Ayup 31:7 - Ala Wone Peenok Peebi Mbanak

⁷ Tu abe kagak nomok togon nage, An nenegen kenok niniki nenet nage, Maluk neenggi paga lenggenak wonage, Eeke neenok,

Ayup 31:7 ပူးပေါင်းရင်းမြစ်များ

Ayup 16:17

Maluk eekirak ambi kumaapporogo lek aret me, Niniki abe paga tamban eeke agarik o.

Ayup 17:9

Aap iniki abe koonak wonogwe nen it mugurok nogwe nogo aret mugurok nogwe, It aap maluk inikime kumaapporogo wonogolik kenok, iniki kole arit unggwage, Eeko logogun o.

Ayup 23:11

At iyok pit nage me, an niyok time aret pit nage, Nena agi-ogu agak eeka'lek tu at nage menggim mban nage,

Ayup 27:5

Kit nen, Maluk eekendak, yo'nugwi nogo, Ti abet aret yo'nugwi, kinombake, Eerigin lek aret o. Ata, An maluk eerulik, ari neegak kambi nage,

Ayup 27:6

An aap abe, ari nogo mbo pega'lek porogo wonage, Maluk eekirak, niniki penggenggagak eeka'lek wonage, Eeke logonet kambigin aret o.

Ayup 9:30

Niyo mili paga nabin kookkolage, Tonggo-tonggo paga neenggi kookkolage, Eeriminggirak kwe kagak,

Ndawi 101:3

An neegak maluk eeriyak ti, “Mage o,” yorage, Eeke logogin o. It aap an noone liippuurak ineebi mbakwi nen Eerit nugwi nogo an neebi inombake, It an ninom kunik logorak lek aret inombake, Eeke logogin o.

Ndawi 7:4

At nimbirak niniki ugun wonogwe nogo maluk eeppege, Alom lek kagak, at tebembaniyak eeke nogo, Amendek ambi kiraakkolage, Ee'netak en,

Wone Alom Kibingga 11:9

Wulaga tawe yi wae. Kat awo tawe wonage logonet, kiniki ale'nggen mbake, Kat awo tawe paga kiniki ale'nggen nen eerit nage, Eeriyak eekkake nogo mugurok nage, Kenegen kenok eerit nage, Eeke logorak ti op aret kwe, Yi eekak ndi eekak eeremenggendak abok aret nogo paga Ala nen kowak loonigin mbake logot o.

Yetaya 33:15

It aap obeelom mban eerit nugwi, Wone abe koonak mban yogwe, Aakumi wi-wi eeginako logonet inamendek waganggwi nogo, “Woorak nineebi o,” yinuk, mbo pugwi, Mage yugu kagak wu wogorogwe waganggwi nogo mbo pugwi, Aakumi inooruwok yogwe iinok, inaruk nakkologwe, It aap maluk eeka nen eerit nugwi nogo inigen iigwi iyo, inigen nobakkologwe, Eekwi iinok ti,

Yetikiyen 14:3

“Aakumi nen ndarak yi wae. It aap yi nen, Kugi eeko logowok o, yinuk, koonogo punuk eekwi, iniyogobit lik togon yigeebu wambuwok nduk ti mban inenggaawak paga punuk eerit nugwi, eeko logonet, yo'nugwi iinok, inoone an nonggop togon koneniyak? Lek aret me,

Yetikiyen 14:7

It aakumi Iterali mendek ambi a, it aakumi nggiru Iterali inenggela'me wonogwe ambi a, nen an mbo paninuk, Kugi eeke logokit o, yinuk, koonogo pege, iyogobit lik togon yigeebu wambikit nduk ti mban enggaawak paga punuk, mugurok nage, eeke logonet, Ala yegerak ngge o, yinuk, an nen yoge neegak yoraga ka wage kenok, Naliku ALA nalik nen aret wone at onggo yorigin o.

Yetikiyen 6:9

It ma'narit namenggaarak yi aakumi ndi aakumi kugun wogoren piya nawam inenggela'me time wonogo logonet, kwe ogonggelo mbo punuk, aap alik wagangge menggi kwak, an mbo paninuk, aakumi inagugi ogut eerak inigen kogo logonet, Nit ti aret mugurok nawok lak, ao, mbareegwaarak paga niniki warogo paneegwaarak nogo, iniki abeppunuk, maluk eerit nogwe, ogole warak lombok eerit nogwe, eereegwaarak nogo liippunuk, Nit maluk peyak wurik kagak eekoorak kogo o, yinuk, mbarugun o.

Linggineegwaarak 15:39

Ligi kibu-kibu inayum irip paga pugunik nogo ti, Naliku an ALA nen, Yogop ee'nu ndogop ee'nu, wone yugu nogo taganogo punuk, aap ambi akwe mbo punuk, ugun eerit nage menggi kwak, it Iterali mendek iniki nengge kenok, mugurok nogwe, inigen kogwe kenok, eerit nogwe, eeko logokwak aberak logowak nduk pugunik aret me, inigen pekkagak eeko logowak o.

Matiyut 5:29

Kineebe abeenok lek age kenok ti, op negen kwe, kineebe apit aret kani omoonuk wunuk mban ari menggim mbo nappinagarak ti, maluk me, kinigen peenok abe'nggan maluk eeriyak eekkinake kenok, kilirogo mbo nappuurak o.