Ayup 42:12 - Ala Wone Peenok Peebi Mbanak

¹² At Aliku ALA nen Ayup aa'nduk eenik wonage kagak ale'nggen oba pege nagagerak kwak lek peebi eenik wonage kagak ale'nggen ambik oba pereegerak. Pege kagak, aanggumi kambin-ndomba empat belas ribu inom, unta enam ribu inom, lembu mbere'mbo seribu inom, keledai kooli seribu inom, unde wonagagerak.

Ayup 42:12 ပူးပေါင်းရင်းမြစ်များ

Wakkagagerak 24:35

At Aliku ALA nen nogoba Abarakam ale'nggen oba pege logonet, aanggumi tapi-ndomba inom, keledai-unta inom, mbuti wu perak-emas inom, ayeloman mini kumi-aap inom, alik negen ngginu-ngginu eerogo wogoreegerak paga aap nggwok eenggi warak aret agagerak wonage o.”

Wakkagagerak 32:14

kambin kooli dua ratus, ndi, ngguunok 20 inom, ndomba kooli dua ratus, ndi, ngguunok 20 inom,

Ayup 1:10

Kat nen at inom, aaganapuri inom, amindik-amendek abok aret inom, mangga wagak yengget-wangget yagat wurogo piigendak nogo lek a? Wurogo piige nagandik, at eerit nage nogo abe mban arit nage logowak nduk, kale'nggen oba pege menggendak paga at wonage menggim aanggumi kambin-ndomba ambik lombok wigak yegerak nogo o.

Ayup 1:2

At apuri wologwe ti, 7 ndaganake, ndi, komologwe ti, 3 ndaganake, eereegerak.

Ayup 1:3

Ndi, at aanggumi kambin-ndomba tujuh ribu. Unta ti, tiga ribu. Tapi mbere'mbo lingginik lima ratus. Keledai kooli lima ratus. Ndi, ayeloman mini ti, ambik lombok aret wonogogwaarak. It aakumi oonegen wundi wage menggim pa'nggwe wonogwe ti, inenggela'me aap nggwok eenggi warak lombok at alik aret wonagagerak.

Ayup 8:7

Li'luk eerogo pagage ti paga, Peebi logomunggun nogo ti, Mondok iya lombok aret logomunggun me, kat nen, Aa'nduk wonagagirak nogo ti, Meek negen aret wonagagirak kagi, Mbake logomunggun o.

Ndawi 107:38

Eekwi iigak, at ale'nggen inoba piige, Ineebe ambik wiganogo piige, Inaanggumi kunduk lek aga'lek ambik eerogo piige, Eereegerak.

Kini Wuppiige 10:22

Aliku ALA ale'nggen inoba piige paga it aakumi ineenggi warak ogo menggaarak o. Ndi, eeppiige logonet, aaninggin-paaninggin kaawak nduk, inom eeppiigeelik o.

Wone Alom Kibingga 7:8

Wone alom pilangge ti, aaninggin lombok kwe, irip paga ari kenok ti perak, teeluk aret o. Iniki yungguppegak yuurak ti, op aret kwe, neenu mbakak ari kenok perak, meek aret o.

Yetikiyen 36:11

Puut-puut ti paga aakumi inom, inaanggumi inom, ambik aret wiganogo piige neenok, ndaganabit nogo logonet, ineebe ambik aret wigannarugun o. O aa'nduk puut-puut ti paga aakumi ambik ye mbambatinuk wonogogwa kwak eerogo piyaagin me, aa'nduk yi mendek ndi mendek yarak anggen ambik yi'nage nagagi kwak lek, yogondak ti abunuk, alik negen yi'nage logowak nduk, eerogo pigin o. Ti eeke neenok, it nen Naliku ALA an aret ineenu arugun o.

Pelaareegerak 8:16

peebi obeelom mban logobagip nduk, kinabut mbangge, kiniki tebeppatiyak nduk eeppinagage, eerit karume wundi wage logonet, kinombomini ineenggo'lek mendek mbi mana nabagip nduk, wokkiragagerak nogo o.

1 Timotiyut 6:17

It aakumi o yogondak ineenggi warak wonogwe nogo ti paga iniki wogoppako logonet, yi mendek ndi mendek lek ariyak kagak, iniki ti paga lunik logokwak, yorage logot o. Nit ale'nggen mbaruwok nduk, at yi mendek ndi mendek ngginu-ngginu eerogo wo'nirage menggerak Ala paga mban iniki mondok lunik logowak nduk, yorage logot o.

Yakobut 5:11

It aaninggin inoba age kagak inogogumbuk logonet waganggwi iinok, Ala ale'nggen inoba piige nagagerak nogo nineenu aret o. Aap Ayup kunduk aaninggin oba age kagak wagangge nagagerak nogo ti, muk koneneegutak o. Aakumi abok Ala inabuwa nen obeelom eeppiige menggerak me, aap Ayup aaninggin oba age kagak iniki kwippunuk abu wagangge mbareegi, ti'nuk, irip paga Ala nen eeppereegerak nogo ti, kineenu aret o.