Ayup 6:10 - Ala Wone Peenok Peebi Mbanak

¹⁰ Ti eeppanege kenok, andi kunik tit neegak, At kikak naka'lek abu obeelom menggerak wone yo'nege nogo, Neebi, mba'nuk mbo pega'lek logonet kanggi o, Yinuk, kangge logominggirik, niniki kwi'nage, Nale'nggen nen mbo laganggak ari, Ee'netak o.

Ayup 6:10 ပူးပေါင်းရင်းမြစ်များ

Ayup 11:4

Kat nen ari logonet, An wone ari minggirak ti, Abet aret o, yinuk ari, Ndi, Ala nen niniki kikak naka'lek neege menggerak o, yinuk, ari, Ari menggendak kwe,

Ayup 15:11

Ala nen kiniki eyak wappagage, Oone yanggik-yanggok yokkege, Eeke ti, Meek mba'nuk ari agandik?

Ayup 22:22

Ala lombok nen mamunggege nogo liirogon wagangge, At nen wone yokkege nogo kinikime porogo wonage, Eeke logot o.

Ayup 23:11

At iyok pit nage me, an niyok time aret pit nage, Nena agi-ogu agak eeka'lek tu at nage menggim mban nage,

Ayup 23:12

At lombok nen, Yogop ee'nu ndogop ee'nu, yo'nege nogo, Mbo pega'lek ti mban mugurok nage, At oone ari menggerak nogo niniki kunik eekko'nok li'lak mban eeke, Eeke agarik o.

Ayup 9:4

At Ala ti, yi wone ndi wone eenu wonage, At mondok omaawi aret wonage, Eeke menggerak me, At eerit nage kagak it ambi nen inogogumbuk a'nuk Non mbanogo pege kenok, teppiyaagin mbaken?

Ndawi 119:13

Eekaatak ndak-ndak eeppiigo logorak wone koone paga nen yo'nege menggendak nogo, An noone paga mbininogo yoranet nege,

Ndawi 119:50

Maluk eerogo panugwi me, niniki eyak wappanega ti, Wone koonogo paneegindak ti aret. Wone koonogo pereegindak paga Aa'nduk wonagagirak ndak-ndak eeppanege logogin o.

Ndawi 37:30

Aap iniki warak nen yogo mengga kwak It iniki abe koonak nen inoone togop aret yogwe, Eekaatak ndak-ndak eeppiigo logorak kenok mban agan nugwi, Eeko menggaarak.

Yetaya 57:15

At endage Kikak Nakeelik, Alik Leenak, Abu Tiyanak, Ayuk Warak, Mondok Itok Menggerak nen ari logonet, “An o abe alik leenak abu tiyanak minggim wonage minggirak kwe, It aap, An maluk eekirak, ao, mbakwi nogo iniki ale'nggen eerogo piige, Iniki tebenak wonogwe iinok, iniki eyak wappiige, Eerikit nduk, It aap, An maluk eekirak, ao, mbakwi inom, iniki tebenak inom, ninom wonage minggirak o.

Oteya 11:9

An nanini kani omoonuk negen mi'nage logonet, it inoba kwippiige, It Eparayim mendek ambinom lek eerogo piige, Eerigin lek o. An aakumi kwak lek o. An Ala kikak nakeelik alik leenak it inenggela'me minggirak me, Nanini nen maluk eerogo piyaakit nduk, woraagin lek o.

Ala Unde 19:2

“It aakumi Iterali wonogwe abok aret wone yoroorak nogo yi aret. Naliku inogoba Ala kikak nakeelik abu obeelom leenak minggirak me, it togop aret kikak naka'lek obeelom leenak mban aret logowak o.

Abakuk 1:12

Kaliku ALA wae. Kat kanggeelik mondok kitok menggendak nogo lek a? Kat nogoba Ala maluk eekeelik nogoba obeelom mban wonage menggendak o. It Mbaben mendek nen nit aaninggin-paaninggin eerogo pinanuwak nduk, koonogo piige, Kat yugum kole lunik kwak ninogoba wae. Nit maluk eekwi onggo ninoba kwippinanuwak nduk, kat nen aret it mippiige, Eereegindak kagi o.

Abakuk 3:3

Tamban eeke mbareegi, at Ala nogo o Teman nen wage, At Kikak Nakeelik abu obeelom menggerak nogo puut Paran nen wage, At abu tiyanak me, “Wi!” yogwe nogo, o mbogut paga ndak warak wonage, O nggween paga kunduk, at alut eekwi nogo ndak warak wonage, Eerak aret agaarik o.

Nappiigak 20:20

Wone obeelom eekkinaburak wone nogo, ando yuurak nagabiti nen teppege, ando yokkirage, eeke logolik o. Nggwok paga inom, kiname lombok inom, mamunggiranet nege nagagirak kineenu o.

Oroma 8:32

At Ala aput ambolom aret kwe, ili yuulik nit abok ninake waruwak nduk wuppi wagagerak nogo nen aput wo'niragagerak nogo ndak-ndak, yi mendek ndi mendek ngginu-ngginu eerogo wo'niraagin lek nduk yogo ogotik?

Pelaareegerak 29:20

Ndi, aap togop eerigin nogo ti, at Aliku ALA nen omaluk lek eerogo pigin mondok lek aret o. Ata, Aliku ALA nen, Aap ti neebi o, yinuk, anini kani omoonuk negen at oba pege logomenggerik, pulunogo piyoorak wone mbuku yi paga liiru mbanak wonage nogo abok aret at oba kwippege logomenggerik, endage o nggween paga yime nen lek eerogo pigin o.

Wayu 3:7

“Ndi, ambi at malayikat Ala apuri o Pilarelipiya kuwak eekwi inarum menggerak nogo nen apuri yoraawak nduk, yoriyak, yokkiri o. An Ndawut agunci nogo porogo logonet, tu paake neenok aakumi nen nakwi, ndi, nake neenok paakwi, eekulik an mban unde logonet, pilit ariilik abet mban ari minggirak nalik leenak minggirak nogo nen,

Wayu 4:8

Aakumi nen iigulik mendek ineebe 4 nogo ti, inalitak lombok ina'naabit 6 aret me, ineebe paga apit aret inigen warak mban wonogwe iigirak. It nogo puk aga'lek ko'lu-kii'me inoone yogo logonet, “Maan wonagagindak, yogondak wonage, peebi logomunggun, nogo ti, kat mondok itok komaawi lombok menggendak ninogoba Ala aret me, Kat mondok obeelom alik leenak aret o. Kat mondok obeelom alik leenak aret o. Kat mondok obeelom alik leenak aret o,” yinuk, yogak mban eeko logonet,

1 Tamuwen 2:2

Yugum kole itok menggi kwak, Ninogoba Ala kat togop aret wonage menggendak o. Kaliku ALA kikak nakeelik abu obeelom wonage kwak, Togop ambi wonage lek o. Kat wonage menggendak kwak, ambi wonage lek mban.