Ayup 40:8 - Ala Wone Peenok Peebi Mbanak

⁸ Aakumi eekwi an nen a'me nggelok eeppiige nogo, Kat nen meek eerogo pege, Kaana'le mbanggolage logonet, Kat maluk eeppanggendak o, yinuk, an yo'nege, Eeke nogo ti, Op aret mbaken?

Ayup 40:8 ပူးပေါင်းရင်းမြစ်များ

Ayup 10:3

Aap maluk mendek iniki koonggo menggaarak nogo Kinikilom mbake logonet, Kat nen ogobakkigi'nabeegindak nogo, Aap maluk aret o, yinuk, mbo panege, Keebi lombok nombake logonet Aan lebe eerogo panege, Eeke ti, Op eeke, mba'nuk eeppanege agandik?

Ayup 13:18

An naana'le mbanggolage logonet, Ndogop yigin o, yinuk, wone koonogo pege, Aap yi maluk eeka'lek abe aret o, yinuk, at Ala nen yo'nirigin neenu age, Eekirak me,

Ayup 16:11

Ala nen neebe waganogo aap maluk mendek wogorage, Aap maluk eeppiiga ineenggime tek eerogo panege,

Ayup 19:6

Ala nen aret maluk eerogo panege, Towe yiluk yaga nen yarogo pereegerak nogo paga yilunogo panege, Eekerak kineenu a'nip o.

Ayup 32:1

At Ayup nogo nen, “An aap abe niniki koonak aret o,” mban mbake me, aap kenagan nogo wone onggo ambinom yorulik puk aret ogogwaarak.

Ayup 32:2

Puk iigak kwe, aap anebunu Aram paga wiganak o Mbut mendek endage Mbaraken aput Eliku nogo perak, at Ayup nogo nen, “An aap obeelom neegak Ala maluk eeppanege ti, nonggop nduk eeke agarik o?” ari ti paga anini ombake,

Ayup 34:17

At ambi aakumi eekwi ndak-ndak onggo wogorage eebi mbake nogo nen Aakumi inarum logonet, inawone mbaniyak op mbaken? Ndi, it eekaatak ndak-ndak eeppiiga mondok omaawi menggerak nogo, Kat maluk eekendak o, yinuk, at yoriyak op mbaken?

Ndawi 51:4

Kat aret maluk eeppagage, Aap alik lek kat lombok maluk eeppagage, Maluk eeriyak keebi mbake menggendak nogo kagak aret eeke, Eekirak me, Eekirak onggo eeppaniyak nogo ti op aret mbake, Ndi, nowak loonogo punuk, Aaninggin noba paniyak mbake nogo ti, a'me nggelok aret eeppanumunggun kombake, Eeke agarik o.

Yetaya 28:18

Kanggwi alom kinom wone abuk nggaruk togon koonogo pogotak nogo piyok ari, Kambunuk nogo menggam kinom wone mbanggotak nogo lek age, Eeke logonet, Yawi kinooka nen wage logonet, mondok alik negen yawi yombak ati kinoorigin o.

Yetaya 43:26

Aa'nduk eerit wogogwaarak nogo aberogo yo'nugwi, Nit maluk eerulik abe mban eerit wogogurak, yogwe nogo liippunuk, Ninom owak loonuwok nduk, wone kin eeppugwi, Eeruwak o.

Yetaya 45:9

“Yi yiiwak ndi yiiwak nggween nggabok paga ogobakkigirik ambik lombok inenggela'me ambi nen, At eebe ogobakkigirogo pereegerak imbirak wone wake kenok, abuwa o. Kat nano ogobakkigirogo pege agandik o? yinuk, At nggween nggabok nen aap yiiwak ogobakkigika nogo yoge, At yiiwak abu ogobakkigirogo pegerak nogo nen, Kat keenggi amburu lek o, yinuk, at ogobakkigika nogo yoge, Eeriyak op mbakop?

Oroma 3:4

Lek o. Eeppiyaagin aret o! “Eekirak onggo eeppaniyak nogo ti, op aret mbake, Ndi, nowak loonogo punuk, aaninggin noba paniyak mbake nogo ti, a'me nggelok aret eeppanumunggun, kombake, Eeke agarik o,” yinuk, yereegerak liiru mbanak ndak-ndak it aakumi abok pilit wone yogo menggaarak kwe, Ala perak, abet mban ari menggerak o.

Nggalatiya 3:15

Noreewi o. Nit yogo monggoorak ambi wakkagak yuwok o. Nit aap nggween paga mendek aret kwe, aap ambi ninom wone mbambunuk, “Mondok ndogop eeruwok o,” yinuk, nineenggi amburu pugwi niinok, aap alik ambi nen wone ti, taganogo mbo pege, ndi, at alik ambi nen wone alik ambi inom nabenogo pege, eeriyak mondok meek aret kogo monggoorak nogo ndak-ndak,

Nggalatiya 3:17

At Ala nen Abarakam imbirak wone mondok abuk nggaruk togon mbaneegwaarak kagak, tahun empat ratus tiga puluh eeppunuk, wone Muta yoreegerak me, peebi yoreegerak nogo paga nen, aa'nduk yugu nogo awo eeka'lek kagak, lek eerogo puurak op mbakop? Meek me nduk, yokkiragi o, noreewi.

Iberani 7:18

Ti eereegerak paga Muta wone lengganogo yoreegerak nogo, mugurok nogo logonet, obeelom eekkolaawok nduk, eekwi iigak kwe, obeelom eerogo piiga'lek we aanom warogo eeko nogogwaarak me, “Yogop ee'nu, ndogop ee'nu,” wone aa'nduk lengganak nogo, lek eerogo punuk, wone alik ngget mendek kin eeppereegerak me, “Wone yi, mugurok nogwe paga obeelom eeppinaniyak abet aret kogo,” yinuk, niniki lunik logonet, Ala owagam nagak eeko ogoorik o.