Ayup 41:4 - Ala Wone Peenok Peebi Mbanak

⁴ Teppinanege keenok, kayeloman mondok logowok o, Yinuk, kinom wone koonogo pugwi, Eerugun mbaken?

Ayup 41:4 ပူးပေါင်းရင်းမြစ်များ

Wakkagagerak 1:28

Eeke nagagerik, ale'nggen inoba piige logonet, “Kit kineebe ambik wiganit nogo logonet, o yi ndak warak logobagip nduk, kinapurilogwe-kinombowologwe ndaganabit nogo logonip o. Ndaganabit nogo logomonggotik, kineebe o yi ndak warak a'nuk logonet, kit nen yi yikwe ndi yikwe niyo nggwok yenggenak laut inikime menggaarak inom, yirowe-ndirowe wiga agan nugu menggaarak inom, yi mendek ndi mendek ineenik nggween paga nugu menggaarak inom, abok aret unde logomunggup o,” yinuk, yoragagerak.

Ayup 41:3

It inoone yanggik-yanggok yokkugwi, Ninabuwa nen teppinanu o, yinuk, yokkugwi,

Ayup 41:5

Towe inom yine kunggo mengga kwak, Waalo ti, kinom yine kungge, Kapuri komologwe wonok nugu logowak nduk, inake keele nikkenok inowagam piya wage, Eeriyak op mbaken?

Wundeegwaarak 21:6

at ogoba nogo nen ayeloman nogo wonok Ala awi wurik me pi nage logomenggerik, tungga paga ilik, tu yinik ambe paga a, mippunuk, Mondok-mondok nayeloman logomunggun o, yinuk, aruk pelenogo puwak o.

Pelaareegerak 15:17

aap nogo ayeloman aago mondok-mondok logonet, kambi noorak kuli ari nawak nduk, eyo nggabonak ambi wagangge logomenggerik, arungga'nggi paga taati nen ayeloman nogo aruk pelenogo puwak o. Ndi, kumi inayeloman logomenggaarak kenok ti, togop mban eerogo piigo logowak o.

1 Tamuwen 11:1

Ti'nuk, aap Amon mendek endage Nakat nogo, awuri inom o Yabeti Nggileyat nogo nogogwaarik, inawooliya wuppunuk, aakumi time mendek inooriyak nduk, yengget-wangget eeko mbareegwa, it aap Yabeti mendek abok aret nen Nakat yogo logonet, “Nit nen kabu'me logonet, yo'nirage keenok, eeko logowok nduk, wone mbanuwok o.”