Ayup 31:8 - Ala Wone Peenok Peebi Mbanak

⁸ An yarit nagarak anggen nogo, aap alik nen mbanogo nunggwi, Ndi, yumbunit nagarak ero nogo, aakumi nen kinogo nappugwi, Eeko logowak o.

Ayup 31:8 ပူးပေါင်းရင်းမြစ်များ

Ayup 15:30

O apit ari wage menggi kwak, Aaninggin at oba kwi'nari wage kenok, At mbaganiyak meek aret kaagin o. Eyo agarip wunggetak nogo Kani nen yagangge menggi kwak, at togop aret age, Ala ambebubu paga lek eerogo pege, Eerigin me,

Ayup 18:19

At apuri ilik, ombowologwe a? owe-awot inenggela'me wonogwe, At wonagagim kunduk, aap ambi wonage, Eeka'lek aret logogin o.

Ayup 24:6

Aakumi ineyabume inaanggumi inake pugu nogo, It aret waganogo nunggwi, Aap ineenggi warak inagayo anggur yarak anggen mbo pugu nogo anebenogo nunggwi,

Ayup 31:12

Ti eeke logonetak nen Kani pup eerogo nengge menggi kwak, An togop aret eerogo panege, Ndi, kuwak eerogo pigirak nogo kunduk, Mondok lek eerogo pege, Ee'netak o.

Ndawi 109:13

Ombowologwe wiganak nogo inenggaawak lek ogwe, Peebi nda'narit wundi woroorak inendage kagaa'nage,

Ala Unde 26:16

an nen eeppiyoorak nogo yi aret. Abera'lek me aaninggin inoba nappi woraminggirak paga andi inagabolo paga kani pege logonet, inigen mbuk eerogo piige, wono eerogo pit unggwage logonet, ineebe aret lek eerogo piige, eerigin o. Yabu ambik lombok waganogo yaremenggaarak nogo inawim nen mbanggola wogo logogun me, we aanom warogo aret yako logogun o.

Mika 6:15

Kat nen anggen yumbunogo nappemenggendak kwe, anggen mbanggolage, Eyo tayitun anggen aambiranogo pemenggendak kwe, amburu koba mbenenogo pake, Anggur anggen aambiranemenggendak kwe, amburu toologo nengge, Eeka'lek aret logomunggun o.

Yaya 4:37

Aap ambi awi yake, ndi, ambi anggen yugu mbangge, eeko menggaarak o, yinuk, yogo menggaarak wone nogo ti abet aret o.

Pelaareegerak 28:38

Kineyabume yi awi ndi awi ambik yarit namonggotak kwe, wurin nen apit aret nenet namenggerak me, we mbuuluk mban mbanggologwe,

Pelaareegerak 28:51

kinaanggumi inom, yi mendek ndi mendek yarak inom, it nen lek eerogo nenet nogo logogun o. Gandum inom, eyo anggur amburu awo toolak inom, tayitun amburu ngget mendek toolak inom, lembu-tapi, kambin-ndomba it inaagalogwe inom, kit noorak kinake ambi teppinagaga'lek apit aret anep lek eerogo nenet nogwe iigak, kit nengga'lek logonet, kineebe aret lek arit nogwe,

Yotuwa 22:22

“At mondok omaawi menggerak ti, at Aliku ALA alik aret o. At mondok omaawi menggerak ti, at Aliku ALA alik aret o. Nit eekoorak at Aliku ALA eenu aret me, nit Aliku ALA wone taganogo punuk, niniki worokot logonet, nineebi kinombakwi, at Aliku ALA nineebi ombakwi, eeppunuk, yi eekoorak kenok, Aliku ALA nen ninili yuurak lek kit nen ninooriyak op aret o.