu ndugwi paga luurik lek me, ndugwi o wiya nen wonok nage, eyoonggen abe yuwak nduk, awi yakaatak kwe, anggen abe yega'lek kanenep age kenok, kinogo pegaatak me, mondok mbuk age,