Ayup 37:23 - Ala Wone Peenok Peebi Mbanak

²³ At Omaawi Lombok Menggerak me, Nit at owagam noorak meek age, At omaawi lombok tiyanak wonage, Aakumi eekwi onggo a'me nggelok eeppiige logonet, mondok obeelom lombok eeppiige, Eeke menggerak me, At nen aakumi maluk eeppiyoorak meek aret o.

Ayup 37:23 ပူးပေါင်းရင်းမြစ်များ

Ayup 11:7

At Ala nen koonggetak aakumi kobak aganake nogo, Kat aret alom kwaarit unggwage, Ndi, at Omaawi Lombok Menggerak nogo, Omaawi ndi kuli menggerak o, yinuk, irip liippit unggwage, Eeriyak op mbaken?

Ayup 11:8

Ala iniki warak nen koongge menggerak nogo ti, Mondok iya mbogut irimbaga lombok kwak me, Nonggoti eerogo liippege, Ogu aap kambunuk nogo menggam wonogwe abu'na kwak me, Nonggop togon keenu age, Eerumunggun o.

Ayup 12:13

Togop aret kwe, iniki warak inom, omaawi inom, Ti Ala paga mban wonage o. Ndi, wone abu koonogo punuk yorage, Yi wone ndi wone liippit nage, Eeke ti, at mban unde wonage me,

Ayup 25:2

“Omaawi paga mondok iya eerit nage kenok, Aakumi nen, Wi, yinuk, iniki ma'nage alom nogo ti, at Ala aret o. Agi mbogut paga at wone lengganogo yorage menggim nogome Abolok lek obeelom logowak nduk, eerogo pege menggerak.

Ayup 26:14

Ti eeke nagagerak ti, eebe wonage kagak irip mban liippugwi, Yagap wone paga yogwe konenggwi kwak konenggwi, Eeko monggoorak me, Oone nggwok ngguurubu eeke nogo ti, Ta nen liippuurak mbakop? Lek aret o,” yinuk, yoragagerak.

Ayup 36:26

At Ala ti, mondok iya tiyanak lombok wonage me, At nonggoti liippubok age, At ndarak kagak tahun mande eekerak nineenu age, Eeriyak meek aret o.

Ayup 36:3

An wone irip-unggut abok wa nagak yokkege, At ogobakkigi'nabeegerak nogo nen abe koonak mban eeke kaanok nduk, aana'le mbangge, Eerigin me,

Ayup 36:5

At Ala ti, omaawi ambik menggerak kwe, Aakumi ti meek aret iigi o, yinuk, mbakeelik o. Yi wone ndi wone eenggo'lek lek abok aret eenu menggerak o.

Ayup 37:19

Nit wone koonogo at Ala yoriyak niniki kobak ee'ninake me, Yoruwok nduk, kat nen aret yo'niret o.

Ayup 37:22

Mbuti emas pindan-pindan eeke kwak O omarip paga nen Ala eya ndelenak-welenak aago kagak wage, At mondok tiyanak lombok kenok, aakumi inamineeri ne agan nage kagak wage, Eeke menggerak o.

Ayup 8:3

Ala nen nomo-komo eerogo aakumi maluk eeka'lek iigak, Maluk onggo eeppiige, Obeelom eekwi iigak, at Omaawi Lombok Menggerak nen, Ti maluk aret o, yinuk, maluk eeppiige, Eeke menggerak mbaken? Lek me,

Ayup 9:19

At nimbirak ninomaawi wakkaa'netak nen, At omaawi abu iya a'netak o. At nimbirak ninowak looniyak kwe, Kat kawone mbaniyak me, Omok o, yinuk, Ta nen yo'netak mbakop?

Ayup 9:4

At Ala ti, yi wone ndi wone eenu wonage, At mondok omaawi aret wonage, Eeke menggerak me, At eerit nage kagak it ambi nen inogogumbuk a'nuk Non mbanogo pege kenok, teppiyaagin mbaken?

Ndawi 145:3

Kaliku ALA nggwok lombok menggendak me, Kalut eeko logorak ti, op aret o. Kendage mondok nggwok lombok wonage ti, Aakumi nen liippuurak meek aret o.

Ndawi 30:5

Ne ambit mban at anini ninombake menggerak kwe, Ale'nggen nen obeelom eeppinanege ti perak, Eeppinanegak mban eeke kagak Kambi noorak kuli ari nagin o. Oonikiya le mban yogwe iigak O weerikit nduk eeke menggerak kwe, O weege kenok perak, inale'nggen mbako menggaarak.

Ndawi 62:11

At Ala wone ne ambit ari kagak, An nen wone mbere ari konenggirak nogo ti, Ambi, “Ala wae. Kat mondok komaawi aret wonage,”

Ndawi 62:12

Ndi ambi, Nogoba wae. “Kat aakumi inabuwa lombok mbarit nage, Eeke menggendak,” Konenggirak me, Aakumi eekaatak ndak-ndak aret Onggo eeppiige logomunggun abet mbake agarik o.

Ndawi 65:6

Komaawi ambik kin keyaawak nduk, Puut-puut kwippit nanuk mondok nu'lek logowak nen Omaawi eerogo pit nage,

Ndawi 66:3

Kinogoba Ala yogo logonet, “Kat iya tit eerit nage paga ninamineeri ne agan nage, Komaawi ambik lombok menggendak paga Kawim inagabiti nen yipik agan kabu'me ari wogwe,

Ndawi 93:1

At Aliku ALA ti, endagembogut aret o. Aap inendage tiyanak inayum yikwi iinok, “Wi!” irogo mengga kwak, At endage abu tiyanak me, “Wi,” ugo menggaarak o. Aap wakaa'ngget eegin-omaale li'luk aago kwak, At omaawi togop aret wonage menggerak o. At o nggween mondok nu'lek eerogo pereegerak wonage agaarik o.

Ndawi 99:4

At endagembogut mondok tiyanak wonage, Eekaatak a'me nggelok eeppiigo logorak inikilom mbake, Ndak-ndak eeppiinet nogo logorak wone lengganogo pege, Obeelom mban eerit nugwi wone inom, Eekwi a'me nggelok eeppiigwi wone inom, It Yakup paga wiganak eeko logowak nduk, Lengganogo yorage, Eereegerak o.

Wone Alom Kibingga 3:11

At Ala nen, “Ndi eyom paga abu kigirikwe lombok arigin o,” yinuk, koonogo pereegerak nogo eyom ari nage kenok, yi mendek ndi mendek abok aret obeelom kigirikwe age menggerak o. Ndi, it aakumi nen, “Nabelan-kabelan kolaawok lak ao,” mbaruwak nduk, at Ala nen ti kunduk inikime manabeegerak kwe, o aa'nduk nen eerit irip paga eeri nage nogo aakumi nen liippega'lek aret wonogo menggaarak o.

Wone Alom Kibingga 7:24

Iniki warak nogo ti nda negen wonage, ndi, abu kiraarak lombok wonage, eerak me, Ta nen kwaakkoorak mbakop? Meek aret me,

Yetaya 45:21

It alom ngge panggombunuk eekwi nogo, an lik togon yo'nugwi, Wone nonggop yo'niriyak nogo inagugi inom wone mbanggwi, Eeruwak o. Wone agaarak yi, aga'lek kagak ariyak nduk, o aa'nduk lombok ta nen yoranet nage, O maan nen wone ti, ta nen inaruk paga pit nage, Eereegerak mbakop? An Naliku ALA nen yoragagirak nogo lek a? An wonage neegak, Ala alik ambi wonage lek aret o. Inagap Ndaka iniki abe koonak alik ambi lek, an Ala nalik aret minggirak o.

Yetaya 63:9

Aaninggin-paaninggin it inoba agagerak nogo at kunduk ndak-ndak kage, It ambi nen lek at alik nen aret inagap ndake, Iniki kunik aganake logonet, inabuwa nen wondet eerogo piige, Kwe aagaluk woppunuk ogome wonok nage menggi kwak at nen maan aa'nduk ndegeniret wagagi kwak ndegeniret nage, Eereegerak kwe,

Yetikiyen 18:23

Naliku Nitok Minggirak an ALA nen aap maluk mendek kangge kenok, an nen nale'nggen mbake minggirak mbaken? It aap maluk mendek nen ineenik logowok nduk, maluk eerit nugwi nogo, mbo pugwi iinok perak, nale'nggen mbake lek mbaken? Mbake minggirak aret o.

Yetikiyen 18:32

It aakumi kanggwi iinok, an nale'nggen mbakeelik me, ineenik logowak nduk inomaluk mbo puwak o,” yinuk, at Aliku Itok Menggerak ALA nen aret yo'negerak me, yokkiragi o, yinuk, yoragagirak.

Yetikiyen 33:11

yorage logomenggendik, ambi yorage logonet, It aap maluk mendek kanggwi iinok, an niniki ale'nggen mbakeelik o. Ata, ineenik logowak nduk it maluk eerit nugwi nogo mbo punuk, yungguninuk neya wogwe iinok perak, niniki ale'nggen mbake minggirak me, it Iterali mendek ti, iniyokan nowagam wogwe, it maluk eerit nugwi nogo mbo punuk, yungguninuk wogwe, eeko logowak o. It nonggop nduk, Kambuwok, mbako agaarik o? yinuk, neenik Nitok Minggirak Naliku an ALA nen aret yagi, yegerak yoret o.

Matiyut 6:13

Ninabut mbanuwak nduk, pinani nagun o. Ndi, at abu maluk mendek nogo nen maluk ee'ninake kero, ninagap ndaru o. (Kabu'me piinok menggenom arum wonage, Komaawi ambik lombok wonage, Kat mondok tiyanak wonage, Eerak menggendak me, Yogondak inom, peebi inom, lek arigin lek mondok-mondok aret logogin o. Amin.) yinuk, yogo logonip o.

Lukat 10:22

Yoge nagagerik, “An nogoba nen yi mendek ndi mendek abok aret an unde logokit nduk, wo'nereegerak. Ala aput ti ta o? It aakumi ineenggo'lek nogoba alik mban eenu menggerak. Ndi, nogoba ti ta o? Ti, at aput an nalik mban neenu minggirak. Ndi, aput an nen it aakumi nogoba ineenu aruwak nduk, paganogo yoroorak mbake neenok, it kunduk, ineenu ogo menggaarak o,” yinuk, yoragagerak.

Oroma 11:33

Ala iniki warak lombok nen yi wone ndi wone eenu menggerak me, oba ngginik kagak obeelom eeppinanit wundi wage menggerak me, iya! At iniki koombunuk eeke menggerak nit nen kibinit ungguurak op mbakop? Ndi, at eeke menggerak nit liippit ungguurak op mbakop?

1 Timotiyut 6:16

At kanggeelik mondok-mondok eenik menggerak aret o. At wonage me time eya ambik me aakumi at owagam wok yi noorak meek o. Aakumi nen aa'nduk at eebe inigen koolik me, yogondak kunduk inigen kogwe lek mban aret. “At endage mondok tiyanak yi aakumi ndi aakumi abok at abu'me tebe yinuk, at oone mban konenggo logowak o,” yinuk, amin.

Iberani 12:10

Ninogobamini abe nda'ninabeegwaarak nogo nen, “Abe eeko logowak nduk eeppiyoorak yi aret kogo,” yinuk, iniki koombunuk, luulu ninaruk wako menggaarak kwe, ninogoba Ala perak, at maluk eekeelik mondok alik leenak obeelom menggi kwak, nit togop ndak-ndak aret logowok nduk, liippunuk, niniki koonninake menggerak.