Ayup 4:17 - Ala Wone Peenok Peebi Mbanak

¹⁷ At Ala nen, Aap nggween paga mendek ambi iniki abu koonak wonage kage, At yi mendek ndi mendek ogobakkigika nen Aap ambi maluk oba lenggenak lek abu obeelom aret wonage kage, Eeke menggerak mbaken? Lek aret o!

Ayup 4:17 ပူးပေါင်းရင်းမြစ်များ

Wakkagagerak 18:25

Kat nen it aakumi obeelom eeko menggaarak inom, maluk eeko menggaarak inom, Ndak-ndak aret o, yinuk, abok lambuk togon inooriyak ti mage o, nogoba. Yi aakumi ndi aakumi inomaluk inom, abe inom, inowak loongga kat aret me, yiluk-yiluk inowak loongge menggerak kombarukwak me, togop eerugun o, nogoba.”

Ayup 14:4

Aap kiik aago ambi nen kikak naka'lek eekkoloorak op mbaken? Lek aret o!

Ayup 15:14

Aap kikak naka'lek abu obeelom wonogwe, It kumi nen inaagalogwe nogo, iniki abe koonak aret ndaganakwi, Eeko menggaarak mbaken?

Ayup 25:4

At Ala nogo nen, Aap yi, iniki abe koonak aret kagi o, yoge, Ndi, kumi nen ndaganakaatak inaagalogwe nogo Iniki kikak naka'lek ambi wonogwe iige, Eeriyak ti, nonggoti mbaken?

Ayup 31:15

At nagalo inikime ogobakkigirogo paneegerak nogo nen It kunduk inagalomini inikime ogobakkigirogo piyoolik mbakop? Ninagalomini inikime ogobakkigirogo pinaneegerak ti, Eebe ambit Ala aret nogo lek a?

Ayup 35:10

At ogobakkigirogo piige, Oonikiya pogom aaninggin inoba wonage kagak ndawi wako logowak nduk, eeppiige, Ndiimbu-nggwiya paga wakkagak mamunirage, Towe-pagi paga wakkagak ineenu eeppiige, Eeke menggerak, Ninogoba Ala ngge o? Yinuk, it ambi nen yaga'lek aret agaarik o.

Ayup 35:2

“Kat nen ari logonet, Ala nen, An aap maluk eeka'lek neege agaarik o, Yinuk, ari menggendak nogo ti, Op aret ari agarik, mbake agandik?

Ayup 36:3

An wone irip-unggut abok wa nagak yokkege, At ogobakkigi'nabeegerak nogo nen abe koonak mban eeke kaanok nduk, aana'le mbangge, Eerigin me,

Ayup 4:16

O wiya kugi negen nogo naga'lek puk agaarak kwe, At etenggen an liippega'lek neegak, Nengga lolo nowagam wage nagaarik, Oone yagap wone paga ari konenggirak ti yogop.

Ayup 40:8

Aakumi eekwi an nen a'me nggelok eeppiige nogo, Kat nen meek eerogo pege, Kaana'le mbanggolage logonet, Kat maluk eeppanggendak o, yinuk, an yo'nege, Eeke nogo ti, Op aret mbaken?

Ayup 8:3

Ala nen nomo-komo eerogo aakumi maluk eeka'lek iigak, Maluk onggo eeppiige, Obeelom eekwi iigak, at Omaawi Lombok Menggerak nen, Ti maluk aret o, yinuk, maluk eeppiige, Eeke menggerak mbaken? Lek me,

Ayup 9:2

“Wone yagandak ti neenu me, abet aret yagandak kwe, Ala nen, Kat obeelom aret o, yuwak nduk, Aap kanggo menggaarak mendek ambi nen Oone omaawi paga Ala nonggop togon yoriyak?

Ndawi 143:2

It aakumi o nggween paga wonogwe inenggela'me Aap ambiriluk ambi iniki abe koonak kat kageelik me, Kayeloman an yi, nowak looniyak mage o.

Ndawi 145:17

Aliku ALA eerit nage menggerak abok aret A'me nggelok mban eerit nage, At eeke menggerak abok aret ti, Aakumi inabuwa mba'nuk eeppiinet nage, Eeke menggerak.

Wone Alom Kibingga 7:20

O nggween paga yime aakumi maluk eeka'lek iniki koonak abu obeelom mban eeka wonogolik o.

Yeremiya 12:1

Kaliku ALA wae. An wone noba agaatak yokkiri wage neenok, nawone abu abe amburu mbanogo mban yo'nege menggendak kwe, Kat a'me nggelok eeppiige menggendak wone mbuura'luk ambi yokkiriyak mbakirak nogo yi aret. It maluk eeka ineebe obeelom logonet, inale'nggen mban wonogwe, Ndi, it kat koone liirogon eeka'lek nogo nen inambi abe mban nunggwi, Eekwi nogo ti, nonggop nduk?

Yeremiya 17:9

Yi mendek ndi mendek obeelom eerogo puurak ti op aret kwe, Nit niniki ti nen perak, abu maluk lombok logonet, abe eeriyak kagak alik eeriyak yo'nirage menggerak me, Obeelom ariyak, ta nen liippunuk eeriyak mbakop? Meek aret o.

Oroma 11:33

Ala iniki warak lombok nen yi wone ndi wone eenu menggerak me, oba ngginik kagak obeelom eeppinanit wundi wage menggerak me, iya! At iniki koombunuk eeke menggerak nit nen kibinit ungguurak op mbakop? Ndi, at eeke menggerak nit liippit ungguurak op mbakop?

Oroma 2:5

Ala iniki togop mbake kwe, kiniki omaawi kinogogumbuk wonogwe kiinok, Ala anini nen onggo maluk liirogombo eeppiige ti eyom paga abunuk nggwok togon eekkinaburak nduk eekkolagak mban eekwi kiigi o.

Oroma 9:20

wologwe! Kit ta mba'nuk yogo ogotik? Wone onggo Ala yoriyak op mbako ogotik? Yi mendek ndi mendek ogobakkigirik nen ogobakkigika nogo yogo logonet, “Kat neebe nonggop togon ogobakkigi'nake agandik?” yoriyak op mbakop?

Wayu 4:8

Aakumi nen iigulik mendek ineebe 4 nogo ti, inalitak lombok ina'naabit 6 aret me, ineebe paga apit aret inigen warak mban wonogwe iigirak. It nogo puk aga'lek ko'lu-kii'me inoone yogo logonet, “Maan wonagagindak, yogondak wonage, peebi logomunggun, nogo ti, kat mondok itok komaawi lombok menggendak ninogoba Ala aret me, Kat mondok obeelom alik leenak aret o. Kat mondok obeelom alik leenak aret o. Kat mondok obeelom alik leenak aret o,” yinuk, yogak mban eeko logonet,