Ayup 5:17 - Ala Wone Peenok Peebi Mbanak

¹⁷ Aap Ala nen inaruk wake nogo inale'nggen wonogo menggaarak me, At Omaawi Lombok Menggerak nen niniki koonogo pinanege kenok, Neebi, yuurak mage o.

Ayup 5:17 ပူးပေါင်းရင်းမြစ်များ

Ayup 11:13

Togop aret kwe, Kat yi, kiniki pipuk eekkolage, Ala o, yinuk, tamban eeke logonet, keenggi nippege,

Ayup 15:11

Ala nen kiniki eyak wappagage, Oone yanggik-yanggok yokkege, Eeke ti, Meek mba'nuk ari agandik?

Ayup 36:15

It aaninggin-paaninggin inoba age ti paga, Ala nen inagap ndake, Ndi, andi-pandi kogwe ti paga, At oone konenggo logowak nduk, eeppiige, Eeke menggerak o.

Ayup 36:16

Nggeewo pagi eyak nggerembunuk menggi kwak, Aaninggin nen koba nggero eerogo pagit unggwage me, Wondet aago logonok nduk, Ala nen, Mok o, mok o, yokkege, Mbi abe ndiinik-piinik aago wonage me kwippagage, Eeke kwe,

Ayup 8:5

Kat perak, kiniki kikak naka'lek abu koonak logonet, Yeenggwa kiruwak nduk Ala yoge, At Omaawi Lombok Menggerak nen Kabuwa mbaruwak nduk nggino yoge, Eeke keenok, At kake eerikit nduk, mi'nage logomenggerik, Aa'nduk wonagagerak obaane'me li'luk eerogo pagagin o.

Ndawi 118:18

Niniki koonnaruwak nduk, Aliku ALA nen mondok iya eeppanegerak kwe, An kambikit nduk, mbo panulik o.

Ndawi 94:12

Kaliku ALA wae. It aap inaruk wake, Koone yugu liiru mbanak nogo liirogon mamuninake, Eeppiige menggendak nogo Inale'nggen aret mbako menggaarak o.

Yeremiya 31:18

“At Eparayim nen le ari logonet, an yo'nege konenggirak nogo yi aret. Wam enegen mbolok kenok owaanggo eerogo pogo mengga kwak, niniki koonnaruwak nduk, togop eerogo paneegindak paga niniki koonnagagerak o. Kat nogoba Kaliku Ala aret me, an aa'nduk wonagagi kwak logokit nduk, niyokan wo'neren pani wage logot o.

Pelaareegerak 8:5

Aap nen inapuri wone lunirogo mengga kwak, at Aliku kinogoba Ala nen wone lunggiragagerak nogo liippinip o.

Yakobut 1:12

It aakumi inabut mbangge kagak nu'lek wonogwe kenok, inale'nggen aret mbako logowak o. It aakumi inabut mbangge kagak nu'lek wonogwe nogo, op eekwi iinok, nggare-nggare mendaarak yippiigo mengga kwak, “Kineenik mondok logorak mendek wokkiraagin o,” yinuk, abok yoragagerak ti, it aakumi Ala iniki kunik eekwi nogo, aret wogoraagin o.

Yakobut 5:11

It aaninggin inoba age kagak inogogumbuk logonet waganggwi iinok, Ala ale'nggen inoba piige nagagerak nogo nineenu aret o. Aap Ayup kunduk aaninggin oba age kagak wagangge nagagerak nogo ti, muk koneneegutak o. Aakumi abok Ala inabuwa nen obeelom eeppiige menggerak me, aap Ayup aaninggin oba age kagak iniki kwippunuk abu wagangge mbareegi, ti'nuk, irip paga Ala nen eeppereegerak nogo ti, kineenu aret o.

Wayu 3:19

It aakumi an niniki kunik eeginake minggirak nogo ti, inaruk wake, iniki koonnaruwak nduk yawi inooke, eeke minggirak me, iniki koombunuk, inomaluk nggaruk togon mbo puwak o.