Ayup 42:16 - Ala Wone Peenok Peebi Mbanak

¹⁶ Ti abu aret eeke nagagerik, aap Ayup nogo eenik wonage kagak, tahun seratus empat puluh aret eereegerak me, apuri inom, ombowologwe 4 kuli nda'narit wogogwaarak inom, abok aret enegen iige nagagerak.

Ayup 42:16 ပူးပေါင်းရင်းမြစ်များ

Wakkagagerak 11:32

Nogome wonogo logonet, at Tera nogo ndarak kagak tahun dua ratus lima eeppunuk aret kambeegerak.

Wakkagagerak 25:7

At Abarakam nogo nda'nagagerak kagak tahun seratus tujuh puluh lima eeke nagagerik,

Wakkagagerak 35:28

Ka wagagerak wonage kagak, at Itak nogo ndarak kagak, tahun seratus delapan puluh eeppunuk,

Wakkagagerak 47:28

Ndi, at Iterali nogo o Metit nogome nagagerak kagak, tahun 17 eereegerak me, at ndarak kagak lambuk togon ti, tahun seratus empat puluh tujuh aret eereegerak.

Wakkagagerak 50:23

kangga'lek awo eenik wonage logonet, Eparayim apurilogwe inom, ombowologwe inom, ombowologwe inapuri inom, nda'narit nogogwaarak nogo enegen iige, ndi, aap Manate aput Makin apurilogwe ndaganake mbareegi, An napuri negen aret o, yinuk, ogome lamoorogo wogonake, eereegerak.

Wakkagagerak 50:26

Ndi, at Yutup nogo ndarak kagak tahun seratus sepuluh eeke nagagerik, kangge mbareegi, at eebe paga amburu obeelom mendek mbenak-mbenak eerogo pogo nogogwaarik, eyo ogobakkigirik me yonggologo punuk, o Metit nogome pereegwaarak.

Ayup 42:15

Yi o ndi o time abok aret komologwe Ayup apurilogwe abu kigirikwe lombok togoti ambi ndaganaka'lek aret wonogogwaarak. Inogoba Ayup eyate iniriwi wologwe ti, wogorage logonet, komologwe ti inom aret wogoragagerak.

Ayup 42:17

Ndi, Ayup nogo abu anggok lombok age nagagerik, li a'nuk kambeegerak.

Ndawi 90:10

Nit ndarak nineenik niigak tahun eeriyak ti, Tahun 70 aret kwe, Ninomaawi ee'ninake kenok perak, Ndarak niigak tahun 80 aret age menggerak o. Ti ee'ninake paga ninale'nggen mbarumonggoorak kwe, Aaninggin-paaninggin ninoba kwi'nage, Anggon-panggon ee'ninabit unggwage, Eeke kagak, Nda'nogogurak mbet-mbet lek ari nanuk, Nineenggi-niniyok lek aret, lek ogo monggoorak.

Kini Wuppiige 17:6

Aap inanggok inenggare-nggare mendaarak ti, inombowologwe aret. Ndi, wologwe nen iya inombakwi nogo ti, inogobamini aret.

Pelaareegerak 34:7

At Muta nogo ndarak kagak tahun seratus dua puluh aret eereegerak kwe, omaawi lek age, enegen ogut age, eeka'lek aret kagak kambeegerak.

Yotuwa 24:29

Wone ti nogo abok aret yorage nagagerik, wonage logonet, at Nun apuluk Yotuwa at Aliku ALA ayeloman nogo ndarak kagak, tahun seratus sepuluh eeppunuk, aret kambeegerak.