Ayup 31:3 - Ala Wone Peenok Peebi Mbanak

³ It obeelom eekulik mendek ti, maluk mendek inoba kwi'nage, It maluk eeko menggaarak ti, aaninggin-paaninggin inoba age, Eeruwak nduk, Koonogo piige lek mbakop?

Ayup 31:3 ပူးပေါင်းရင်းမြစ်များ

2 Tamuwen 18:10

Nage kagak, at Ndawut awot ambi nen Abatalom eyo ko'me nggelenak wonage enegen kage nagagerik, Yowap yoge, “At Abatalom nogo, eyo teno eno'mbak ko'me nggelenak yuwok talek ari wonage nenegen kagarak o.”

Ayup 18:12

Mbi abu nen omaawi lek age, Nage me, yigeebu wambuwak nduk, at lek eeppuurak mendek enaarak wonage,

Ayup 20:29

At Ala nogo nen, It maluk eeka eeppiyoorak inake koonogo piige, Ineyate kwak wogoroorak punogo piige, Eereegerak nogo ti aret o,” yinuk, yoreegerak.

Ayup 21:17

Togop aret inombake kwe, Aap maluk eeka inandi ti, awo kagak noguk ari, Ala anini inombake logonet, Aaninggin inoba eeppiyoorak punik nogo, inoba ari wage,

Ayup 21:30

Yorogwe kiinok, it maluk eeka aaninggin inoba age kagak woppakwi, Ala anini eeppiige kagak inagap ndakkologwe, Eeko menggaarak, yokkiraagun obak!

Ayup 31:23

Ala nen aaninggin ambi noba panege kero, nagabiti mbake, At mondok iya tiyanak lombok menggerak ayuk wuke, Eekirak me, Togop eerulik o.

Ayup 34:22

It maluk eeko menggaarak nogo, o apit me kumaa'nari unggwogwe, O yumaak paga kunduk, kumaa'nogwe, Eeriyak meek o.

Ndawi 55:23

Togop aret me, Ala wae. It aap maluk eeka nogo Lek ogo menggam mbuun ambena kabelogo wuppiige, It aap inoone pilit yaga inom, inamiya nengga inom, It ndarak eyom awo ari naga'lek iigak, kambuwak nduk eeppiige, Eerumunggun kwe, An perak, kat nen an eeppanenok nduk, Niniki koba panggombunuk aret agarik o.

Ndawi 73:18

Nogoba Ala wae. It aakumi ti, Eraabin perak togon wambuwak nduk eerogo piige, Ineebe nggarenak-pugunik eerogo piyaawak nduk yigeebu wuppiige, Eerumunggun me,

Kini Wuppiige 1:27

O wiya nabuninuk wage menggi kwak, kinagabolo ne agan nawak nduk eeppinagi wage, O wiya oone pu warit wage menggi kwak, aaninggin-paaninggin kinoba ari wage, Nonggop eekkolaawi, yubagip nduk, eeppinagi wage, Kiniki lek-lek arumunggup nduk, eekkinabi wage, Eeke kenok, An nen miyuk-meya eerogo pinagage logogin o.

Kini Wuppiige 10:29

Aliku ALA eerit nage menggerak nogo it iniki abe koonak nen ndak-ndak eerit nugwi paga ineebe op wonogo menggaarak kwe, Aap maluk eeka nogo perak, eeka'lek paga ineebe lek eerogo pako menggaarak o.

Kini Wuppiige 21:15

Eekaatak a'me nggelok eeke paga it aap iniki abe koonak nogo inale'nggen mbako menggaarak kwe, It aap maluk eeka perak, inamineeri ne agan nage menggerak.

Yetaya 28:21

Aliku ALA nen inigen kogolik mendek eeke menggerak nogo aret eeke, At eerubok mendek eeke menggerak nogo aret eeke, Eerikit nduk, At Puut Peratim paga mi'na'nuk eereegi kwak eeke, O Nggibeyon kobappaga anini nen pilak yinuk eereegi kwak aret eeke, Eerigin me,

Linggineegwaarak 16:30

Ndi, ne yogondak yi paga Aliku ALA nen eeke ambi kogolik mendek eeke logonet, nggween yi, ambe nggagambege logomenggerik, it aakumi yi inom, inamindik-inamendek inom, abok inaani aret it aakumi kambeegwaarak wonogwe me, inom logowak nduk, ineenik ngge-ngge aret ambeme yonggorinake kenok perak, It aap yi, at Aliku ALA miyuk-meya eerogo pegaarak nogo paga eeginake kogo o, yinuk, kineenu arumunggup o.”

Matiyut 7:13

Yorage nagagerik, “It aakumi kobak ari nogo menggam unggwi noorak tunggambe nggwok mbanak, ndi, tu nogo menggam kunduk mbelak aago yarak kenok, aakumi ambik tu ti paga nogo menggaarak kwe, kit perak, tunggambe mbuuluk mbanak nogo paga unggwi nogo logonip o.

Oroma 9:22

Iniki mba'nuk aret eeke menggerak ti kokwak, Ala ti ndak-ndak aret eeke menggerak me, at nen ari logonet, “Nanini eeppiige, ndi, nomaawi paga eerit nage, eeke neyaawak o,” yinuk, it at anini eeppiige logonet, ineebe pup eerogo piyaakit mbaketak mendek iniki kwippunuk mondok liirogon eeppiige logorak koongge kenok ti, nonggop mbarumunggup?

1 Tetalonika 5:3

It aakumi nen, “Wone ambi ninoba aga'lek nit abok obeelom aret me, niniki ale'nggen aret ogoorik o,” yogwe iigak, kwe abila aagaluk nda'nariyak eenggo'lek me, enegen pagak ari nogo pogom, ninowe abera'lek me wage logonet, mondok lek eerogo piya woraagin me, it ambi mbo nagun abu lek aret o.

2 Tetalonika 1:9

Ti eyom paga nit at apuri ake leenak nogo nen at eebe tiyappugwi, ndi, nit wone paganogo yokkirogogurak paga abet mbareegutak me, kit ninom abet mbakwi abok aret, “Wi!” ugwi, eeruwok nduk, woraagin o. Wage kenok, it Ala ineenggo'lek Yetut eeke nagagerak obeelom wone wagangga'lek mendek nogo, maluk onggo mondok-mondok aganabuwak nduk, at Ala nen, “An nomaawi paga eeppiinet nage neenok, aakumi nen, Wi! nugu menggam nenggaawak paga yayi logorak lek o,” yinuk, ogoorogo endekem wumbiyaagin o.

2 Peterut 2:1

Maan aa'nduk it aap wone pilit pugunogo yorogo menggaarak mendek nogo nen aakumi Iterali inenggela'me unggwi wogo nogogwaarik, pilit pugunogo yorogo nogogwaarak nogo ndak-ndak, peebi it aap ti mendek nogo nen, kit maluk eerogo pinagawok nduk kinenggela'me unggwi woraagun o. Ndi, unggwi wogo logomenggaarik, aakumi ambik iniki nomoninabuwok nduk, yi wone ndi wone abe mendek lek kagak, pilit pugunogo kinikime manabit wogo logonet, “At amiya paga ninonggo mbaneegerak Aliku ninowe Yetut aret o, yinuk, yogwe nogo ti, nit nineenggo'lek o,” yinuk, agan wogo logomenggaarak paga abera'lek me, Ala nen it inenggaawak lek eerogo piyaagin o.

Yurat 1:7

Ndi, it malayikat eeppiyareegerak nogo pogom, it aakumi o Torom inom, o Nggomora inom, yi kota ndi kota enaagan-ambokan wonogwe nogo inom, nen nggeewo negen kumi ugun wurinabit nogwe, iniki aganggen eeginake kenok eekulik mendek kagak ugun-ugun eeginabit nogwe, eeko mbareegwa, “It aakumi maluk eekwi iinok, Ala nen kani omoonu'me mondok-mondok nappiyaagin kogo o,” yinuk, nineenu ogo logowok nduk, kani paga inooreegerak nogo o.

Owak Loongga 9:53

yugum irimbaga punuk gandum yigiko menggaarak nogo mendek kwe ambi nen waganogo aap Abimelek anobak paga mbo wuppege mbareegi, anobak nogo telak yereegerak.