Ayup 36:22 - Ala Wone Peenok Peebi Mbanak

²² At Ala omaawi lombok menggerak me, Endage mondok tiyanak aret mbake logot o. At mamunniraga kwak, aap ta wonage o?

Ayup 36:22 ပူးပေါင်းရင်းမြစ်များ

Lukat 1:52

It aap inendagembogut wone lengganogo yorogo menggam nogome nen tebenogo piige, Ndi, it iniki tebenak menggaarak nogo tiyappiige,

Oroma 13:1

It yi aap ndi aap wone lengganogo yorogo menggaarak nogo ti, Ala nen koonogo mippiige lek kenok, mi'ndak wonogolik me, it pemerintah kinarum wonogwe nogo ti, Ala nen aret koonogo mippiyareegerak me, wone lengganogo yokkirogwe iinok, kit abok aret liirogon konenggo logonip o.

Yetaya 48:17

At Kikak Nakeelik Alik Leenak Wondet Eerogo Pinagaga Iterali inogoba Aliku ALA nen yegerak nogo yi aret. “It obeelom logowak nduk, mamunirage, Tu ndi paga nogwe iinok, op aret ari nage kaamunggup o, yinuk, yorage, Eeke minggirak Naliku inogoba Ala an aret o.

Ndaniyen 5:18

Nogoba kendagembogut wae. Kat kogoba endagembogut Nebukanetat nogo, at Tiyanak Lombok Menggerak Ala nen yi o ndi o alik aret unde logowak nduk, mippege nagagerik, endage nggwok lombok age, endage tiyak ari, ayuk warak me, Wi, ugwi, eeruwak nduk eeppereegerak o.

Ndaniyen 4:32

Kat aakumi inenggela'me nen wumbagamenggaarak ndiimbu-nggwiya kinom penaame nege logonet, tapi-ndomba iri'ngga nenet nugu mengga kwak nenet nege logomunggun o. Ti eerit nage keegak, tahun 7 aret koba nage keenok, aakumi inabu'me piinok menggam abok aret at Tiyanak Lombok Menggerak alik en unde logonet, wone lengganogo yorage logorak aap mippiyoorak mbake kenok, aret mippiige menggerak abet aret kagi o, yinuk, mbarumunggun,” yoreegerak.

Ndaniyen 4:25

Nogoba kat nogo ti, aakumi wonogwe me nen wumbagamenggaarak ndiimbu-nggwiya kinom penaame time nege logonet, tapi iri'ngga mbanogo nenet nugu mengga kwak, kat nenet nege, mbogut paga nen konaananggen wuppi woramenggerak paga keebe miin ngguluk-nggolak aago nege, eeke logomunggun o. Ti eerak nege keegak, tahun 7 aret koba nage kenok, aakumi inabu'me piinok menggam abok aret at Tiyanak Lombok Menggerak alik en unde logonet, wone lengganogo yorage logowak nduk, mippiyoorak mbake kenok aret mippiige menggerak abet aret kagi o, yinuk, mbarumunggun o.

Yeremiya 31:38

Aliku ALA nen ari logonet, “An nake o kota Yerutalem yi, obaane'me wurugun me, ti wuko logonet, o nggorek wurik endage Kananen nen nok, Tu Unggwogo Menggam Unggu'me time kuli wuriyak eyom panggoni woraagin o.

Yetaya 54:13

Aagalogwe wologwe abok ti, Naliku ALA an aret mamunirage logogin. Inambi-inambiingga abe mendek mban nunggo logonet, iniki ugun tayenak aret logogun o.

Yetaya 14:5

It aakumi maluk eeka inawooluwak paga, It aap wone lengganogo yoraga inambim mbanak paga, Iniki aagi paga yi aakumi ndi aakumi nggwiirit-nggwaarit inoorit unggwogwe, Puk aga'lek inanini paga aakumi inanebunu lombok inabu'me piya unggwogwe, Eeko nogogwaarak nogo At Aliku ALA nen inawooluwak ti, kalenogo piige, Ndi, inambim mbanak nogo mbanogo pege, Eekerak o.

Ndawi 94:12

Kaliku ALA wae. It aap inaruk wake, Koone yugu liiru mbanak nogo liirogon mamuninake, Eeppiige menggendak nogo Inale'nggen aret mbako menggaarak o.

Ndawi 94:10

At yi aakumi ndi aakumi inaruk wake menggerak nen Maluk onggo eeppiiga'lek wonage, At mamuniraga nogo nen eenggo'lek wonage, Eeke menggerak mba'nuk yogo ogotik ya? Lek o!

Ndawi 75:7

Ata, at Ala nen aret aakumi inowak looni woraagin o. Inowak loongge logonet, It ambi tebeppiige, it ambi tiyappiige, eerigin o.

Yaya 6:45

It aap Ala nen yorage kagak yoraga nen liiru mbanggo logonet, Ala nen yi aakumi ndi aakumi abok aret wone mamunirage logogin o, yinuk, liiru mbaneegwaarak me, an nogoba nen wone mamunirage nogo yi aap ndi aap inaruk konembunuk, waganggwi nogo ti, an neya wogo menggaarak aret o.

Ayup 21:22

It o tiyarogon menggaarak nogo inowak looninake menggerak Ala aret kwe, Wone ambi eenggo'lek me, yinuk, aap ambi nen at mamuniriyak op mbakop?

Ayup 25:2

“Omaawi paga mondok iya eerit nage kenok, Aakumi nen, Wi, yinuk, iniki ma'nage alom nogo ti, at Ala aret o. Agi mbogut paga at wone lengganogo yorage menggim nogome Abolok lek obeelom logowak nduk, eerogo pege menggerak.

Ayup 33:12

Ti yagandak kwe, Wone ti abe lek maluk aret yagandak mbaki o. Ala ti, aakumi kwak lek at abok eenu kagak,

Ndawi 25:5

Kat nogoba Ala nen nagap ndake keenok, Niniki kat paga mban lunik neegak, o kiip age, weege, eeke menggerak me, “Wone yi abe o,” yinuk, ari menggendak nogo Eeke logokit nduk, pi'neren nage, Liirogon mamunnake, Eeke logot o.

Ndawi 119:102

Eekaatak ndak-ndak eeppiigo logorak koone yugu Kat nen aret mamunnakendak me, An mbo punuk nomoninuk noolik o.