Ayup 30:23 - Ala Wone Peenok Peebi Mbanak

²³ Kambunuk nogo menggam nappaniyak eeke, Ineenik logonuk kuwak eeri nogo menggam nappanege, Eeke nogo ti, neenu aret o.

Ayup 30:23 ပူးပေါင်းရင်းမြစ်များ

Wakkagagerak 3:19

Ndi, yabu ligak wuundamo eeppunuk kambi-mbiingga nengge logonet aret kangge logomunggun o. Kat keebe nggween mendek paga aret wakkagak agago ogobakkigikkakirak me, kangge logomenggendik, kiyokan nggween aret age logomunggun o,” yinuk, yoreegerak.

2 Tamuwen 14:14

Niyo toolak kilirogo punuk, waganogo tookulik nogo kokwak, nit abok aret kambugun kwe, at Ala nen aakumi inooriyak nduk, koonggeelik o. Aakumi mbo piigaatak nogo kobak aago logokwak, wogoren piya wage menggerak o.

Ayup 10:8

Kat keenggi lombok paga nena koonogo neebe ogobakkigirogo paneegindak kwe, Ti'nuk, kena logok togon lek eerogo paniyak nduk eeke agandik ya?

Ayup 14:5

Aakumi ndarak iigak logorak kuli mbanogo piige, Ndi, ineenik ne ndogop logorak koonogo piige, Eereegindak kagak, It nen ya langgok eerogo patiyak meek o.

Ayup 3:19

O time aap inendage warak inom, inendage lek inom, Ndak-ndak aret wonogwe, Ndi, inogoba mini nen inayeloman mini wondet eerogo wumbiigwi, Eeko menggaarak o.

Ayup 9:22

Aap ambi maluk eeke, ambi maluk eeka'lek wonage, Ala nen imbirak ndak-ndak Inenggaawak lek eerogo piige menggerak me, Eeppaniyak op mban aret, yagi o.

Wone Alom Kibingga 8:8

Aap ambi iniki nggigik togon wundukwak pippatogo wonage, Ndi, kambukwak, kambuurak eyom ya langgok eerogo pake, Eeriyak meek aret o. Wim nambukwi iigak, “Yonggonggola nanip o,” yorogolik ti kwak, Maluk eerit nogwe iigak, maluk nogo nen, “Kit maluk eekwi nogo abu aret eekotak o,” yinuk, teppiigeelik o.

Wone Alom Kibingga 9:5

It aap ineenik wonogwe nogo nen kambuurak aret ineenu kwe, It aap kambeegwaarak nogo nen perak, Yi mendek ndi mendek ineenggo'lek wonogwe, It eekwi onggo ambinom koloorak lek aret wonogwe, It inoba kunduk aakumi nen abeka'lek wonogwe, Eeko menggaarak o.

Iberani 9:27

Nit ne mbere paga kambugun lek o. Ne ambit mban kambuurak koonak me, ne ambit kanggwi niinok, Ala nen ninowak loonigin nogo ndak-ndak

Yotuwa 23:14

Ndi, an nogo, it yi aakumi ndi aakumi kambunuk, nggwogoba nogogwam nogome nage agarik o. Nogome nage me, at Aliku kinogoba Ala nen, Yogop eeppiyaakit, ndogop eeppiyaakit, yinuk, obeelom wone koonogo yokkiragagerak nogo, ambi mbeyok yuulik tigitogon a'me nggilik-nggelok eereegerak nogo abu kineenu aret o.