Ayup 5:11 - Ala Wone Peenok Peebi Mbanak

¹¹ Inendage tebenak kenok, inendage tiyappiige, Iniki wakkologwe windak iinok, inale'nggen eerogo mippiige, Eeke menggerak o.

Ayup 5:11 ပူးပေါင်းရင်းမြစ်များ

Ayup 22:29

Aap iniki tiyappakwi iinok, Ala nen tebenogo piige, Ndi, iniki tebeppakwi iinok, at nen tiyappiige, Eeke menggerak me,

Ayup 36:7

It abe koonak eeka nogo enegen wogoren nage, It aap inendagembogut wone lengganogo yorogwe me, Inom yorogo logowak nduk, nabenogo piige, Inendage mondok tiyanak logowak nduk, eeppiige, Eeke menggerak kwe,

Ayup 8:7

Li'luk eerogo pagage ti paga, Peebi logomunggun nogo ti, Mondok iya lombok aret logomunggun me, kat nen, Aa'nduk wonagagirak nogo ti, Meek negen aret wonagagirak kagi, Mbake logomunggun o.

Ndawi 107:41

It ineenggi lek nogo aaninggin inoba wonage me nen piyanogo mippiige, It inaaganapuri ndomba kwak wiganogo piige, Eereegerak.

Ndawi 113:7

Aap tebenak liirubu enggela'me nen pilanogo mippiige, It ineenggi lek aakumi inambeebuk mbo pogo menggam nen piyanogo mippiige, Eeke logomenggerik,

Ndawi 91:14

At Aliku ALA nen ari logonet, “At aap ti, iniki kunik ee'nake me, agap ndake, Ala ti, an nogoba aret o, yinuk, ari me, arum wonage,

Yetikiyen 17:24

Togop eeke neenok, Naliku ALA nen eyo nggorek kenok kuwagaluk eerogo pege, eyo kuwagaluk kenok nggorek eerogo pege, eyo ki ti, mbuk eerogo pege, ndi, eyo mbuk kenok agarip wunduwak nduk eeppege, eeke minggirak nogo yi eyo ndi eyo penaame menggerak abok aret ineenu arugun o. Wone yi, Naliku an ALA nen aret yagarak me, eerigin aret,” yo'negerak kenok, yokkiragi o, yinuk, yoragagirak.

Lukat 6:21

Kit yogondak abu wonogwe yi, ndonggoppinagarak me, kiniki ale'nggen mbako logonip o. Kit yogondak le yogwe yi, i'ndok kambuurak eekkinabigin me, kiniki ale'nggen mbako logonip o.

Pelaareegerak 33:27

At itok menggerak Ala nen abu'me pinagage, At eenggi omaawi ambik itok menggerak paga nen pikkiren nage, Eeke logonet, At aa'nduk a'nuk kinawim mendek mugogo wumbiige, At nen, Inoo'nip o, yinuk, yokkirage, Eeke logogin o.

Yakobut 1:9

Oonegen wundi wage logonet, mo andi nen iri'ngga-kale'ngga teebat age nagaatik, mono-mono wangge logonet, etenggen maluk negen age menggi kwak, it aap ineenggi warak eekkolaawok nduk, eerit nugwi iinok, ineebe togop aret lek arugun me, kit noreewi Ala apuri ando kineenggi lek me kinendage tebenak wonogwe nogo, kineenggi warak age logonet, kinendage tiyak ari kenok, “Ala nen aret eeppanege o,” yinuk, kiniki tebenak logonet, ale'nggen mbakwi, ndi, kit ando kineenggi warak me, kinendage tiyanak wonogwe nogo, kinamendek lek age logonet, kinendage tebek ari kenok, “Iri'ngga-kale'ngga lek age menggi kwak, ninendage togop aret lek age me, op aret o,” yinuk, kiniki obeelom logonet, ale'nggen mbakwi, eeko logonip o.

1 Peterut 1:3

At ninowe Yetut Keritut ogoba Ala nen ninabuwa nggwok lombok mbake nagagerik, obeelom eeppinanege logonet, at Yetut Keritut kambunuk nogo menggam nen eenik agago mippereegerak nogo paga ninake punik nineyate kokwak pili age, yi'mbaani kungge, lek age, eekeelik mondok mbogut paga pinanogo wonage niniki lunik wonogwe nogo, kola nawok nduk, niniki ngget nda'ninabeegerak me, “Ninogoba Ala wa,” yinuk, endage tiyappogo ogoorik o.

1 Peterut 5:10

At iniki kunik nen wo'nirage menggerak alom unde ninogoba Ala nogo nen Keritut ninom kunik wonogwe paga at tiyanak menggim nogome ninom ndak-ndak mondok-mondok tiyanak logowok nduk ninayonggo pereegerak me, ne ambiriluk ambi andi-pandi eerogo pinagagwi iinok, ninogoba Ala nen kinobaabut koonogo pinagage, kiniki nu'lek eerogo pinagage, kinomaawi agago pinagage, kinogogumbuk nu'lek logobagip nduk eerogo pinagage, eeke logogin me, kiniki kwi'ndak logonet, waganggo logonip o.