Ayup 4:11 - Ala Wone Peenok Peebi Mbanak

¹¹ It nunggwi mendek warogo nunggwi lek me kanggwi, Ndi, inaagalogwe yumbunik-telenak ma'nogwe, Eeko menggaarak o.

Ayup 4:11 ပူးပေါင်းရင်းမြစ်များ

Wakkagagerak 49:9

Nggeewo singa aagaluk nen enggaanggum uugwe eeke kenok Warogo ndonggorogon nenok, Iyok paga awina wage nagaatik, Eenggi-iyok yungguk-pangguk eeppunuk, Winnagaatak me, Aap ambi agabiti nen singa nogo Eenik eeppegeelik ti kokwak, Kat naput Yekura togop aret logomunggun o.

Ayup 1:19

yini-panip o karume pa'nggwe nen wiya oone pu warit o eyak 4 wurabak nogo punggage logonet, o ti langguk togon kapuri inookerak kanggwi iigak, nalik mban mbagangge nagarik, wone wonok yokkiri wagi o.” Yinuk, yori wagak mban eereegwaarak.

Ayup 20:10

It aap ineenggi lek inamendek kologo nogogwaarak nogo, Inapuri nen obaane'me awi yagiigwi, It paga wiganak nen obaane'me wogorogwe, Eerugun o.

Ayup 29:17

Nggeewo anini warak nen at noorak eyak nggereninuk nage me, Ondogowak kalenogo punuk, ambe me ndinggwi kwak, Aap maluk eeka nogo inomaawi lek eerogo piige, Inabu'me tebembiinok wonogwe nogo ndininake, Eeke nagagirak o.

Ayup 38:39

Singa iyagalo nengge logorak nogo Kat nen warogo wogori wage, Inaagalogwe kunduk, inawina pogonik wonogwe, Iri'ngga ku'mbanak me enaarak wonogwe, Eekwi iinok, Enggaanggum ndonggorogon nawak nduk ira wage, Eeke menggendak ya?

Ayup 5:15

Togop kwe, It inoone omaawi warak nen, Ineenggi lek tebenak wonogwe nogo Inambe me yonggorinakwi, ineebe inoorogo piigwi, Eeko logokwak, At Ala nen inagap ndake,

Ayup 5:4

Apuri wologwe nogo yeenggwaaraga'lek teppiigwi, O kota tu unggwogo menggam inowak loonggo logonet, Tebenogo piigwi iigak, inaana'le mbangga'lek mbo piigwi,

Ndawi 34:10

It singa nogo inambi abu nen Ineebe mbuuluk eeginabit unggwage menggerak kwe, It Aliku ALA mugurok nogo menggaarak perak, Inamendek obeelom ambi lek ti lek abok aret wonage menggerak.

Ndawi 34:11

Kit an napuri yi wae. At Aliku ALA kinagabiti mbako logobagip nduk An mamunggiraagin me, an nowagam wogwe, Kit kinaruk liirogon aret konenggwi, Eeko logonip o.

Ndawi 7:2

Eeke lek keenok, singa nibininake menggi kwak eeppanugwi, Ndi, it ambi nen nili yogwe lek kenok, nibik-nobak eerogo panugwi, Eerugun o.

Yeremiya 4:7

At singa kwak kiraarak menggim nen wundi wage, Yi aakumi ndi aakumi lek eerogo piiga nogo wage, Kinanggween kugume eerogo pikit nduk at wonage menggim nen wage, eeke me, Kinawi kota-kota nogo aakumi lek me yigirik-noonom aago logowak nduk, eerogo pi woraagin o.

Oteya 11:10

Singa nen oone kole agan nege menggi kwak, Naliku ALA noone nggwok ari neenok, napuri mu'neren wogwe, Noone kole ari neenok, an napuri oonegen kilu yi nage menggim pa'nggwe nen inaganak warit an neya wogwe,

Linggineegwaarak 23:24

Singa kooli kokwak mi'nogwe, Singa ngguunok mi'na'nuk, wam nggwiya warogo punuk, Enggaanggum nengge, amiya nengge, Eeka'lek kagak winnageelik menggi kwak, It aakumi alik yi, togop aret wonogwe, Eeko agaarik o.”

Linggineegwaarak 24:9

Singa ngguunok iyok yunggumbunuk, pogonik wonage, Ndi, singa kooli ugun windak wonage, Eekwi me, Aap ambi ta nen iniki teeluk a'nuk mbaaniigeelik kokwak It aakumi ti, togop aret menggaarak o. It aakumi nen kat Iterali obeelom eeppagagwi iinok, It togon obeelom eeppiigwi, Ndi, it aakumi nen kat pulunogo pagagwi iinok, It kunduk, pulunik aret wonogwe, Eeko logogun o,” yinuk, yereegerak o.