Ayup 30:20 - Ala Wone Peenok Peebi Mbanak

²⁰ Wonage logonet, noone nggwok paga, Ala wae. Yokkigitak kwe, onggo yo'nega'lek wonage, Pe'neyaanok nduk, mi'nagatak kwe, kenegen nggut mban neege,

Ayup 30:20 ပူးပေါင်းရင်းမြစ်များ

Ayup 19:7

Le ari logonet noone nggwok paga, Yeenggwa nirinip o, ari neegak kwe, It ambi nen yeenggwa nega'lek aret wonogwe, Ndi, an noone nggwok paga, Nawone mbaninip o, ari kwe, Nawone mbangga'lek aret wonogwe, Eeko agaarik o.

Ayup 31:35

An noone ari yi, Aap ambi konenuwak lak, Ao, mbake agarik o. An wone agan wagarak yi, abok abet aret me, At Omaawi Lombok Menggerak Ala nen mban Onggo yo'nege logowak o, yinuk, Nombo owak o! At maluk eekerak yo'nege nogo ti, Alom ndogop eekendak o, yinuk, Liiru liirogon mbanogo punuk wo'niruwak o.

Ndawi 22:2

Nogoba Ala o. O liingge paga wone yokkigitak kwe, onggo yo'nega'lek wonage, Ndi, oonikiya kunduk tamban eekitak kwe, Niniki kwi'naga'lek tit wonage, Eeke agarik o.

Ndawi 22:3

Kat Kikak Nakeelik Alik Leenak wonage, It Iterali mendek kalut eekwi enggela'me wonage, Eeke menggendak o.

Ndawi 88:15

An ti, wulaga mbuuluk paga nen Aaninggin-paaninggin noba age, An kambuurak mban ee'nake, Eerit wagagerak o. Namineeri ne agan nawak nduk eeppanege nogo kage, An niniki abu lek ee'nake, Eerit wundi wagagerak o.

Leendawi 3:44

Ndugwi apit aago kwak keebe togop aago wonage me, nit tamban eekwi nogo kat wonage me ari naga'lek aret agaarik o.

Leendawi 3:8

Noone nggwok paga, “Yeenggwa niru o,” yinuk, yoge kwe, an tamban eeke nogo at aruk konengga'lek mbo pege,

Matiyut 15:23

Yoreegerak kwe, at Yetut onggo wone ambiriluk ambi yorulik puk wonage kagak, at oone waganggwi nogo nen Yetut owagam wogo nogogwaarik, at yogo logonet, “Kwe yi, oone nggwok agan mu'niret wage me, nggarurogon nappu ubi!”