Ayup 5:26 - Ala Wone Peenok Peebi Mbanak

²⁶ Ndi, kat perak, gandum anggen mbanak nogo Mbelaniyak eyom ari wage kenok, Mbelanggo menggam mambogo mengga kwak Kagabolo ki keegak kanggok a'nuk kangge keenok, Piya unggwogo menggam pagi unggugun o.

Ayup 5:26 ပူးပေါင်းရင်းမြစ်များ

Wakkagagerak 15:15

Ndi, kat keebe perak, kiniki ugun obeelom aret li a'nuk kangge keenok, kombomini kambunuk kuwak ari nogogwam nggwogoba wonogome nogome iya nage keegak, kagabolo nggween taambagagun o.

Wakkagagerak 25:8

abu anggok a'nuk kenen mbanogo li a'nuk aret kambeegerak. Kangge nagagerik, ombomini kambunuk nogogwam nggwogoba wonogwe me nogome aret iya nagagerak.

Ayup 5:27

Togop aret me, nogoba wae. Ti eeriyak abok aret an liippege nagarik, Abet aret, mba'nuk yokkigirak me, Wone yagarak ti liippege, kinikime nabenggolage, Eeru o,” yinuk, yoreegerak.

Ndawi 91:16

Iniki ndonggo yuwak nduk, At ndarak kagak eenik nggorek logorak eeppege, Kagap ndaka nogo ti, an aret, eenu eeppege, Eeke logogin o,” Yinuk, yereegerak.

Wundeegwaarak 23:26

kumi wubili wonogwe, inaagalogwe mburunogo piigwi, kit kiname time togop eerugun lek o. Ndi, kit mondok li a'nuk kanggo logobagip nduk, kinili agago pinagage logogin o.

Kini Wuppiige 10:27

It aap Aliku ALA inagabiti mbakwi paga it ndarak nggorek logorak eerogo pako menggaarak kwe, It aap maluk mendek perak, yi tahun ndi tahun eeriyak kwe, Ineenik logorak kuwagaluk eerogo pako menggaarak o.

Kini Wuppiige 9:11

Iniki warak nogo mugurok wogwe kiinok, nda'nogogutak ne ambik eerogo pinagage, Kineenik kiigak, yi tahun ndi tahun ambinom eerumunggup nduk, eeppinagage, Eeke logogin o.

Yetaya 65:20

It inapurilogwe awo ngget ndarak kagak kanggwi, It aap inanggok nogo nda'nogogwaarak eyom ari naga'lek kagak obate paga kanggwi, Eeko logogun lek o. It ndarak iigak tahun 100 eeppunuk kanggwi iinok, Awo tawe aret kanggerak, mbakwi, Ndi, it ndarak iigak tahun 100 ari naga'lek kagak kanggwi iinok, At pulunik aret me kanggerak, mbakwi, Eeko logogun o.

Pelaareegerak 34:7

At Muta nogo ndarak kagak tahun seratus dua puluh aret eereegerak kwe, omaawi lek age, enegen ogut age, eeka'lek aret kagak kambeegerak.