Ayup 31:6 - Ala Wone Peenok Peebi Mbanak

⁶ Aaninggin abu abe wakkogo mengga kwak, At Ala nen an liippaninuk, maluk eerulik aret neyaagin o.

Ayup 31:6 ပူးပေါင်းရင်းမြစ်များ

Ayup 23:10

Togop aret kwe, An eeke minggirak perak, at eenu aret me, Mbuti emas kani paga worakwi iinok, Abe age menggi kwak, an nabut mbanogo togop aret eerogo panigin o.

Ayup 32:1

At Ayup nogo nen, “An aap abe niniki koonak aret o,” mban mbake me, aap kenagan nogo wone onggo ambinom yorulik puk aret ogogwaarak.

Ayup 6:2

“Niniki wakko'net unggwage nogo, aaninggin paga wakkage, Andi-pandi eerogo panege nogo, tugunogo aaninggin paga wakkage, Eeriyak op logonetak nen,

Ayup 6:3

Mbini niyo aa'nggi paga wonage nogo Aaninggin mbuuluk kanetak o. At Omaawi Lombok Menggerak omaale nogo Neebe paga ngguurik-ndaganak aago wonage, Maale irip paga mbeeli perenak nogo Nggonok togon ninikime unggwage, Aap ineegin warak mbiginogo wumbiige menggi kwak Ala eeke paga inagabiti mbakwi nogo mendek Noba ari wagak mban eeke, Eekerak ti paga Noone perak togon yagarak me, Yi maluk ari, nombarugun o.

Ndawi 1:6

It aap iniki abe koonak nen eerit nogwe nogo, Aliku ALA nen enegen wogonake menggerak kwe, It aap maluk eeka nen eerit nogwe nogo, Lek eerogo piige menggim time aret nogo menggaarak o.

Ndawi 139:23

Ala wae. Kat nen an liirogon malennake, Niniki mbake keenu age, nabut mbangge, Niniki koonit nage nogo liippanege, Eeru o.

Ndawi 26:1

Kaliku ALA wae. An maluk noba lenggenggulik kagak nege, Niniki yungguppegak eekeelik Kaliku ALA koba panggombege, Eeke minggirak me, “Aap yi abe aret kagi,” nombaru o.

Kini Wuppiige 16:11

Aaninggin abe wakkaga inom, kuli a'me ari naga inom, nogo ti, Aliku ALA unde wonage, Ndi, ndak-ndak age lek kenok, yugum mbuulogwe ambi pegak eekwi yonggolak menggerak abok aret nogo ti, at nen mban ogobakkigirogo pege, Eereegerak.

Kini Wuppiige 21:2

Aakumi nen, “Nit eekwi abok aret op eerit nogo ogoorik o,” mbako menggaarak kwe, Aliku ALA perak, alom ngge eeruwok nduk, iniki koonggwi nogo liippiige menggerak.

Yetaya 26:7

It aap iniki abe koonak nogo tu mot-mot mban nogo menggaarak me, Kat kiniki abe koonak yi wae. It aakumi iniki abe koonak nogo logorak inaru tiyak-tebek kenok ndenenogo pit nage menggendak o.

Ndaniyen 5:27

TEKEN ti, aaninggin wakkanuk, Yi aaninggin ndak-ndak ilik, meek a? yinuk, yogo mengga kwak, kat nogoba eerit nage nogo wakkaanuk, abe lek meek aret eerit nage kombake agaarik o.

Mika 6:11

Aap wi-wi aganaka wakkagak yugum mbuulogwe inom wonok wa'nuk, Aaninggin ndak-ndak lek kagak, Ndak-ndak aga o, yinuk, yaga nogo, eekwi iigak, teppiyoorak op mbaken?

Matiyut 7:23

Yo'niremenggaarak kwe, an nen it yorage logonet, Kit maluk eeko monggotak yi, an mondok neenggo'lek me, an wonage me nen mbaganinip o, yinuk, yoraagin o,” yoragagerak.

2 Timotiyut 2:19

o wurik ili agago liiru mbanogo pogo mengga kwak, Ala eeriyak kooneegerak nogo, “Mondok logogin,” mbaruwak nduk, ari logonet, “An napuri kenok ti, neenu aret minggirak o.” Ndi, ambi, “Yi aap ndi aap abok aret, An Ala aput aret o, yogwe iinok, It maluk eekwi nogo mbo pogo logowak o,” yinuk, yereegerak me, it aap ti togop aret eeko menggaarak kwe, Ala nen, “Eeriyak,” kooneegerak ti, o eyak wurabak nu'lek menggi kwak, mondok nu'lek aret logogin o.

Yotuwa 22:22

“At mondok omaawi menggerak ti, at Aliku ALA alik aret o. At mondok omaawi menggerak ti, at Aliku ALA alik aret o. Nit eekoorak at Aliku ALA eenu aret me, nit Aliku ALA wone taganogo punuk, niniki worokot logonet, nineebi kinombakwi, at Aliku ALA nineebi ombakwi, eeppunuk, yi eekoorak kenok, Aliku ALA nen ninili yuurak lek kit nen ninooriyak op aret o.

1 Tamuwen 2:3

Kaliku ALA kat aret me, yi wone ndi wone abok aret keenu age, Aakumi nen yi eekak ndi eekak eekwi nogo, inowak loongge, Eeke menggendak me, It aakumi nen, Nit iya o, yinuk, tiyappatit nugwi, Wi niruwak o, yinuk, inoone paga wogoppatit nugwi, Eerugwaarik o.