Ayup 42:2 - Ala Wone Peenok Peebi Mbanak

² “Kat nen yi mendek ndi mendek abok aret op mban eeke, Eeriyak koonogo pege nogo lek aga'lek a'me aret nggelok ari, Eeke menggendak nogo an neenu aret o.

Ayup 42:2 ပူးပေါင်းရင်းမြစ်များ

Wakkagagerak 18:14

An Naliku ALA nen koonggitak nogo ambi eeriyak, Meek me, yinuk, ari agaarik? Tahun ambi eeppunuk, keya woraagin, yagarak nogo ndak-ndak ari wage kenok, woraagin aret me, at Tara aagaluk aap aret ndarigin o.”

Ayup 23:13

Ala ti, iniki alik agak eekeelik aret me, Aap ta nen at eeriyak mbake nogo, non mbanogo pigin mbakop? At iniki mbake nogo mban aret eeke,

Ayup 25:2

“Omaawi paga mondok iya eerit nage kenok, Aakumi nen, Wi, yinuk, iniki ma'nage alom nogo ti, at Ala aret o. Agi mbogut paga at wone lengganogo yorage menggim nogome Abolok lek obeelom logowak nduk, eerogo pege menggerak.

Ayup 42:1

Yoge mbareegi, at Ayup nen Aliku ALA yoge logonet,

Ndawi 135:6

At Aliku ALA nen mbogut paga inom, Nggween paga inom, niyo kole laut paga inom, Yi nggwok yenggenak ogu kiiniki lombok paga inom, “Yogop eerikit,” mbake nogo ti aret eeke menggerak o.

Ndawi 139:2

An kwi'nage, mi'nage, eeke neegak, liippanege, Niniki koonit nage minggirak nogo O nda nen yelok na'neya wage, Eeke menggendak o.

Ndawi 44:21

Kat aakumi inikime kote koonggwi nogo Abok liippinanege menggendak me, Kat keenu aret logonetak nogo lek a?

Kini Wuppiige 19:21

Aakumi nen yi eeriyak ndi eeriyak ambik iniki koonggo menggaarak kwe, Aliku ALA nen eeriyak mbake perak, aret age menggerak.

Wone Alom Kibingga 3:14

At Ala nen yi mendek ndi mendek eeke menggerak nogo ti, at ayuk wuko logowak nduk, mondok-mondok eeke menggerak me, aakumi nen ambinom nabenogo pugwi, ambi lek eerogo pugwi, eeriyak meek aret kage minggirak o.

Yetaya 43:13

Aa'nduk togon wonagagirak nok-nok yogondak wonage nogo an Ala aret o. An neenggime wonage nogo aap ambi nen ndiniyak meek o. Ndi, an eeriyak koonogo pege nogo aap ta nen tu non mbanogo pigin mbakop? Mondok lek aret o,” yinuk, yegerak me yokkiragi o.

Yetaya 46:10

Wone eeriyak nogo awo warengga'lek kagak, “Age yobok ndogop eeke kaamunggup o,” yinuk, yokkirage, Ee'nariyak nogo awo eeka'lek kagak aa'nduk togon abok yokkirage, Eeke minggirak o. An eeriyak koonogo pigitak ti, mbeyok arilik o. Ata, eeriyak niniki mbake ti, a'me lik togon aret eeke minggirak.

Yeremiya 17:10

“Naliku ALA an perak, aakumi inobaabut eeko logomenggaarak nogo ndak-ndak onggo wogorage, Ndi, eerit namenggaarak nogo ndak-ndak eeppiige, Eeke logokit nduk, It aakumi iniki koonggwi nogo liippiige, iniki mbakwi nogo inabut mbangge, eeke minggirak o,” yinuk, yegerak.

Yeremiya 32:17

“Kaliku Kitok Menggendak ALA ai. Kat nen eeriyak meek ambi lek ti lek abok op mban aret o. Keenggi omaawi paga eeriyak kobam aret me, nggween inom, mbogut inom, wakkagagindak o.

Yetikiyen 38:10

At Aliku Itok Menggerak ALA nen yegerak nogo yi aret. “Eekwi ne ti eyom paga eeriyak inikime koongge logonet, maluk lombok eeriyak koonigin o.

Ndaniyen 4:32

Kat aakumi inenggela'me nen wumbagamenggaarak ndiimbu-nggwiya kinom penaame nege logonet, tapi-ndomba iri'ngga nenet nugu mengga kwak nenet nege logomunggun o. Ti eerit nage keegak, tahun 7 aret koba nage keenok, aakumi inabu'me piinok menggam abok aret at Tiyanak Lombok Menggerak alik en unde logonet, wone lengganogo yorage logorak aap mippiyoorak mbake kenok, aret mippiige menggerak abet aret kagi o, yinuk, mbarumunggun,” yoreegerak.

Ndaniyen 4:35

Aakumi inanebunu lombok nggween paga wonogwe abok aret, It iya lek o, inombake, Ndi, it mbogut paga inomaawi menggaarak inom, it yi aakumi ndi aakumi o nggween paga menggaarak inom, eeppiyoorak mbake kenok mban eeppiige, Eeke menggerak me, It aakumi nen at eenggi awiirogo pugwi, Ndi, Ti nonggop nduk eekendak o? yinuk, at yogwi, Eeriyak meek o, yinuk, yereegirak.

Matiyut 19:26

Yogo mbareegwa, at Yetut nogo enegen pegiige logonet, “Ti eeriyak nogo, it aakumi nen eeriyak meek aret kwe, Ala nen perak, yi mendek ndi mendek abok aret eeriyak op mban aret o.”

Marakut 10:27

Yogo mbareegwa, at Yetut nen enegen pegiige logonet, “Ti eeriyak nogo, it aakumi nen eeriyak meek kwe, Ala nen eeriyak perak, op o. At Ala nen yi mendek ndi mendek abok aret eeriyak op mban aret o.”

Marakut 14:36

“Ai, nogoba. Kat yi mendek ndi mendek abok eeriyak op mban me, ee'naburak amburu toolak an porogo wonage yi, wamen o. An niniki mbake eerigin ti lek o. Kat kiniki mbake aret eeriyak o,” yinuk, tamban eereegerak.

Lukat 18:27

Yogo mbareegwa, at Yetut nen, “It aakumi nen eeriyak meek kogwe nogo, Ala nen eeriyak op aret kage menggerak o,” yinuk, yoragagerak.

Yaya 21:17

Ne mbere yoge nagagerik, ti'nuk, ne ambinom yoge logonet, “Yaya aput Timon wae. Kat an kiniki kunik ee'nake ilik, lek a?” Yoge mbareegi, at Yetut ne kenagan paga, “Kat an kiniki kunik ee'nake ilik, lek a?” yoreegerak paga, at Peterut iniki maluk age nagagerik, yoge logonet, “Nogoba o. Kat yi abok ndi abok keenu aret me, an niniki kunik eekkake nogo kat keenu aret o.” Yoge mbareegi, at Yetut nen, “Nandomba ndegeninake logot o.

Epetut 1:11

At eeriyak koonggetak ndak-ndak aret eeke menggerak nogo nen, “An napuri ndogop obeelom eeppiyaakit o,” yinuk, o maan togon nit nda'naga'lek niigak, koonogo pereegerak nogo ndak-ndak, Keritut eeremenggerak paga nit at apuri aret miirogo pinaneegerak wonogo ogoorik o.