Ayup 34:8 - Ala Wone Peenok Peebi Mbanak

^8-9 At Ayup nogo nen, Ala inikilom ninombaruwak nduk eekwi ti, We aanom warogo aret eekwi o, yinuk, It aap maluk eeka inom kunggolage, It maluk eeko menggaarak inom nege, Eeke menggerak o.

Ayup 34:8 ပူးပေါင်းရင်းမြစ်များ

Ayup 11:3

Kat wone ugun-ugun agan nage paga Aakumi inoone lek eerogo piyaamunggun mbaken? Aap miyuk-meya eerogo piinet nage keenok, It ambi nen kat kenggali wappagarak lek mbaken?

Ayup 15:5

Komaluk nen kiniki nggagangge kagak koone ari, Inoone amburu ndik-ndik agan nugwi kwak agan nege, Eeke agandik.

Ayup 2:10

Yoreegerak kwe, Ayup nen akwe nogo yoge logonet, “Kat kumi kumiligwe nen yogo mengga kwak ari agandik o. At Ala nen nit obeelom eeppinanege kenok waganggwi, ndi, maluk mendek eeppinangge kenok mbo pugwi, eeriyak nduk ari agandik ya?” yinuk, yoreegerak. Ti abok aret oba age kagak, Ayup nen wone ambi yereegerak paga maluk ambi eerulik aret o.

Ayup 22:15

Aap maluk mendek tu nogo menggam maan mendek, Ti paga nage logokit, mbake agandik ya?

Ndawi 1:1

Aap ambi it aap maluk eeka nen yogwe nogo mugurok nage, It aap maluk mendek nen yogwe nogo konenikit mba'nuk inom ari nage, Ala wone meek eerogo pega nogo inom kwi'nage, Eekeelik kenok, Ale'nggen aret mbake menggerak o.

Ndawi 26:4

It aap inambokan lagangga ninom kwi'nage, Iniki mbere ninom wone koongge,

Ndawi 50:18

Aap kiraakwi kinigen iinok, kinom eerit nugwi, Kumi ugun wurinaka kinom kunggologwe,

Kini Wuppiige 1:15

Naput yi wae. Kinom noorak mage o. Ata, kiyok awiirak logomunggun o.

Kini Wuppiige 13:20

Aap ambi nen aap iniki warak imbirak kunggolage kenok, at iniki warak aret age, Ndi, aap ambi nen aap wi negen imbirak kunggolage kenok perak, at eebe aret maluk eekkolage, Eeko menggaarak.

Kini Wuppiige 2:12

Aap aakumi inambokan laganiyak nduk, agan nugwi nen Tu o apit aago paga nogo logowok nduk tu koonak mbo punuk, tu alik paga nogwe, Maluk eerit noorak inikilom mbakwi, Eeriyak lek mendek kagak maluk aret eerit nogo logorak inale'nggen mban mbarit nogwe, Tu yelok-nggolok nogwe, Inobaabut nggolawe me, ugun-ugun eerit nugwi, Eerit nugu menggaarak ti, Abok aret it wonogwe me nen wone alom keenu logonet, kiniki warak paga kagap ndarogo pagage logogin o.

Kini Wuppiige 4:14

It aap maluk mendek nen eerit nugwi nogo time luk ambi kinom eerit nage, It aap maluk eeka kinom a'nuk eerit nage, Eeriyak mage o.

1 Korindut 15:33

“Kit kinobaabut obeelom wonogwe nogo nen aakumi maluk eekwi kinom nugwi kiinok, kinom maluk eekkolaamunggup o,” yinuk, yogo menggaarak nogo ti, abet aret yogwe me, aakumi nen wone alik yokkirogo logonet, kinambokan laganggwi iyo, kiniki liippinip o.