Ayup 34:23 - Ala Wone Peenok Peebi Mbanak

²³ Togop aret me, It aakumi inowak loongge logonet, ineegwa'me waakit nduk, at Ala nen, Ne ndi paga woraamunggup o, yinuk, punogo piigeelik o.

Ayup 34:23 ပူးပေါင်းရင်းမြစ်များ

Etara 9:13

Nit maluk lombok eerit nogwe, wone yugu abu iya tit lalenogo pugwi, eereegurak paga aaninggin ninoba agagerak yi aret kwe, maluk eeko nogogurak onggo kat ndak-ndak ninoba pinanulik ando yumbunik iluk wondet eerogo pinaninuk, wo'niren wagandak me, ninogoba wa!

Ayup 11:11

Aap inikime nggwi-nggwi logonet, Ambe paga mban agan nage nogo ti, Ala nen liippege, Aap maluk eeka nogo at enegen wagangge, Eeke menggerak nogo lek a?

Ayup 23:7

At enggaanom paga time aap iniki abe koonak nogo nen An ndogop o, yinuk, yoge kenok, at nowak loongga nen, Kat maluk eeka'lek aap obeelom aret o, Yinuk, yo'nenetak kwe,

Ayup 34:24

Ineegwa'me wagangga'lek logonet, inendage warak inomaawi ambik wonogwe nogo, At nen yigirik-noonom eerogo piige, It inobaane'me aap alik mippiige, Eeke menggerak o.

Ayup 9:3

Wone ti yuwak nduk, Ala nimbirak wone warikit o, yinuk, mbaremenggerak kwe, Wone ambiriluk yoge kagak, At nen wone onggo seribu kuli aret at oba kwippigin me, Oone lek aret arigin o.

Ndawi 119:137

Kaliku ALA wae. Kat kiniki abe koonak mban menggendak me, Eekaatak ndak-ndak eeppiigo logorak koone yugu ti, Abet mban aret wonage menggerak o.

Yetaya 42:3

Nggawi owak taganak nogo at nen kalenogo mbo pege, Ndi, keele kani kuru aago kagak wunuk ari nogo at nen nogonogo mbo pege, Eerigin lek o. Wone yugu it aakumi a'me nggelok eeko logowak nduk, liirogon aret yoranet nege logogin o.

Yeremiya 2:5

At Aliku ALA nen yegerak nogo yi aret. “It inombomini nogo maluk ngge eeppiige neenok, an mbo paninuk ineebe abu nda ogogwaarak? Kugi abe lek aanom warogo kagak mugurok nogwe, Mugurok nogwe iinok, meek eerogo pakwi, Eereegwaarak.

Oroma 9:20

wologwe! Kit ta mba'nuk yogo ogotik? Wone onggo Ala yoriyak op mbako ogotik? Yi mendek ndi mendek ogobakkigirik nen ogobakkigika nogo yogo logonet, “Kat neebe nonggop togon ogobakkigi'nake agandik?” yoriyak op mbakop?