Ayup 31:23 - Ala Wone Peenok Peebi Mbanak

²³ Ala nen aaninggin ambi noba panege kero, nagabiti mbake, At mondok iya tiyanak lombok menggerak ayuk wuke, Eekirak me, Togop eerulik o.

Ayup 31:23 ပူးပေါင်းရင်းမြစ်များ

Wakkagagerak 39:9

An o yi arum logowak nduk, tiyappaneegerak an kokwak ambi lek aret. An nogoba nen yi mendek ndi mendek ambi teppatulik, abok aret an unde eeppanege logonet kwe, kat keebe perak, an unde eeppanulik me, an nonggop togon Ala enggaanom paga maluk nggwok eeriyak yagan o?”

Nekemiya 5:15

an o unde mippanega'lek kagak inaa'nduk o unde wonogogwaarak nogo nen it aakumi aaninggin-paaninggin inoba piigo logonet, “Mbi inom, anggur amburu toolak inom, wo'nira wogo logonet, wu mbuti perak aaninggin oolo wakkagak inom wo'nira wogo logonip o,” yinuk, yorogwe, ndi, inawuri kunduk, inoone omaawi paga yorogo logonet, tebenogo piigwi, eeko nogogwaarak kwe, an perak, Ala nagabiti mbake minggirak me, togop eeke logolik.

Ayup 13:11

At mondok iya tiyanak wonage kogwe kenok, kinamineeri ni'nek nage, Kinagabiti nen kinaganak nukkiranet nage, Eeriyak lek mbakop?

Ayup 20:23

Inaanogum ake wurakak mban eeppunuk, It inigen keme aago wonogwe me, Mayu lubu-lubu wangge menggi kwak, At Ala anini kani negen inoba kwippiigak, kwippiigak, mban eeke logogin o.

Ayup 21:20

Tut it logorak punik nogo abok aret Lek age kenok kanggo logomenggaarik, Inaaganapuri nonggop logorak nogo, It koonogo piyaagun lek me, Inomaluk onggo ineebe lek eerogo piige nogo It lombok inigen abe paga nen kogwe, At Omaawi Lombok Menggerak anini nogo it aret inoba pakwi, Eeruwak o.

Ayup 30:15

Namineeri ne eerogo panege, O wiya nen iri'ngga wonok nage menggi kwak, Nayuk warak nege minggirak nogo wonok lek age, Ndugwi wonagaatik, lek age menggi kwak, Neebe obeelom me, nale'nggen mbake nogo lek age, Eeke agarik o.

Ayup 31:3

It obeelom eekulik mendek ti, maluk mendek inoba kwi'nage, It maluk eeko menggaarak ti, aaninggin-paaninggin inoba age, Eeruwak nduk, Koonogo piige lek mbakop?

Ayup 40:9

An neenggi nogo ti, Ala eenggi omaawi ndak-ndak wonage mbake, Ndi, at Ala oone ngguurubu ari menggi kwak, An noone togop aret ari mbake, Eeke agandik ya?

Ndawi 119:120

Kat keebe paga nagabiti nen naganak wake, Eekaatak ndak-ndak eeppiigo logorak koone yugu nogo paga Nagabiti nen neenggi neyak tikkolage, Eeke minggirak o.

Ndawi 76:7

It aakumi abok aret kat keenok, Inamineeri ne agan nage menggerak me, Kat kanini inoba piige keegak, Aap ta nen ko wappunuk logogin mbaken? Lek aret o.

Ndawi 88:15

An ti, wulaga mbuuluk paga nen Aaninggin-paaninggin noba age, An kambuurak mban ee'nake, Eerit wagagerak o. Namineeri ne agan nawak nduk eeppanege nogo kage, An niniki abu lek ee'nake, Eerit wundi wagagerak o.

Yetaya 13:6

Naliku an ALA nen eeppiyoorak eyom muk panggo yi wagaarak me, inale yikkologwe, Ti eeppiyoorak eyom ti, Nomaawi Lombok Minggirak an nen it lek eerogo piyaagin me, inaleenggu maakkologwe, Eeko logowak o.

Yowen 1:15

Ne ti nogo ti, aakumi inamineeri ne agan noorak aret me, iya! At Aliku ALA eeriyak eyom muk koorok panggoni wagaarak o. At Omaawi Lombok Menggerak wage logonet, nit aakumi lek eerogo pinanege, Yi mendek ndi mendek mondok lek eerogo pege, Eeriyak eyom aret ari wage agaarik o.

2 Korindut 5:11

Nit abok at owagam kuwak eeppinanigin nineenu me, ninagabiti mbako logonet, yi aakumi ndi aakumi abok ninoone abet mbaruwak nduk, aganggen kerek togon yorogo monggoorak kwe, nit nonggop logonet, yorogo monggoorak nogo ti, Ala eenu aret o. Ndi, kit togon, kinikime togop aret eekkinake me, kineenu aret mbake agarik o.