Ayup 36:9 - Ala Wone Peenok Peebi Mbanak

⁹ At Ala nen, Ti eekotak paga kinoba agaarak o, yinuk, kin paga yorage, Kiniki wogoppako logonet maluk eekotak o, yinuk, yorage, Eeke logomenggerik,

Ayup 36:9 ပူးပေါင်းရင်းမြစ်များ

Ayup 10:2

An nen Ala yoriyak nogo yi o. Kat nen, Maluk eekendak o, yinuk, An yo'niriyak mage o. Ata, Kat ndi eekendak kenok, eeppagage agarik o, Yinuk, an yo'niriyak op aret o.

Ndawi 119:67

An aaninggin awo noba kwi'naga'lek kagak, Koone mbo punuk nomoninuk nagagirak kwe, yogondak perak, Koone yugu nogo liirogon aret eerit nage agarik o.

Ndawi 119:71

Koone lengganak an mamunggolaakit nduk, Aaninggin noba paneegindak nogo ti, Op aret mbake agarik o.

Ndawi 5:10

Ala wae. It maluk eekwi ti, “Aaninggin mondok kinoba pinagagin o,” yinuk, yorage, Inikime kote eeriyak koonggwi paga Melak togon it aret yigeebu wuppatuwak nduk koongge, Ndi, kat koone, “Nineebi o,” yinuk, Maluk eerit nugwi me, mbo piige, Eeru o.

Ndawi 94:12

Kaliku ALA wae. It aap inaruk wake, Koone yugu liiru mbanak nogo liirogon mamuninake, Eeppiige menggendak nogo Inale'nggen aret mbako menggaarak o.

Yetaya 59:12

Aliku ALA enggaanom paga nit wone yugu ambik taganogo pogoorak me, Ninomaluk nen, “Kit maluk eekotak o,” yinuk, yo'nirage menggerak. Ndi, wone taganogo pit wogoorak nogo abe'nage kenok, “Nit maluk abet aret eerit wogoorak kogo o,” yinuk, mbako monggoorak.

Linggineegwaarak 3:49

Yoge mbareegi, it aakumi Lewi mendek inobaane'me Iterali mendek aap manggu ndarak ineebe ambik agagerak inobaane'me wu pugu nogo, at Muta nen aret waganeegerak.

Oroma 5:20

Ala nen aa'nduk Abarakam wone abok yoreegerak nogo eekwi iigak kwe, peebi wone ambinom Muta yoreegerak nogo ti, it aakumi nen, “Mu-mage agan nege yi, kagak eeginombaawok,” yogo logonet, Ala wone taganogo pit nogo logowak nduk, Muta wone peebi yoreegerak. Ti eerit nogo logonet, maluk nggwok eerit nogwe iinok, Ala nen inabuwa nggwok togon mbake nagagerik, iniki kunik nen obeelom eeppiinet nege nagagerak.

1 Korindut 11:32

Peebi it aakumi nggween paga mendek abok aret inowak loonogo maluk onggo inoba piige logonet, nit ninom ninoba pinanege kero, yogondak at ninowe nen nit eekwi liippinaninuk, niniki koonogo pinanege menggerak.

1 Timotiyut 1:15

“Aakumi maluk eeko menggaarak nogo inagap ndaruwak nduk, Keritut Yetut o yime wambi wagagerak o,” yinuk, yogo menggaarak wone nogo ti, abet aret me, woorak op aret o. “Aakumi maluk eekwi o,” yogo menggaarak nogo ti, maluk eeka abe iyagalo an aret kwe,