Ayup 34:10 - Ala Wone Peenok Peebi Mbanak

¹⁰ Togop aret me, Kit yi wone ndi wone kineenu yi, wae. An noone yokkirage yi, konenggo logonip o. At Ala nen maluk eeke, At Omaawi Lombok Menggerak nen ninggin eeke, Eeke menggerak yuurak mondok mage o.

Ayup 34:10 ပူးပေါင်းရင်းမြစ်များ

Wakkagagerak 18:25

Kat nen it aakumi obeelom eeko menggaarak inom, maluk eeko menggaarak inom, Ndak-ndak aret o, yinuk, abok lambuk togon inooriyak ti mage o, nogoba. Yi aakumi ndi aakumi inomaluk inom, abe inom, inowak loongga kat aret me, yiluk-yiluk inowak loongge menggerak kombarukwak me, togop eerugun o, nogoba.”

2 Tamuwen 22:31

Kat nogoba Ala perak, Eerit nage menggendak nogo ti, abu abe mban aret o. Kaliku ALA koone ti, Pilit lek abet mban ari menggendak o. Ineebe op logorak kabu'me wonogwe iinok, Keebe nggeemu kwak nobappiirogo menggendak o.

2 Mbinineegwaarak 19:7

At Aliku ninogoba Ala nen aakumi inowak loongge logonet ugun-ugun eeke, inetenggen maloppiinok eeke, Wu kolaakit mbakak eeke, eekeelik me, Aliku ALA kinagabiti mbako logonet, mondok liirogon inowak looninako logonip o,” yinuk, yoragagerak.

Ayup 34:12

At Ala nogo maluk eeke, At Omaawi Lombok Menggerak nen Ugun-ugun inowak loongge, Eekeelik, mbako logonip o.

Ayup 34:34

It yi wone ndi wone ineenu nen an yo'nugwi, It iniki warak an ari konenggwi nogo nen an yo'nugwi, Eeko logonet,

Ayup 36:23

Ala eerit nage logowak nduk, aru ta nen koonogo pege, Kat maluk eekendak o, yinuk, ta nen at yoge, Eeriyak mbaken?

Ayup 37:23

At Omaawi Lombok Menggerak me, Nit at owagam noorak meek age, At omaawi lombok tiyanak wonage, Aakumi eekwi onggo a'me nggelok eeppiige logonet, mondok obeelom lombok eeppiige, Eeke menggerak me, At nen aakumi maluk eeppiyoorak meek aret o.

Ayup 8:3

Ala nen nomo-komo eerogo aakumi maluk eeka'lek iigak, Maluk onggo eeppiige, Obeelom eekwi iigak, at Omaawi Lombok Menggerak nen, Ti maluk aret o, yinuk, maluk eeppiige, Eeke menggerak mbaken? Lek me,

Ndawi 145:17

Aliku ALA eerit nage menggerak abok aret A'me nggelok mban eerit nage, At eeke menggerak abok aret ti, Aakumi inabuwa mba'nuk eeppiinet nage, Eeke menggerak.

Ndawi 92:15

“At Aliku ALA ti, iniki abe koonak mban wonage, Ninayugum lunik kwak wonage, Eeke menggerak me, Inikime maluk wonage abu lek aret o,” yinuk, yogo logogun o.

Kini Wuppiige 15:32

Aap ambi iniki koonnaruwak nduk wone yogwi kwe, “Ti iya lek o,” yinuk, mbo pege kenok, at eebe aret eebi mba'nuk mbo pake menggerak kwe, Aap ambi nen aruk wake nogo liippege kenok perak, wone ambinom eenu eekkolage menggerak.

Kini Wuppiige 6:32

Aap ambi aap alik akwe pigagangge kenok perak, Iniki lek negen eeremenggerak me eebe aret lek eerogo pake menggerak o.

Yeremiya 12:1

Kaliku ALA wae. An wone noba agaatak yokkiri wage neenok, nawone abu abe amburu mbanogo mban yo'nege menggendak kwe, Kat a'me nggelok eeppiige menggendak wone mbuura'luk ambi yokkiriyak mbakirak nogo yi aret. It maluk eeka ineebe obeelom logonet, inale'nggen mban wonogwe, Ndi, it kat koone liirogon eeka'lek nogo nen inambi abe mban nunggwi, Eekwi nogo ti, nonggop nduk?

Tepaniya 3:5

Aliku ALA at enggela'me wonage logonet, maluk ambi eeppiigeelik obeelom mban eeppiige, At puk aga'lek ko'lu-kii'me o kubondendok nen inawone amburu mbanogo punuk, a'me nggelok mban eeppiige, Eeke menggerak kwe, It aap maluk eeka iniki nggolawe nogo, inenggali mbaka'lek maluk mban eerit nugu menggaarak o.

Oroma 9:14

Ti eereegerak kenok, nit nonggop yuwok mbakop? “Ala a'me nggelok eekeelik ugun eeke menggerak yuwok, mbakop?” Ti mondok lek o.

Yakobut 1:13

At Ala nen, “An maluk ambi eerikit,” mbake, ndi, aakumi maluk eeruwak nduk, iniki nggaganogo piige, eekeelik me, aap ambit-ambi iniki nggagangge kenok, “Yi Ala nen niniki nggagangge o,” yinuk, yuurak ti mondok mage o.