Ayup 36:6 - Ala Wone Peenok Peebi Mbanak

⁶ It aap maluk eeka ineenik teppiigeelik o. It aaninggin inoba agaatak tebenak wonogwe nogo, eekaatak ndak-ndak li'lak inawone mbangge,

Ayup 36:6 ပူးပေါင်းရင်းမြစ်များ

Ayup 21:30

Yorogwe kiinok, it maluk eeka aaninggin inoba age kagak woppakwi, Ala anini eeppiige kagak inagap ndakkologwe, Eeko menggaarak, yokkiraagun obak!

Ayup 34:26

It aakumi ti nen, Ala mugurok noorak, nineebi o, yinuk, at mbo pugwi, At mbake nogo, Eeriyak nineebi o, yinuk, tu alik nomoninuk nogwe, Eeko menggaarak me, It maluk eerit nugwi nogo aakumi abok inigen iigak, Onggo eeppiige menggerak o.

Ayup 4:7

At Ala nen, Aap ambi maluk eeka'lek ugun wonage kagak lek eerogo pege, Ndi, iniki koonak kagak pup eerogo pege, Eekeelik nogo liippu o.

Ayup 5:15

Togop kwe, It inoone omaawi warak nen, Ineenggi lek tebenak wonogwe nogo Inambe me yonggorinakwi, ineebe inoorogo piigwi, Eeko logokwak, At Ala nen inagap ndake,

Ayup 8:22

Ineebi kombakwi nogo inenggali mbakak nugwi, It maluk eeko menggaarak nogo inawi wurik lek aremenggerak kogwe, Eerugun o,” yinuk, yoreegerak.

Ndawi 140:12

It aap tebenak wonogwe nogo, At Aliku ALA nen inaana'le mbangge, Aap ineenggi lek nogo inawone liirogon mbangge, Eeke menggerak ti, neenu aret o.

Ndawi 140:13

It aap iniki abe nogo nen kendage tiyappugwi, It aap iniki koonak mban wonogwe nogo kat wonage menggenom kinom wonogwe, Eeko logogun abet aret mbake agarik o.

Ndawi 55:23

Togop aret me, Ala wae. It aap maluk eeka nogo Lek ogo menggam mbuun ambena kabelogo wuppiige, It aap inoone pilit yaga inom, inamiya nengga inom, It ndarak eyom awo ari naga'lek iigak, kambuwak nduk eeppiige, Eerumunggun kwe, An perak, kat nen an eeppanenok nduk, Niniki koba panggombunuk aret agarik o.

Ndawi 72:4

It aakumi inenggela'me tebenak wonogwe nogo, Aap endagembogut nen inawone liirogon mban mbangge, Ineenggi lek inapuri nogo yeenggwaarage, Eeke logogin kwe, It aap tebenogo piiga nogo perak, Aan lebenogo piige logogin o.

Yetaya 11:4

Ata, Ala yegetak ndak-ndak aap tebenak mendek inowak loongge, It aap ineenggi lek nogo eekaatak a'me nggelok inawone mbanogo piige, Eeke logogin o. Muun obate mbanak paga inooko mengga kwak, At nen wone yorage paga aakumi o nggween yi paga wonogwe nogo koonogo piige, Ndi, ambe aagi paga aap maluk mendek mondok lek eerogo piige, Eeke logogin o.

2 Peterut 2:9

Ala nen togop aret eeginabit wundi wagagerak me, nit at apuri at oone eerit nugwi nogo aaninggin mendek ninoba age kenok, ninagap ndake, ndi, it obeelom eekwi lek maluk eeko menggaarak nogo peebi age yobok paga inowak loonogo punuk, maluk inoba kwippiige, eeriyak nogo at eenu aret me, eerigin aret mbako logowok o.