Ayup 37:7 - Ala Wone Peenok Peebi Mbanak

⁷ At eeke ti paga aakumi ogobakkigirogo piyareegerak nogo nen At eeke menggerak ineenu aruwak nduk, It eeko menggaarak nogo non mbanogo piige,

Ayup 37:7 ပူးပေါင်းရင်းမြစ်များ

Ayup 12:14

At nen minogo pege kenok, aap ambi nen obaane'me wuke, Ndi, at keele maarogo pege kenok, aap ambi nen keele piinogo ame nappege, Eeriyak meek o.

Ayup 36:24

Lek aret me, At eerit nage nogo aakumi nen ndawi anep pugwi, It aakumi abok aret inigen kogwe, O nda nen inigen nakkogwe, Eereegwaarak nogo Tiyappenok nduk, abeke logot o.

Ayup 5:12

Iniki ngget paga maluk eeriyak koonggwi nogo, at nen lek eerogo piige, It eeriyak koonggwi nogo, ale-pale aruwak nduk eeppiige,

Ayup 9:7

Oonegen wundi waga'lek puk logowak nduk, Wone lengganogo yoge, Laaluguragan eya eeke kero, At nen ambit me lom warogo piinok, Eenggi amburu negen eerogo piige,

Ndawi 109:27

Ti eeke keenok, Kat keenggi paga nen aret ee'nake, Ndi, Kaliku ALA wae. Kat nen aret nagap ndake, Eeremenggendak nogo It aakumi ineenu arugun o.

Ndawi 111:2

Aliku ALA mondok iya tit eerit nage menggerak o. Aap at eerit nage inikilom mbako menggaarak abok nen liippogo menggaarak.

Ndawi 46:8

Aliku ALA eeke menggerak liippi wogwe, O nggween paga lek eerogo puurak eeke yi, pekka wogwe, Eeko logonip o.

Ndawi 64:9

Yi aap ndi aap abok aret Ala nen eeppiyamenggerak iigo logomenggaarik, inagabiti mbakwi, “Ala nen yogop eeppiigerak kogo o,” yinuk, wone wonok aakumi yoranet nogwe, Ala eeke menggerak nogo iniki koonit nugwi, Eeko logogun o.

Ndawi 92:4

Kaliku ALA wae. Eerit nage menggendak paga niniki ale'nggen mbake, Keenggi paga nen eeke menggendak paga Nale'nggen nen ndawi lubuk ari, Eeke agarik o.

Wone Alom Kibingga 8:17

oonegen abu'me yime Ala eeke menggerak nogo abok aret aakumi nen liippuurak meek kagagirak. Aakumi nen inomaawi lek eeginake kagak nonggoti eerogo kwaarit namenggaarak kwe, liippega'lek aret wonogwe, ndi, aap iniki warak nen kunduk, “Liippogoorak o,” yogwe kwe, it kunduk, kaga'lek aret logonet yogwe, eekwi iyareegirak o.

Yetaya 26:11

Kaliku ALA wae. Maluk onggo aaninggin inoba piyoorak keenggi nippunuk wonage kwe, Inigen keega'lek aret agaarik o. Kapuri alik eekwi iyo, kiniki aganggen kerek togon panggombiinet nage nogo Inigen keego logomenggaarik, inenggali age, Ndi, kani nenet nage menggi kwak, kawim aaninggin inoba piyoorak koonogo pegendak nogo it aret inoba kwi'nage, Eeruwak o.

Yetaya 5:12

Laago lako logonet, nggitat nggwok inom, mbuuluk inom, lobale eeka inom, nggawiwak inom, Oone eeko logonet, anggur amburu mban nonggo menggaarak kwe, At Aliku ALA eeke menggerak nogo inigen kogwe, At Aliku ALA eerit nage nogo iniki liippugwi, Eeka'lek aret wonogo agaarik o.