Ayup 39:24 - Ala Wone Peenok Peebi Mbanak

²⁴ Oone nggwok eeka trompet oone eeke kenok, Ko waka'lek inanini wuk togon nggween mondok kaga'lek mbe agan nogwe,

Ayup 39:24 ပူးပေါင်းရင်းမြစ်များ

Ayup 29:24

Iniki piirik wonogwe me, an i'ndok nggi ari wonage neenok, iniki ket yanggo eerogo piige, Netenggen eya aago wonage neenok, it togon iniki teeluk ogwe, Eeko nogogurak.

Ayup 37:20

Eliku nen wone ambi kat yokkiriyak ari me, Yokkiriyak ilik, lek a? yinuk, Ala yoriyak op mbaken? Aap ambi nen, Nenggaawak lek eerogo panu o, Yinuk, yoriyak op mbaken? Meek aret mbaki o!

Ayup 39:23

Kuda paga kwi'ndak inomaale ta'mbanak inamborowak paga nggerenak nogo oone ndale ari kagak unggwogwe, Tege inom, ndut nggabenak inom, lan ee'nuk unggwogwe, Eeko menggaarak o.

Ayup 39:25

Oone nggwok eeka trompet nogo Oone eeke konenggwi kenok, inoone yi'nggwe-ya'nggwe yogwe, O nda nen wim obari mbanogo nappugwi, Ineegin warak inoweewi nen wim lengganggwi inoone konenggwi, Ninawim o, yinuk, nggomookwi nogo konenggwi, Eeko menggaarak.

Ayup 9:16

Noone nggwok paga yoge neenok, Yu o, yo'neremenggerak kwe, Noone liirogon konenuwak mba'nuk yo'nirigin, an mba'netak lek o.

Yeremiya 4:19

Wim eeriyak nduk nggomookwi, Oone nggwok eeka trompet nogo oone pu eekwi, Eekwi nogo Naruk konenggirak me, Niniki andi o! Niniki andi o! Niniki andi nen yagan yobak-nggolak wake, Niniki lombok nggoguk yi unggwage, Niniki mondok ponok-ponok ee'nake, Eeke me, Niniki ko wariyak mondok meek lombok ee'nake agaarik o.

Yeremiya 8:6

It aakumi yi, yogwe nogo naruk liirogon konengge nagagirak kwe, abe koonak yogwe ambi naruk konengge, An maluk nonggop eeki? mba'nuk, Mbo pi o, yogwe ambi konengge, Eeka'lek aret agarik o. It aap wim namburiyak kuda paga kwi'ndak mbe agan nogo mengga kwak, It yungguninuk waga'lek eeriyak mbakwi nogo mban mugurok nogo menggaarak.

Amot 3:6

O kota ambime oone nggwok eeka trompet nogo oone pu eekwi iinok, aakumi inogut nggigik ari menggerak lek mbakop? Ndi, at Aliku ALA nen it aakumi o kota ambime menggaarak nogo, aaninggin inoba kwippiyoorak koongga'lek kagak Aaninggin inoba kwi'nage menggerak mbakop?

Lukat 24:41

Nigiige mbareegi, iniki ale'nggen nen, “Yi nonggop ubi! Iya!” yinuk, mbareegwaarak kwe, “Yi at aret,” awo mbaka'lek iigak, it yorage logonet, “Mbi ambi wonage ilik, lek a?”