Ayup 37:16 - Ala Wone Peenok Peebi Mbanak

¹⁶ Ndugwi yarugu-parugu lagit wage nogo liippege, At yi wone ndi wone abok aret eenu menggerak nen Eerubok mendek eeke nogo keenu age, Eeke menggendak ya?

Ayup 37:16 ပူးပေါင်းရင်းမြစ်များ

Ayup 26:8

Andugwi paga niyo lingginogo pegetak kwe, Aaninggin nen ndugwi tubuk ari logonet, Niyo kuwo-kuwo wambit waga'lek wonage,

Ayup 36:29

Ndugwi wiganogo pit nage, At menggim mbogut paga nen ngguurubu eeke, Eeke menggerak nogo ti, Ta nen liippuurak mbaken?

Ayup 36:4

At pilit arilik abet aret yo'nege nombake, Yi wone ndi wone abok eenu nen ari nombake, Eeke logot o.

Ayup 37:14

Togop aret me, Ayup yi wae. Wone yi abok aret karuk konengge, Ala eerubok eeke nogo liippunuk, kat koone puk wonage, Eeru o.

Ayup 37:15

Ala nen ndugwi eeko logorak punogo piige, Ndugwi enggela'me o kimbik nggaganogo nappit nawak nduk, eeppege, Eeke menggerak kat keenu ya?

Ayup 37:17

O ame paga nen o wiya warit wage logonet, o aganggen ket-ket eerogo pege kenok, Kayum yirik ligak wuundamo eekkake nogo nen

Ayup 37:5

Ala oone ngguurubu negen ari kenok, it aakumi nen, Wi! ugwi, At iya eeke menggerak nogo ti, aakumi nen liippuurak meek ogwe, Eeko menggaarak.

Ayup 5:9

Nit eeriyak meek kogwe nogo, at aret eeke, Ndi, eerubok mendek nit lingginiyak meek nogo, at aret eerit nage, Eeke logonet,

Ndawi 104:24

Kaliku ALA wae. Kat yi eekak ndi eekak ambik lombok eeke menggendak o. Kiniki warak nen yi mendek ndi mendek ogobakkigirogo Piyareegindak nogo O nggween paga ndak warak wonogo menggaarak.

Ndawi 147:5

Ninogoba ti, nggwok lombok logonet, Omaawi mondok iya wonage, Wone ambi eenggo'lek lek abok aret eenu wonage, Eeke menggerak o.

Ndawi 78:4

Aakumi pi wakwi iigak, Aliku ALA nen eerit wagagerak wone inom, At omaawi paga eeke nagagerak wone inom, Tam warak eerit wagagerak wone inom, Nit kumaappunuk logorak lek o. Ata, it inombowologwe nit ninapuri mbininogo yorogwe, Ndi, it peebi nda'narugun nogo yorogwe, Eeko logogun o.

Yetaya 40:22

At nggween yimun-namun agago pereegerak aakumi wurin kwak wonogo menggam irimbaga at wone lengganogo yorage menggim wonage, Yum tabak mbiganogo nappogo mengga kwak mbogut nenaarogo pege, Ooliya wuppunuk, oo'ngget maako mengga kwak mbogut mbiganogo pege, Eereegerak o.