Ayup 32:21 - Ala Wone Peenok Peebi Mbanak

^21-22 Eeke logonet, an aap ambi wogoppege neenok, At ogobakkigirogo paneegerak nogo nen nenggaawak lek eerogo panigin me, Aap ambi nimbirak agak eeke, aap ambi wogoppegak eeke, Eerigin lek o.

Ayup 32:21 ပူးပေါင်းရင်းမြစ်များ

2 Tamuwen 14:17

Ala ayonggo malayikat nen maluk eeriyak obeelom eeriyak abok eenu menggerak ndak-ndak, nowe kendagembogut kat aret me, koone yagandak ti paga niniki kwippanegen o, nogoba. Togop me, at Aliku kogoba Ala kimbirak aret logogin o.”

2 Tamuwen 14:20

Ala ayonggo malayikat ambi yi wone ndi wone abok eenu menggi kwak, kat nogoba kiniki warak lombok logonet, yi o ndi o arit wage menggerak abok aret keenu me, at kayeloman Yowap eekerak nogo ti, kaput kimbirak ogoorak wonogwe nogo kinawone koonogo pinagarak, mba'nuk, yo'negerak o,” yinuk, yoreegwaarak.

Ayup 13:10

Kote at kinom ari nogwe kiinok, Ala nen oone omaawi paga ninaruk warigin, abet aret mbako logonip o.

Ayup 13:8

Ala ale'nggen kinoba pinagawak nduk eekwi, Inowak loongge me, kinom a'nuk, at Ala aana'le mbanggwi,

Ayup 32:20

Niniki tayok togon wunduwak nduk, an wone mondok ari, Nambe paga nen wone mondok onggo ari, Eerikit o.

Ayup 33:3

Niniki abe koonak paga nen wone wunake, Niniki abe paga nen an kage nogo kin aret yokkege, Eeke agarik o.

Ndawi 82:2

“Aakumi yiluk-yiluk inowak loonggwi iigak, Inaana'le mbanggwi, It maluk eeka inom ari nanuk, inom wone koonggwi, Eekwi kiigak, Ne mande ari nagin o.

Kini Wuppiige 24:23

Aap iniki warak nen yogo menggaarak wone ando yi o. Aap inowak loonggo logonet, inetenggen maloppunuk eekwi ti, maluk aret o.

Kini Wuppiige 28:23

Aap ambi nen ore aruk wake kenok, at aruk waremenggerak nogo nen aruk wakerak nogo peebi ale'nggen nggwok ombarigin kwe, Iniki laakot paga yoge kenok perak, ale'nggen mbuuluk ombake logogin o.

Ala Unde 19:15

Aakumi inowak loonggo logonet, maluk-maluk inowak loonggwi, aap ineenggi lek iinok, inawone abe koonogo piiga'lek yiri-wuri eerogo piinok, aap ineenggi warak iinok, inawone abe koonogo piigwi, eeriyak mage o. Ata, Aap yi ninom ndak-ndak aret o, yinuk, eeremenggaarak ndak-ndak aret inowak loonggo logowak o.

Maleyaki 2:9

Eeko logorak mbake minggirak nogo, mugurok naga'lek mbo punuk, eeko logorak wone yugu nogo mamuninako logonet, inete yombonogo piinok, mamuninako menggaarak ti paga it aakumi nen meek inombakwi, inendage tebenogo piigwi, eeruwak nduk, eerogo piyareegirak o,” yinuk, at Omaawi Lombok Menggerak Aliku ALA nen aret yegerak me yokkiragi o.

Matiyut 22:16

Wone mbanggo nogogwaarik, it inoone waganggwi ando inom, it Keroriyan mendek inom, Yetut owagam nappiya wogogwaarak wogo nogogwaarik, Yetut yogo logonet, “Ngguru wae. Kat nen, Aap ambi iya, ndi, ambi meek, mbake logonet, ninete liippinaninuk yo'nirageelik, nit eekwi paga Ala ari menggerak wone mondok pagak togon yo'nirage menggendak nineenu me,

Pelaareegerak 16:19

Mippiyamonggotak aakumi inowak loonggo logonet, maluk eerak onggo, Ndogop puurak o, yugu kagak, Puurak lek, yoruwak nduk, wu kote wogogwi nogo ti, aap inawone abe mbaniyak kagak inigen mbuk kwak liinggwi yogo logonet, kagaarogo pugwi, ndi, Ninawone op aret mbanugun, mba'nuk, nogwe nogo wi-wi eeginako logonet, Maluk eerulik kagak yogotak o, yinuk, it aap obeelom nogo inenggali wappiigwi, eeko menggaarak me, togop eeruwak nduk, wu wokkirogwe iinok waganggwi, maluk eerak onggo ndak-ndak eeppuurak kagak yiluk-yiluk awone mbanggwi, aap inetenggen pegiigak inowak loonggwi, eeko logobok o.