Ayup 31:9 - Ala Wone Peenok Peebi Mbanak

⁹ Kwe paga niniki nengge, Noreeluk arungga paga nena woorogon mannari nage, Eeke logonetak en,

Ayup 31:9 ပူးပေါင်းရင်းမြစ်များ

1 Endagembogut 11:4

Togop aret eereegerak me, at Talomo abu anggok ari nage kagak, akuwi nogo nen Ala mbo punuk, at Ala obaane'me kugi eerit nawak nduk, iniki nomoninuk nogo mbareegwa, ogoba Ndawut iniki inom, eebe inom, Aliku ogoba Ala panggombunuk, mugurok nage nagagerak ti kokwak, at eeke logolik.

Nekemiya 13:26

Kit eekwi yogobi it Iterali inowe endagembogut Talomo nogo nen eerit nage logonet, maluk eereegerak lek mbakop? At Ala nen iniki kunik eeke nagagerik, aakumi Iterali abok aret inowe endagembogut mippereegerak yi aakumi ndi aakumi inoweewi inendagembogut at ndak-ndak ambi lek aret kwe, kumi alik mendek wogonabeegerak nen maluk eerit nawak nduk, inikime mambereegwaarak.

Ayup 31:1

Kolaga tawe niniki nengge kero, Nenegen pekkoorak mondok lek o, yinuk, Niniki abuk nggaruk togon koonogo pereegirak o.

Kini Wuppiige 22:14

Kwe mbabilu oone ari ti, nggween kiiniki paga kabunik kwak aret wonage me, It aap Aliku ALA anini inombake nogo yigeebu time aret wanggo menggaarak.

Kini Wuppiige 6:25

Kambi noorak ake kawu ambiriluk wonage kwe, kumi mbabilu nogo nen aret nunggwi, Keenik logorak iya kwe, kumi inogonggelomini warak nen kenggaawak lek eerogo pagarak nduk eekwi, Eeko menggaarak me, “Kumi kigirikwe me,” yinuk, kiniki nengge, Yilunogo pagawok nduk inigen nimik yokkugwi iinok, muguren nege, Eeriyak mage o.

Kini Wuppiige 6:27

Aap ambi nen ayum kani nengga'lek kagak, kani kunik ogome palu-palu wonok nage,

Kini Wuppiige 7:21

Kwe nogo nen oone yorit unggwage paga wulaga nogo iniki nomongge, Oone amburu ndik-ndik yorit unggwi nage paga iniki lek-lek eeke, Eeke kenok,

Wone Alom Kibingga 7:26

Kumi ti, towe nggelok yaga yum tugunik kwak, Iniki nengge ti, keele pugu kwak, Ineenggi ti, mbutigeele paga maarogo piiga kwak, Wonogo menggaarak me, Kanggwi ti aaninggin me, neebi mbake kwe, It kumi ti mendek ti, aaninggin iya lombok me, abu neebi lombok mbake minggirak o. It aap Ala iniki kunik eeko menggaarak kenok, pugume time nggerok yaga'lek mbaganggo menggaarak kwe, It aap maluk mendek perak, kumi inageele pugu ti paga nggelok yi nogo menggaarak.

Yeremiya 5:8

Kuda wali eebe piirik aganggen eeke kenok, kooli kwaarinabit nege menggi kwak, Inoreewi inakuwi kagak iniki nengge kenok ugun aret eeginabit nugu menggaarak.

Oteya 7:4

Nogo yuwok nduk, nggigani kumbunuk, nogo yogo nagaatik, kani nogo noguk yaga'lek kunik aret wonage me, mbi worako mengga kwak, It aakumi abok aret ti, ti kwak logonet, an mbo paninuk iniki aganggen kerek togon maluk eerit nugu agaarik o.

Ala Unde 20:10

Aap ambi nen at inom menggaarak ambi akwe wuke kenok, aap kwe nogo imbirak kambuwak nduk, inoorogo piigo logowak o.

Pelaareegerak 5:21

Aap ambi akweeluk a, awi wurik a, eyabu yarak a, ayeloman kumi-aap a, aanggumi lembu-keledai a, amindik-amendek abok aret kiniki nen uugwe-uugwe mbako logorak mage o.

Owak Loongga 16:5

Uugwe mbake mbareegi, it aap Pilitin mendek inendagembogut ineebe 5 nen kolaga Ndelila nogo pekka wogo nogogwaarik, yogo logonet, “At omaawi ambik eeke nogo alom ngge? Ndi, eebe nonggop eerogo keele maakwi niinok, omaawi lek age, eeriyak agote wone nogo yokkiruwak nduk, pilit yagak abet yagak yorit unggu o. Yoremenggendak paga yokkege kenok, ninalitak lombok nen wu mbuti perak aaninggin 13 wakkagak wokkirugun o,” yoreegwaarak.