Ayup 34:18 - Ala Wone Peenok Peebi Mbanak

^18-19 Yi aap ndi aap abok aret At nen ogobakkigirogo piyareegerak me, Aap inendage warak iinok, inom agak eeke, Ineenggi lek iigak, ineenggi warak inom age, Eekeelik nogo nen Kit aap meek mendek yi wae, yinuk, It aap inoweewi inendagembogut yorage, Ndi, kit aap kinobaabut nggolo yi wae, Yinuk, aap nagawan-nagawan yorage, Eeke menggerak nogo lek a?

Ayup 34:18 ပူးပေါင်းရင်းမြစ်များ

Ayup 34:17

At ambi aakumi eekwi ndak-ndak onggo wogorage eebi mbake nogo nen Aakumi inarum logonet, inawone mbaniyak op mbaken? Ndi, it eekaatak ndak-ndak eeppiiga mondok omaawi menggerak nogo, Kat maluk eekendak o, yinuk, at yoriyak op mbaken?

Wundeegwaarak 22:28

Yoge nagagerik, Iterali yoraawak nduk, Muta ambinom yoge logonet, “At Ala miyuk-meya eerogo pugwi, aap inowe inarum menggerak nogo inoone maluk, Kambu o, yogwi, eeriyak mage o.

Kini Wuppiige 17:26

Aap maluk eeka'lek obeelom wonage kagak, maluk onggo eeppugwi, Aakumi inoweewi koonak eeppiigwi iigak, yawi inookwi, Eeriyak ti, maluk aret o.

Nappiigak 23:3

yorage mbareegi, at Pawulut nogo nen at yoge logonet, “Eyo maluk kagak agabolo mban amburu obeelom warak menggi kwak, kagabolo mban laambu wonage yi, Ala nen mondok koorigin aret o. At Ala wone yugu liiru mbanak ndak-ndak eekerak ilik, lek a? yinuk, nawone amburu liirogon mbanigin, mbakirak kwe, an nooruwak nduk aakumi yoragandak ti paga kat nen aret wone yugu nogo taganogo pege keegi o,” yoreegerak.

Nappiigak 23:5

Yogo mbareegwa, at Pawulut nen, “At Ala unde ninowe nggwok ti, neenggo'lek me yagarak o, noreewi. Kinowe kinarum wonage nogo, kinoone maluk yorugup o, yinuk, liiru mbanak wonage an neenu aret o,” yoragagerak.

Oroma 13:7

wone yugu mugurok, “Wo'niraanip o,” yinuk yokkirogwe iinok, wogorogo logonip o. Kinarum wonogwe onggo wogoraga'lek kenok, wogorogwe, yi mendek ndi mendek wonok o yime unggwit woroorak, “Onggo ndogop pinip o,” yokkirogwe iinok, wogorogwe, “Ninayuk wuko logonip o,” yokkirogwe iinok, inayuk wukwi, “Nit kinogobamini aret me, tiyappinanggo logonip o,” yokkirogwe iinok, tiyappiigwi, eerit nogo logonip o.

1 Peterut 2:17

It abet mbakwi kenok kiniki kunik aganakwi, it weelek mendek abok aret inabuwa mbakwi, kinoweewi inendagembogut inayuk wukwi, ndi, Ala kinagabiti mbakwi, eeko logonip o.

2 Peterut 2:10

It togop eeppiyoorak nogo ti, mbuuluk negen eeppiyoorak kwe, it aakumi nen, “Nit maluk eeko logowok o,” yinuk, iniki nen nengge kenok, ugun eerit nogwe, Ala nen wone lengganogo yorage nogo taganogo punuk, at eebe miyuk-meya eerogo pugwi, eekwi nogo perak, aaninggin mondok ndonggok togon inoba piige kaagun. It malayikat nogo ti, inomaawi ambik inayuk warak me, Ala yogo logonet, “It aap kat ari menggendak kagak pilit pugunogo yorogo menggaarak nogo ti, mondok maluk eekwi me, kat ninogoba nen mondok inooke logot o,” yinuk, inoone omaawi paga Ala yoriyak op kwe, inagabiti warak me, we yanggorogon yogo menggaarak. Yanggorogon togop aret yogo menggaarak kwe, it aap pilit wone yaga ti nen perak, “Ninagabiti o,” yinuk, inaganak waka'lek iniki wogoppako logonet, kugi inom, malayikat inom, abok aret ugun miyuk-meya eerogo piinet nogo menggaarak.

Yurat 1:8

It aap kinenggela'me ugun unggwi wagaarak nogo ti, aakumi o Torom inom, Nggomora inom, eeko nogogwaarak nogo ndak-ndak eerit nogo logonet, “Nabinggaanggo paga yogop eeriyak op aret kagarak o,” yinuk, iniki aganggen eeginake kenok, eekulik mendek kagak ugun-ugun eeginabit nogwe, Ala wone konenggo logorak, “Nineebi o,” yinuk, taganogo mbo pugwi, ndi, it inayuk warak mbogut paga menggaarak malayikat nogo kunduk, miyuk-meya eerogo piigwi, eerit nogo menggaarak.