Ayup 42:6 - Ala Wone Peenok Peebi Mbanak

⁶ Togop aret me, Nela nen yagarak o, yinuk, niniki wakkolage, Wun nanobak paga yumbunogo pake, liirubu paga lagak-mbagak ari, Eeke logonet, Noone maluk yagarak nogo ti, Ao, yinuk, mbo pigi o,” yinuk, yoreegerak.

Ayup 42:6 ပူးပေါင်းရင်းမြစ်များ

Wakkagagerak 18:27

Yoge mbareegi, at Abarakam nen ambinom yoge logonet, “An abu meek liirubu wun pogom logonet, wone yokkiriyak meek aret kwe, kagak yokkege me, mbe'niriyak mage o, nogoba.

1 Endagembogut 21:27

Eliya nen yoreegerak nogo aap Akap abu aret konengge nagagerik, ayum nibinogo patinuk, yum nibinik maluk mendek yikkolage nagagerik, mbi nengga'lek ambe mage negen logonet, yum nibinik maluk mendek nogo yirik winnage, mi'na'nuk nege logonet, iniki puru aago mbawok nege, eeke nagagerak.

Etara 9:6

yoge, “Nogoba Ala o. Ninomaluk ambik lombok ninoba luurik wonage, ndi, ninomaluk eekoorak ti, mbogut kuli aret ari lagangge, eerak wonage paga niniki andi lombok logonet, nenggali mbakak kat nogoba nenggaawak pilarogon pekkeyoorak meek ee'nake o.

Ayup 2:8

Eeppege mbareegi, wun inikime ndenen warak logonet, togolowak telenak wagangge nagagerik, agabolo paga nggibi-nggibi eeke nagagerak.

Ayup 30:19

Purok me tabunogo mambanege, Eekerak me, An liirubu pogom, wun pogom, agarak wonage o.

Ayup 42:5

O aa'nduk aakumi nen kabok yogwe mban naruk konengge nagagirak kwe, Yogondak perak, nenegen abe nen aret keegi o.

Ayup 42:7

At Aliku ALA nen wone ti abu aret Ayup yoge nagagerik, aap Teman mendek Elipat nogo yoge logonet, “An nayeloman Ayup nen nabok abe pagangge menggi kwak, kit togop yuulik me, kat inom, koreewi mbere inom, nanini kinombake agarik o.

Ayup 9:31

At Ala nen purok me taanogo panemenggerak me, Nambogoyum nen, Aap yi, ogole o, yinuk, yo'nirigin o.

Ndawi 51:17

Kake warogo wokkugwi kwak nogo ti, Aap ambi nen, “An maluk aret eeki o,” yinuk, Iniki wakkolage ti aret o. Aap ambi iniki wakkolage logonet tebeppake nogo ti, Kat Ala nen, “Aap yi, we aret eeke o,” yinuk, Yumunggun lek o.

Yetaya 5:5

Neyabu anggur yarak eeriyak nogo ti, yora o. Neyabu anggur yarak eyagat wurik nogo minogo pege neenok, lek eerogo nunggwi, Yugum yagat wurik langgunogo pege neenok, nggwiya unggunuk, iniyok aan lebenogo pit nogwe, Eerugun o.

Yetaya 58:5

Ne ambi paga iniki tebeppatinuk inambe mage negen logonet eeko logorak koonogo pereegirak nogo ti aret me, yinuk, eeko agaarik ya? Mbereewak yuwo-yuwo aago menggi kwak ina wandu aago wonogwe, Yum nibinik maluk mendek mbiganogo wun yumbunogo punuk, at paga lagak-mbagak yogwe, Eeko menggaarak nogo ti, Inambe mage negen logonet, eeko logorak nogo ti aret me eeko agaarik? Ninambe mage negen logonet eeko logorak, yogwe ti aret a? Aliku ALA inikilom mbaruwak nduk, Ne ambi ninambe mage negen logorak, yogwe nogo ti aret a?

Yeremiya 31:19

An nomo agan nage nagagirik, An maluk aret eeki, yinuk, niyokan wage, Eekirak kagi o, yinuk, liippake nagagirik, nanobak wakkolage, An wulaga awo tawe logonet, nendage maluk agagerak nogo paga nenggali mbake, Nendage maluk aago kagak nege, Eereegirak o, Yinuk, yo'nereegerak.

Yetikiyen 16:63

Ndi, at eerit nege nagagerak nogo lek eerogo punuk, nimbirak lambungge neenok, at eeke nagagerak abe'nage logonet, Ndogop eeriyak mendek eekirak, ao, yinuk, mbake, ndi, mondok enggali mbarit unggwage kenok, wone ambi yigin lek mondok-mondok puk age, eerigin o, yinuk, Naliku Nitok Minggirak an ALA nen aret yagarak me, yoru o,” yinuk, wone yi abok aret an yo'nege mbareegi, yoreegirak.

Yetikiyen 20:43

O time logonet, inobaabut wonogogwaarak inom, eerit nugwi paga maluk eerogo pako nogogwaarak inom, abeppunuk, Maluk lombok kagak eeko nogogurak paga nit ninogole warak aret kogo o, yinuk, yugun o.

Yetikiyen 36:31

Ti eeke neenok, it nen ineraambe maluk lombok wonogogwaarak inom, maluk eerit nogo nogogwaarak inom, abeppunuk, Nit maluk eerit nugwi, ogole warak lombok eerit nugwi, eeko nogogurak nogo ti, peyak wurik kwak kagak eeko nogogurak kogo o, yinuk, mbarugun o.

Yetikiyen 6:9

It ma'narit namenggaarak yi aakumi ndi aakumi kugun wogoren piya nawam inenggela'me time wonogo logonet, kwe ogonggelo mbo punuk, aap alik wagangge menggi kwak, an mbo paninuk, aakumi inagugi ogut eerak inigen kogo logonet, Nit ti aret mugurok nawok lak, ao, mbareegwaarak paga niniki warogo paneegwaarak nogo, iniki abeppunuk, maluk eerit nogwe, ogole warak lombok eerit nogwe, eereegwaarak nogo liippunuk, Nit maluk peyak wurik kagak eekoorak kogo o, yinuk, mbarugun o.

Ndaniyen 9:3

Kage nagagirik, mbi nengga'lek nambe mage negen logonet, nayum maluk mendek yikkolage, nenggaawak paga purok yikut eekkolage, eeppunuk, nena koonogo nogoba Ala pekkage logonet, tamban eeke, nggino yoge, eereegirak.

Ala Unde 13:12

Ndi, aap an neebe unde nen, Aap awin nogo anobak paga nen nugwa iyok kuli agabolo paga apit aret wiganinuk nagaarak kwa? mba'nuk,

Matiyut 11:21

“Kit aakumi Koratim mendek yi, kinabuwa o. Kit Mbetayira mendek kunduk, kinabuwa o. Eerubok mendek kit kiname time eeke kogotak nogo, o Tut Tiron time eeke logonetak en, it aakumi time mendek maan togon inayum maluk yikkologwe, purok inagabolo paga yikut eerogo pakwi, eeko logonet, inomaluk muk mbo penetak o.

Lukat 10:13

Wone ambinom yorage logonet, “It aakumi Koratim mendek ti, inabuwa o! It aakumi Mbetayira mendek ti, inabuwa o! Eerubok mendek iname eeke kagaarak nogo, o Tirut Tiron time eeke logonetak en, it aakumi time mendek nen kwi'na'nuk inayum maluk yikkologwe, purok inagabolo paga yikut eerogo pakwi, eeko logonet, inomaluk maan mbo penetak o.

Yotuwa 7:6

Inoori wogo mbareegwa, at Yotuwa inom, it aakumi Iterali inoweewi inom, nogo nen inayum nibinik-ndelenak eerogo pakwi, wun waganogo inanobak paga yumbunogo pakwi, eeko nogogwaarik, Aliku ALA aloobut mbanak enaame taati inetenggen wanduk ngginnogogwaarak wonogwe iigak, o aret kiip agagerak.