Ayup 40:2 - Ala Wone Peenok Peebi Mbanak

² “Ayup wae. At Omaawi Lombok Menggerak nen niniki koonogo paniyak, mbakendak nogo, Abu yogirak mbake agandik ilik, ambinom yorikit mbake agandik a? Ala nen maluk eeppanegerak o, At ari nogo nen aret an Ala eekirak ti, Ndogop eeppanggendak, yo'niruwak o,” yinuk, yoreegerak.

Ayup 40:2 ပူးပေါင်းရင်းမြစ်များ

Ayup 10:2

An nen Ala yoriyak nogo yi o. Kat nen, Maluk eekendak o, yinuk, An yo'niriyak mage o. Ata, Kat ndi eekendak kenok, eeppagage agarik o, Yinuk, an yo'niriyak op aret o.

Ayup 13:3

Togop aret kwe, At Omaawi Lombok Menggerak nogo an nimbirak wone mbangge, Ala enggaanom paga naana'le mbanggolage, Eerikit mbake me,

Ayup 23:4

Neenu ee'netak nen At owagam ka nage logominggirik, nawone nogo enggaanom paga paganogo yoge, Ndogop kagak eeppanege agandik o, yinuk, an naana'le li'lak mbanggolage, Eeke neenok,

Ayup 27:2

“At naana'le liirogon mbanggeelik eenik menggerak Ala endage paga, At niniki andi lombok eerogo panggerak Omaawi Lombok Menggerak endage paga, Wone ambi yokkira o.

Ayup 3:20

It nogo ti, kambuurak, Ao, mbakwi kwe, Kambuurak eyom panggoni waga'lek wonage, Iri'ngga onggo nggwok nggween taanak wonage kero, Nggween kabunogo kwaarit unggwogo mengga kwak, It kambuurak, Ao, yinuk, inikilom mbako nagaatik, Nggween taambiyoorak eyom ari wage kenok, Inale'nggen nen ndawi lubuk yogwe, Eeko menggaarak me, Aap iniki puru aago wonage nogo eya eeppege, Iniki wakkolage nogo eenik logowak nduk, eyak wappege, Ti nonggop nduk eeke menggerak?

Ayup 3:23

At Ala nen aap ambi yengget-wangget eeppunuk wonage, At eeppuurak mbake nogo nobapporogo wonage, Eeke logonet, Nonggop nduk eenik logowak nduk, teppege menggerak mbakop?

Ayup 30:21

Nabuwa nombaka'lek nggwiirit nooke, Andi yagan waruwak o, yinuk, keenggi omaawi lombok paga noorit unggwage,

Ayup 31:35

An noone ari yi, Aap ambi konenuwak lak, Ao, mbake agarik o. An wone agan wagarak yi, abok abet aret me, At Omaawi Lombok Menggerak Ala nen mban Onggo yo'nege logowak o, yinuk, Nombo owak o! At maluk eekerak yo'nege nogo ti, Alom ndogop eekendak o, yinuk, Liiru liirogon mbanogo punuk wo'niruwak o.

Ayup 33:13

Ala yogitak kwe, onggo yo'nega'lek agaarik o, Yinuk, nonggop nduk keebi mbake agandik?

Ayup 38:3

An nen keegwa'me wagangge, ndi, kat nen onggo an yo'nege, Eerugun me, Kat aap aret kenok, pipuk eeppunuk logot o.

Ayup 40:1

Yoge nagagerik, at Aliku ALA nen Ayup ambinom yoge logonet,

Ayup 40:3

Yoge mbareegi, at Ayup nen Aliku ALA yoge logonet,

Ayup 7:12

At nogo ti, niyo laut ilik, Waalo nggwok anini warak yi inikime menggerak a, Mba'nuk, narum logorak mbaken ya?

Ayup 9:3

Wone ti yuwak nduk, Ala nimbirak wone warikit o, yinuk, mbaremenggerak kwe, Wone ambiriluk yoge kagak, At nen wone onggo seribu kuli aret at oba kwippigin me, Oone lek aret arigin o.

Wone Alom Kibingga 6:10

Yi mendek ndi mendek wonage menggerak nogo ti, inendage abok toonak wonage kogwe, Ndi, aakumi inobaabut nogo ti, muk liippiigwi, Eeko monggoorak me, Aap oone omaawi ambi nen aap alik oone omaawi lombok kenok, tebenogo puurak wakkagak eekeelik o.

Yetaya 40:14

Aliku ALA nen, “An wone neenu aruwak nduk, mamunniru o,” yinuk, aap ta yoreegerak mbakop? Aap ta nen at a'me nggelok mban eeke logowak nduk, mamunege, Yi wone ndi wone eenu aruwak nduk, mamunege, “Wone yi liippege keenok, keenu arumunggun o,” yinuk, yoge, Eereegerak mbakop? Abok lek aret o!

Yetaya 50:8

An naana'le mbangge menggerak nimbirak aret wonage me, Aap ta oone omaawi paga, “Kat ndogop eekendak o,” yinuk, yo'nirigin mbakop? Wonage kenok, nimbirak wakkaawok nduk, neya wage, “Ndogop eekendak o,” yinuk, yo'niruwak nduk, nenggali wappani wage, Eeruwak o.

Yeremiya 50:24

At Mbaben ti, Naliku ALA tebenogo panegak eekerak paga Pagi enggaanok nggerok yuurak keele pogo mengga kwak An nen at eeppuurak keele pigirak kagak at kobak nage me, Enggaanok nggerok yegerak wonage me, pigaganggirak o.

Yetikiyen 18:2

“It Iterali wonogo menggam eekwi iinok, wone wakkagak yogo logonet, Ninogobamini eyo anggen ale mendek nunggwi paga nit inapuri nineyak ne agan nage menggerak o, yinuk, yogo monggotak ti, alom ngge nduk yogo monggotak o?

Matiyut 20:11

eeke mbareegi, kologo nogogwaarik, aap eyabu unde nogo inanini eeppogo logonet, inoone mumun paga at yogwi,

1 Korindut 10:22

Nit ninowe anini eeppuurak op mbakop? Nit ninomaawi ambik, ndi, at omaawi lek mbakop? Lek aret o.

1 Korindut 2:16

“Ala iniki mbake menggerak nogo, ta nen eenu me, at mamuniriyak op mbakop? Mondok lek aret o,” yinuk, yereegerak liiru mbanak aret wonage kwe, Keritut iniki mbake nogo unde monggoorak nit aret o.