Ayup 33:23 - Ala Wone Peenok Peebi Mbanak

²³ Togop eeko menggaarak kwe, Ala ayonggo malayikat nogo, Ineebe ambik seribu wonogwe inenggela'me aap ambi nen yeenggwaara wage logonet, Ndogop eeriyak ti op o, yinuk, yorage,

Ayup 33:23 ပူးပေါင်းရင်းမြစ်များ

Maleyaki 3:1

At Omaawi Lombok Menggerak Aliku ALA nen ari logonet, “An woraawam tu yarogo panuwak nduk, nayonggo nappi wage neyaagun o. Tu yarogo panege kenok, Ninogoba woraawak lak, ao, mbakwi nogo, nawi wurik me time unggwi nage, ndi, at inom wone abuk nggaruk togon koonogo puwak nduk, Nappi woroorak, mbakwi nogo, abera'lek me aret wage, eerigin o,” yinuk, yegerak.

2 Korindut 5:20

Togop kenok, nit Keritut obaane'me oone wonok yoranet nugu logowok nduk, mippinaneegerak logonet, Keritut eereegerak ti paga, “Ala kinom ogoorak logorak lek o. Kinom lambuninip o,” yinuk, Ala nen oone nabek togon yokkirobogom nit aret yokkirogo ogoorik o.

Wone Alom Kibingga 7:28

Kwaarit nage kwe, kwaakkaga'lek wonage, eerit nage logonet, Aap seribu wonogwe inenggela'me aap ambiret ambi abu obeelom wonage kagagirak kwe, inenggela'me kwe ambi iniki abu obeelom wonage an koolik o.”

Maleyaki 2:7

It aap an neebe unde nogo ti, Nomaawi Lombok Minggirak Naliku an ALA nayonggo aret me, it aap neebe unde nogo nen yi wone ndi wone ugun yoraga'lek inoone liippunuk yorogwe, it inambe paga abet mban wungge nogo paga mamunggolaawak nduk, yorogwe, eeko menggaarak kwe,

Agayi 1:13

Inagabiti mbako mbareegwa, aakumi yoraawak nduk, Aliku ALA nen nappi wagagerak Agayi nogo nen at Aliku ALA yoreegerak nogo it yorage logonet, “At Aliku ALA nen, An ninom aret logogin, yegerak o,” yinuk, yoragagerak.

Ndaniyen 9:14

Togop aret me, Kaliku ninogoba Ala eerit nage nogo, a'me nggelok mban eeppiige menggendak me, aaninggin ninoba kwippinaniyak koonak wonage nogo ti, ninoba kwippinanegendak kwe, kat yo'nirage nogo ninaruk liirogon konembunuk eeka'lek aret ogoorik o.

Leendawi 3:32

At Aliku ALA ninabuwa nen iniki kunik ee'ninake nogo, lek aga'lek itok kunik aret menggerak me, Inikilom ninombake logonet, nit aakumi nen ndarak nogo aaninggin eeppinanege, Nit niniki puru yuwak nduk eeppinanege, Eekeelik o. Ata, niniki puru yuwak nduk eeppinanege nagaatik, ti'nuk, ninabuwa mbake menggerak o.

Ndawi 119:75

Kaliku ALA wae. Eekaatak ndak-ndak eeppiige menggendak wone neenu me, Kat liirogon eeppanege logonet, Aaninggin-paaninggin noba paneegindak keege agarik o.

Ndawi 94:12

Kaliku ALA wae. It aap inaruk wake, Koone yugu liiru mbanak nogo liirogon mamuninake, Eeppiige menggendak nogo Inale'nggen aret mbako menggaarak o.

Ayup 37:23

At Omaawi Lombok Menggerak me, Nit at owagam noorak meek age, At omaawi lombok tiyanak wonage, Aakumi eekwi onggo a'me nggelok eeppiige logonet, mondok obeelom lombok eeppiige, Eeke menggerak me, At nen aakumi maluk eeppiyoorak meek aret o.

Ayup 36:3

An wone irip-unggut abok wa nagak yokkege, At ogobakkigi'nabeegerak nogo nen abe koonak mban eeke kaanok nduk, aana'le mbangge, Eerigin me,

Ayup 35:14

Togop aret me, Kat nen, Ala eeke an kaga'lek aret, ari, Nawone mbanuwak o, yinuk, yogirak naana'le mbanigin me, tokkage agaarik o, ari, Ndi, ambi, It aap maluk eeka nogo at Ala liippiige, Anini mbake logonet maluk onggo eeppiige, Eekeelik o, yinuk, ari, Eeke menggendak ti paga Ala nen kat ari liippagarak mbaken? Abunuk koone konengga'lek mbo pagage logonet, At Ayup, Ai ao, ari ti, we aanom warogo ari, At eenggo'lek logonet, oone ambik agan nage, Eeke agaarik o, Yinuk, yokkirigin mbake logot o,” yinuk, yoreegerak.

Ayup 34:32

Ndi, An maluk porogo wonage neyo yo'niru o. Yo'nege kenok, an maluk ambinom eerigin lek o, yinuk, ari,

Ayup 34:12

At Ala nogo maluk eeke, At Omaawi Lombok Menggerak nen Ugun-ugun inowak loongge, Eekeelik, mbako logonip o.

Ayup 34:10

Togop aret me, Kit yi wone ndi wone kineenu yi, wae. An noone yokkirage yi, konenggo logonip o. At Ala nen maluk eeke, At Omaawi Lombok Menggerak nen ninggin eeke, Eeke menggerak yuurak mondok mage o.

Ayup 9:3

Wone ti yuwak nduk, Ala nimbirak wone warikit o, yinuk, mbaremenggerak kwe, Wone ambiriluk yoge kagak, At nen wone onggo seribu kuli aret at oba kwippigin me, Oone lek aret arigin o.

Nekemiya 9:33

Yi wone ndi wone ninoba age kagak kwe, a'me nggelok eeppinanege, ndi, nit maluk lombok eekwi niigak, kat nen li'lak aret eeppinanege, eeke nagagindak o.

Owak Loongga 2:1

At Aliku ALA ayonggo malayikat nogo o Nggilagan nen o Mbokim wage nagagerik, Iterali mendek nogo yorage logonet, “An o Metit nen wokkiren kinombomini wone kumbuk mbanogo yoragagim yime pinagi wage nagagirik, yokkirage logonet, Kit an ninom wone abuk nggaruk togon koonogo pereegurak nogo an nen lek eerogo pigin lek o. Ata, mondok-mondok aberak aret logogin o, yinuk, yokkirage nagagirik,

Oroma 11:13

Ndi, yogondak kit endekem konenggulik mendek wone ambi yokkira o. An kit endekem konenggulik mendek kinake aret nappani wagagerak me, an neyabu nogoba nen unde eeppaneegerak nogo ti, “Mondok iya lombok unde eeppaneegerak o,” yinuk, tiyappege agarik o.

Nappiigak 8:30

Yoge mbareegi, Piliput nogo nen at owagam puu'nuk ka nage nagagerik, Ala nen yoge kagak yoraga Yetaya nogo liiru mbaneegerak pekkage logonet ari aruk konembege nagagerik, “Nogoba wae. Kat mbuku mbanak pekkenet nage yi, liippege agandik a, lek a?”

Wakkagagerak 40:8

Yorage mbareegi, it nen at yogo logonet, “Nimbirak ninabi kogoorak kwe, Alom togop kogotak o, yinuk, aap wone mbininogo ari menggerak lek kenok ogoorik o.” Yogo mbareegwa, at Yutup nen yorage logonet, “At Ala nen wone eebe yorage menggerak lek mbakop? Kinabi kogotak ti, mbininogo yo'ninip o.”

Yetaya 59:16

Aliku ALA nen aap ambi a'me nggelok eeke kin kaga'lek wonage, At ambi nen it yeenggwaaroorak at kaga'lek wonage, Eekwi iige nagagerik, “Iya!” mbareegerak. “Iya,” mbake nagagerik, at lombok eenggi omaawi paga inagap ndake, A'me nggelok eeppiige logonet, yeenggwaarage, Eerikit nduk, eereegerak.

Ayup 9:33

At Ala nen aaninggin noba panege kero, Naganak nu'nirit nage nogo lek aruwak nduk, Aap ambi nen Ala nimbirak pigogo kwippinaninuk, At yawi mbanak paga nookak mban eeke nogo, Tayoppuwak nduk, ninawone amburu mbanuwak lak, Ao, mbake agarik o.