Ayup 30:25 - Ala Wone Peenok Peebi Mbanak

²⁵ Aaninggin inoba agaatak kenok, inale ari, Ineenggi lek iinok, niniki wakkolage, Eekeelik mbakop?

Ayup 30:25 ပူးပေါင်းရင်းမြစ်များ

Ayup 24:4

It tu nogo logonet, ineenggi lek mendek pelenogo wumbiigwi, It aakumi meek mendek nogo abok aret kumaarak logowak nduk inagabiti eerogo piigwi, Eeppiigwi iinok,

Ayup 29:16

Elege moono iinok, inogoba kwak an aret age, Aap nggiru ineebe neenggo'lek kwe, alom liippunuk, inawone mbangge,

Ayup 31:31

Aap ugun-ugun yowaarogo mambiige, It aap nggiru wogwe iinok, Endekem nogo yega'lek ninom nogo yuwok nduk yorage, Eeke minggirak me, It an ninom wonogwe nogo nen yogo logonet, Ayup nen mbi ma'niraga'lek we ninom nogo yogoorak o, Yinuk, taamini nen yogo menggaarak mbakop? Lek aret o, yinuk, yogo menggaarak o.

Ndawi 12:1

Kaliku ALA wae. It aap mukkeren nogwe nogo ineebe lek ogwe, It aap koone liirogon mugurok nogo menggaarak nogo Aakumi inenggela'me nen inenggaawak lek ogwe, Eekaarak me, kat nen aret yeenggwa niret o.

Kini Wuppiige 14:21

Aap ambi nen ore meek mbake ti, maluk aret eeke menggerak kwe, Aap ambi nen it aap tebenak mendek inabuwa mbake nogo perak, at ale'nggen nggwok aret mbake menggerak.

Kini Wuppiige 14:31

Aap ambi nen aap ineenggi lek nogo tebenogo piige kenok, at ogobakkigirogo piyareegerak nogo aret meek eerogo pege menggerak kwe, Aap ambi nen it aap eekkoloorak meek nogo inabuwa mbake kenok perak, Ala aret ayuk wuke menggerak.

Kini Wuppiige 17:5

Aap ambi nen aap ineenggi lek mendek nogo miyuk-meya eerogo piige kenok, at ogobakkigirogo piyareegerak nogo aret meek eerogo pege menggerak. Aap ambi nen aakumi maluk inoba aremenggerak me, “Op togon eeki,” yinuk, ale'nggen mbake kenok, at yemenggerak onggo oba arigin lek ti lek, oba arigin aret o.

Kini Wuppiige 19:17

Aap ambi nen aap ineenggi lek inabuwa nen wogorage ti, Aliku ALA wogorukwak wogorage me, Aliku ALA nen onggo aap ti wogorigin o.

Kini Wuppiige 28:8

Aap ambi at awu paga yowaarogo amendek ambik kuwak eekkolage nogo ti, It aap alik nen aap ineenggi lek inabuwa mba'nuk wogorogo logowak nduk, inake aret kuwak eeke menggerak.

Yeremiya 13:17

Kit an yokkirage kinaruk konengga'lek kiniki wogoppakwi paga nalik kumaarak logonet, le ari, Aliku ALA andomba kit keele maakkiren nagun me, Niniki wakkolage logonet, nale yi wurik kwak wurabit wage, Eeke logogin o.

Yeremiya 18:20

Obeelom eeppiigwi iigak onggo maluk eeppiyoorak op mbaken? Togop lek kwe, an yigeebu wanduwak mba'nuk labu kabunogo panegaarak o. Kanini inoba piyoorak mbakendak nogo nini tayo yenok nduk, kowagam mi'na'nuk, inake yokkireegirak nogo aberu o.

Ndaniyen 4:27

Togop aret me, nogoba kendagembogut wae. An wone yokkigirak ti, mbo pega'lek abet aret liippumunggun o. Kat maluk eeke menggendak ti, mbo punuk, aakumi eekwi nogo a'me nggelok eeppiinet nage, it aap ineenggi lek tebenak menggaarak nogo, inabuwa mba'nuk obeelom eeppiinet nage, eeke keenok, kiniki ugun tayenak logonet, kale'nggen paga eerit nage logomunggun o,” yinuk, yoreegerak.

Lukat 19:41

Yorage nagagerik, o kota Yerutalem panggo yi wage nagagerik, enegen kage logonet, le yereegerak.

Yaya 11:35

Yogo mbareegwa, Yetut le yereegerak.

Oroma 12:15

Ale'nggen yogwe iinok, kinom ale'nggen yogwe, it le yogwe iinok, kinom aret le yogwe, eeko logonip o.