Ayup 38:5 - Ala Wone Peenok Peebi Mbanak

⁵ O ambe ndi kuli o. Irip ndogop kuli o, yinuk, ta nen wakkagak koonogo pereegerak mbaken? Kat keenu kenok, yu o! Ta nen o yi, keele wakkagak eerogo pege,

Ayup 38:5 ပူးပေါင်းရင်းမြစ်များ

Ayup 11:9

O nggween alom nen irip kuli, Niyo yenggenak laut ambin wiganak kuli, Ti kokwak, yi wone ndi wone at abok eenu aret o.

Ayup 28:25

At nen o wiya omaawi koonogo pege, Niyo alobogok lek alobogok warak logowak o, yinuk, koonogo pege,

Ayup 34:13

O nggween yi, arum logowak nduk, taamini nen at mippugwi, Mbogut-nggween abok aret, Kat aret unde logot o, Yinuk, taani nen at yogwi, Eereegwaarak mbakop?

Ndawi 19:4

It inoone o nggween paga yime abok aret wiganinuk nage, Inoone yagaatak nogo, O irip-irip ndak wa'narit nage, Eeke menggerak o. Kat Ala nen oonegen ake awooliya mbogut paga wurogo pege,

Ndawi 78:55

At aa'nduk a'nuk wage logonet, Yi aakumi ndi aakumi mugogo wumbiige, It aakumi inanggween ti, kuli mbanogo ineyate kwak It Iterali inanebunu lombok wogorage, Inanggween ti paga inawi wuppatinuk logowak nduk yorage, Eereegerak.

Kini Wuppiige 8:27

An wonage neegak, yi mbogut ndi mbogut wiganogo nappit nage, Yi kole yenggenak mbogut inete imbirak kunogo pege,

Kini Wuppiige 8:29

“Kuli yi o,” yoreegerak kagak niyo kole laut ugun-ugun nage logokwak, non mbanogo pege, Nggween alom ndoonogo pit nage, Eereegerak.

Yetaya 34:11

Towe tiyu karume mendek inom, towe ndindim engga inom, inawi time miippatinuk wonogwe, Towe mumayo inom, ya'ngge-ya'ngge inom, inawi mbanggola unggwogwe, Eerugun o. At Aliku ALA nen aru-ogwe wakkagak paga wakkaanuk naalop-kaalop eerogo pege, Agi-ogu keele paga wakkaanuk, o wogo logowak nduk, mbo pege, Eerigin o.

Yetaya 40:12

Ta nen, “Ne mande paga niyo laut neenggi paga tomaarogo wumbege neenok, lek arigin o?” yinuk, wunake, Ta nen, “Mbogut ngge kuli kaamun?” yinuk, eenggi paga wakkanet nage, Ta nen, “Ne mande paga o nggween yi, tenggap paga ndoonogo wumbege neenok, lek arigin o?” yinuk, ndoonogo wumbege, Ta nen puut nggorek inom, puut mbuulogwe inom, “Aaninggin ngge kuli age kaamun?” yinuk, aaninggin wakkagak paga wakkage,

Yetaya 40:22

At nggween yimun-namun agago pereegerak aakumi wurin kwak wonogo menggam irimbaga at wone lengganogo yorage menggim wonage, Yum tabak mbiganogo nappogo mengga kwak mbogut nenaarogo pege, Ooliya wuppunuk, oo'ngget maako mengga kwak mbogut mbiganogo pege, Eereegerak o.

2 Korindut 10:16

It aap alik nen yorogo menggam kagak, “Nit ninapuri aret o,” yinuk, it inapuri ndinggo'nok wogoppatiyak ti, nineebi o. Ata, kit kiniki kole ogwe kiinok, it Ala wone konengga'lek o ambokan time mban yora noorak mbako ogoorik o.

1 Tamuwen 2:8

It aap abu meek liirubu paga, Ndenen warak wonogwe nogo pilanogo mippiige, Iniki aaninggin nen purok lengge eerak wonogwe nogo, Iniki obeelom eerogo piige, Eerogo piinok, Aap inendagembogut inapuri nogo inom nugu logowak nduk piige, Inayuk warak logowak nduk, yabu unde eeppiige, Eeke menggendak. Kaliku ALA nen aret nggween alom yi, O eyak kwak wurake nagagindik, Nggween ogombaga ndoonogo kwippereegindak me,