Ayup 42:10 - Ala Wone Peenok Peebi Mbanak

¹⁰ At Ayup nen oreewi inake tamban eeke mbareegi, ti'nuk, Aliku ALA nen at Ayup amendek aa'nduk wonagagerak nogo obaane'me wogoge logonet, oba luunogo ambik lombok aret wogoreegerak.

Ayup 42:10 ပူးပေါင်းရင်းမြစ်များ

Wakkagagerak 20:17

At Abimelek nen at Abarakam akwe Tara nogo waganeegerak paga it kumi Abimelek ame wonogwe nogo tigitogon wubili agago piyareegerak me, ti'nuk, inaagalogwe ndaganako logowak nduk, at Abarakam nen tamban eeginake mbareegi, at Ala nen Abimelek inom, akwe inom, ayeloman komologwe nogo inom, obeelom agago piyareegerak.

2 Mbinineegwaarak 25:9

Yoge mbareegi, at Amatiya nen aap Ala wone liirogon eeka nogo yoge logonet, “Aakumi Iterali mendek it ineegin warak ineebe seratus ribu ninom wim eeriyak onggo wogoragarak ti, nonggop o?” Yoge mbareegi, aap Ala wone liirogon eeka nogo nen wone onggo yoge logonet, “Ti wu nggwok aret wogoragandak kwe, Ala nen abu nggwok lombok wokkirigin meek mbaken?”

Ayup 1:2

At apuri wologwe ti, 7 ndaganake, ndi, komologwe ti, 3 ndaganake, eereegerak.

Ayup 1:3

Ndi, at aanggumi kambin-ndomba tujuh ribu. Unta ti, tiga ribu. Tapi mbere'mbo lingginik lima ratus. Keledai kooli lima ratus. Ndi, ayeloman mini ti, ambik lombok aret wonogogwaarak. It aakumi oonegen wundi wage menggim pa'nggwe wonogwe ti, inenggela'me aap nggwok eenggi warak lombok at alik aret wonagagerak.

Ayup 42:9

Yoge mbareegi, at Teman mendek Elipat inom, aap Tuwa mendek Mbilirat inom, aap Naama mendek Topat inom, nogo nen Aliku ALA nen yoragagerak nogo ndak-ndak eeko mbareegwa, Ayup tamban eereegerak nogo Aliku ALA aruk koneneegerak.

Ndawi 126:1

Nit aap keele maa'niren pinani nogogwaarak nogo, Aliku ALA nen niniyokan o Yerutalem wo'niren pinani wagagerak nogo ti, Ninabi kogwe negen mbakak wogogurak o.

Ndawi 14:7

It Iterali inagap ndariyak nduk, Puut Tiyon paga nen woraawak lak, ao! At Aliku ALA nen at apuri aa'nduk obeelom wonogogwa kwak, Obaane'me obeelom eerogo piige kenok, at Yakup paga wiganak nen inale'nggen mbakwi, Ndi, it Iterali mendek nen ndawi lubuk yogwe, Eeko logogun o.

Ndawi 53:6

It Iterali inagap ndariyak nduk, Puut Tiyon paga nen woraawak lak, ao! At Ala nen at apuri aa'nduk obeelom wonogogwa kwak, Obaane'me obeelom eerogo piige kenok, At Yakup paga wiganak nen inale'nggen mbakwi, Ndi, it Iterali mendek nen ndawi lubuk yogwe, Eeko logogun o.

Kini Wuppiige 22:4

Aap ambi iniki tebeppake, Aliku ALA agabiti mbake, eeke paga Eenggi warak age, ayuk warak age, eebe op mban wonage logonet, ale'nggen wonage, Eeke menggerak.

Yetaya 40:2

It aakumi inayeloman mini eeppiirogo wonogwe me nen wondet eerogo piyoorak eyom muk panggoni wagaarak o. Maluk eeko nogogwaarak nogo lek eerogo piige, Inomaluk eeko nogogwaarak Naliku ALA onggo eeppiyareegirak nogo, Ne mbere eeppiyookwak, mondok nggwik togon inoba kwippiige, Eekirak nogo Abu aret eekirak me, Kat o Yerutalem mendek inabuwa nen koone yanggorogon yorage logot o,” yinuk, yo'negerak me, yagi o.

Yetaya 61:7

Kit kinenggali mbakak nugu nogotak obaane'me ne mbere wogorogo mengga kwak kit an napuri wokkirage, Kinendage maluk agaarak obaane'me eyate wokkiramenggerak paga kinale'nggen age, Eerigin o. Kinanggween paga wonogwe kiigak eyate ne mbere kwak wokkiraagin me, kinale'nggen mondok-mondok eekkinake logogin o.

Agayi 2:8

Mbuti perak inom, mbuti emas inom, ti an namendek aret o, yinuk, Nomaawi Lombok Minggirak Naliku ALA nen aret yagi o.

Linggineegwaarak 12:13

Yoge mbareegi, Muta nen at Aliku ALA yoge logonet, “Ala wae! At eebe obeelom eerogo pu o, nogoba.”

Linggineegwaarak 12:2

“At Aliku ALA nen Muta alik yoge kagak, nit yo'nirage menggerak mbakop? Lek o. Nit kunduk Aliku ALA nen yo'nirage kagak yorogo monggoorak nogo lek a?” yinuk, at Muta abok mbanggwi nogo Aliku ALA aruk koneneegerak.

Linggineegwaarak 14:10

Yorogo mbareegwa, it aakumi Iterali mendek abok nen it aap ineebe mbere nogo yugum paga inooriyak nduk wone mbanggwi iigak, Aliku ALA inom lambungge menggim awooliya wurik nogo paga abinak pindanogo pege kogogwaarak.

Lukat 16:27

Yoge mbareegi, aap eenggi warak nogo nen, Ndi, ti kenok nogoba o.

Nappiigak 7:50

Yi mendek ndi mendek ogobakkigirik yi ti, an nen mban ogobakkigireegirak nogo lek a? yinuk, yereegerak yoragagerak nogo ndak-ndak, aakumi inawi wurik me wonageelik o.

Nappiigak 7:60

yinuk, endobanggun yindumbunuk oone nggwok paga ari logonet, “It maluk eekwi yi, onggo eeppiyoorak mage o. Teppiyet o, nogoba!” yinuk, yoge nagagerik, kambeegerak.

Pelaareegerak 30:3

at Aliku kinogoba Ala nen kinabuwa mba'nuk, kit aakumi inenggela'me mak eerogo pinagamenggerak nogo kuwak eerogo wokkiren kiniyokan pinagi wage logomenggerik, aa'nduk wonogogutak togop nogo aret obeelom eerogo pinagagin o.

Pelaareegerak 8:18

kineenggi warak logomunggup nduk, at Aliku kinogoba Ala nen eerogo pinagage nogo paga kinombomini inom wone abuk nggaruk togon kumbuk mbanogo yoragagerak nogo aberak mban logonet, omaawi eerogo puwak nduk, yogondak yi paga eeppinagage ndak-ndak aret eeppinagagin me, at Aliku kinogoba Ala paga mban aberak logomunggup o.

Pelaareegerak 9:20

Ti'nuk, peebi aap Karun kunduk, at Aliku ALA nen togop aret anini oba pege nagagerik, eebe mondok warikit nduk eeke me, an nen ne ti eyom paga at ake tamban eereegirak o.

Yakobut 5:11

It aaninggin inoba age kagak inogogumbuk logonet waganggwi iinok, Ala ale'nggen inoba piige nagagerak nogo nineenu aret o. Aap Ayup kunduk aaninggin oba age kagak wagangge nagagerak nogo ti, muk koneneegutak o. Aakumi abok Ala inabuwa nen obeelom eeppiige menggerak me, aap Ayup aaninggin oba age kagak iniki kwippunuk abu wagangge mbareegi, ti'nuk, irip paga Ala nen eeppereegerak nogo ti, kineenu aret o.

1 Tamuwen 2:7

Kaliku ALA nen mban aakumi ineenggi lek eerogo piige, Ineenggi warak eeppiige, Iniki wogoppakwi iinok tebeppiige, Iniki tebeppakwi iinok, tiyappiige, Eeke menggendak o.

1 Tamuwen 2:8

It aap abu meek liirubu paga, Ndenen warak wonogwe nogo pilanogo mippiige, Iniki aaninggin nen purok lengge eerak wonogwe nogo, Iniki obeelom eerogo piige, Eerogo piinok, Aap inendagembogut inapuri nogo inom nugu logowak nduk piige, Inayuk warak logowak nduk, yabu unde eeppiige, Eeke menggendak. Kaliku ALA nen aret nggween alom yi, O eyak kwak wurake nagagindik, Nggween ogombaga ndoonogo kwippereegindak me,