Ayup 31:24 - Ala Wone Peenok Peebi Mbanak

²⁴ Niniki mbuti emas paga panggonak wonage, Ndi, mbuti emas abe mendek yoge logonet, Kat paga niniki nu'lek eerogo pangge o, yoge,

Ayup 31:24 ပူးပေါင်းရင်းမြစ်များ

Kini Wuppiige 11:28

Aap ineenggi warak paga iniki panggonak wonogwe ti, Eyo engga mono-mono wangge menggi kwak, Yigeebu wanggo menggaarak kwe, It aap iniki abe koonak ti perak, eyo anggup awo lake menggi kwak aret logogun o.

Ndawi 52:7

“Ala nen narum logowak o, yinuk, abu'me unggwaga'lek Amendek ambik wonage nogo paga iniki panggombege, Aakumi tebenogo piinet nage kenok Endage tiyak yegerak paga iniki panggombunuk wonage, Eekerak paga eeppege aap yi, kaanip o,” Yinuk, yogo logogun o.

1 Timotiyut 6:17

It aakumi o yogondak ineenggi warak wonogwe nogo ti paga iniki wogoppako logonet, yi mendek ndi mendek lek ariyak kagak, iniki ti paga lunik logokwak, yorage logot o. Nit ale'nggen mbaruwok nduk, at yi mendek ndi mendek ngginu-ngginu eerogo wo'nirage menggerak Ala paga mban iniki mondok lunik logowak nduk, yorage logot o.

1 Timotiyut 6:10

Yiluk-maluk alom lombok ti, wu mban uugwe mbarit nugwi ti aret o. It aakumi ando nen uugwe nduk, kwaarit nugu logonet, wone abet mbareegwaarak nogo mbo punuk, tu alik nomoninuk nogwe me, aap togowa paga ndanunggologo nagaatik, andi kogo mengga kwak, it aap ti, togop aret wakkologo menggaarak.

Kini Wuppiige 30:9

Neenggi warak logonet, mbi abe ndonggok togon naminggirak paga an nen mbo pagage logonet, “Aliku ALA ti, ta o?” ari, Ndi, neenggi lek logonet aakumi inamendek kiraariminggirak paga kat nogoba Ala kendage maluk eerogo pagage, Eerukwak nduk, Yokkege agarik o.

Kini Wuppiige 10:15

Aap ineenggi warak inamendek nogo ti, inawi pak wurik kwak wonage menggerak kwe, It aap tebenak ineebe lek eerogo pakwi nogo ti, ineenggi lek paga nen aret lek eerogo pako menggaarak.

Ndawi 62:10

Aakumi inamendek nomonogo kologwe paga Kiniki panggonak wonogwe, Inamendek ndinggologwe paga kiniki wogoppakwi, Eeko logorak mage o. Kinamendek ambik age kenok, Kiniki ti paga panggonak logorak mage o.

Ndawi 49:17

It kambunuk nogo logonet, Inamendek inom ko'nok nogwe, Inamendek abe kenok, “Wi!” yogwe nogo wonok kambunuk nogo menggam nogwe, Eekulik o.

Kolote 3:5

Togop me, noreewi o. Kumi ugun wurinabit nogwe, kiniki kumi paga mban lunik nugwi, kiniki nengge nogo mugurok nogwe, maluk eeriyak mban kinikilom mbakwi, yi mendek ndi mendek koloorak uugwe mba'nuk, tiyappugwi nogo ti, kugiwak alut eekwi ndak-ndak me, uugwe-uugwe mbakwi, eeriyak mage o. Ti eerit nogwe kiinok, Ala anini abet aret kinoba pinagarak me, ti eeriyak eekkinake nogo abok aret mondok warogo wuppogo logonip o.

Lukat 12:15

Yoge nagagerik, Yetut nen aakumi yorage logonet, “Kinamendek apit wonage nogo paga kineenik eeko logorak lek me, uugwe-uugwe mbakwi kiyo, kiniki tum wako logonet, liippogo logonip o,” yoragagerak.

Wakkagagerak 31:1

It Laban apurilogwe nen yogo logonet, “Nit ninogoba amindik-amendek abok aret Yakup mban kolage nagaarik, ti paga nen aap eenggi warak aret eekkolage agaarik o,” yinuk, yogwe at Yakup aruk konengge,

Marakut 10:23

Nage kagak, Yetut nogo ena logurogon at oone waganggwi nogo pegiige nagagerik, yorage logonet, “It aap ineenggi warak iinok, Ala abu'me piige menggim unggwi noorak meek negen kagi o,” yoragagerak.

Ayup 22:24

Kawu mbuti emas nogo, Yi nggween mendek aret o, yinuk, mbo pege, Mbuti emas abu abe o Opit mendek kat porogo wonage nogo, Yi yugum anggen kwak aret o, yinuk, niyo inikime mbo mambege, Eeppunuk,

Yeremiya 9:23

Aliku ALA nen yegerak yi aret. “Aap iniki warak ambi nen, Niniki warak me, an iya o, mba'nuk, tiyappake, Aap omaawi ambik ambi nen, Nomaawi ambik me, an iya o, mba'nuk, tiyappake, Ndi, aap eenggi warak ambi nen, An neenggi warak me, an iya o, yinuk, tiyappake, Eerugwaarik o.

Yetikiyen 28:5

Yi mendek ndi mendek onggo-onggo eerit nage at abu eenu me, amendek ambik paga eenggi warak eekkolage, Eeke ti paga Iniki tiyappake agaarik o,” yinuk, yegerak o.