Ayup 41:14 - Ala Wone Peenok Peebi Mbanak

¹⁴ Inondogowak yendok-wandok ineyak mban mbililin eerak me. Aakumi inagabolo ne agan nage waalo nogo inambe paganogo piige, Eeriyak mbaken?

Ayup 41:14 ပူးပေါင်းရင်းမြစ်များ

Ayup 38:10

Ari noorak kuli mbanogo pege, Arungga ogobakkigirogo mippege, Wa'mbit ogobakkigirogo nggelenogo pege,

Ayup 41:13

Waalo yele-kole ti, aap ta nen inagabolo endekem mendek mondonogo nappiige, Inagabolo ku'mbin me polok togon mambiige,

Ayup 41:15

It inamborowak paga inarin yarak kwak angge'ngget ndo aago wonogwe, Ta'mban-mban penggaarak wonogwe, Eeko menggaarak.

Ndawi 57:4

Aakumi nen an nooruwok nduk eekwi ti, Singa aakumi nibininaburak kwak wonogwe, Ineyak ti, maale-wooluwak kwak wonogwe, Inamili ti, paloowi engget ambik kwak wonogwe, Eerak logonet, An wanggeppaninuk wonogo agaarik o.

Ndawi 58:6

Togop me, kat Ala wae. It aap ti, Togop kwak aret me, ineyak langgunogo piige, Kaliku ALA wae. It singa kwak aret me, ineyak nggiginogo piige, Eeru o.

Kini Wuppiige 30:14

Ndi, it aap o nggween paga tebenak wonogwe nogo lek eerogo piinet nogwe, It eekkoloorak meek mendek aakumi inenggela'me wonogwe nogo lek eerogo piinet nogwe, eeruwok nduk, It aap ando inapuri nogo ineyak kirin ti, wooluwak ngget nggabenak kwak, ineyak alom ti, ndut kwak, wonogwe, Eeko menggaarak.

Wone Alom Kibingga 12:4

Tu nggwok paga wundi nogo menggam tu nogo naka'lek kagak, Yigikwi oone ari nogo oone lek arit wangga'lek kagak, Towe inoone yogwe iinok, mi'nariyak eyom aga'lek kagak, Kumi ndawi wakwi abok aret inoone nggobo agan wangga'lek kagak,

Ndaniyen 7:7

Ti kage nagarik, oonikiya nabi awo kage me, nggwiya negen alik ambi lagi wage kagarak o. Nggwiya negen kagarak ti, omaawi ambik, aakumi inagabiti nen inamineeri ne agan naga nogo mendek kagarak. At eyak ti, mbuti mendek nggwok lombok me, noorak mbaketak nogo eyak ti paga yigirik-noonom eerogo nengge logonet, ando yumbunogo pege nogo, iyok aan lebenogo pit nage kagarak. Nggwiya negen yi nogo ti, aa'nduk lagi wogwe iigirak nogo kwak lek at abu alik lombok me, eyak 10 kuli anobak me wonage kagarak.