Ayup 30:16 - Ala Wone Peenok Peebi Mbanak

¹⁶ Togop aret me, Op agarik, mbakak neegak, Nomaawi lek ee'nabit unggwage, Liingge paga andi-pandi ee'nabit unggwage,

Ayup 30:16 ပူးပေါင်းရင်းမြစ်များ

Ayup 3:24

Yogop eeppanege, Ao, mbake nogo ti, Nambi nengge minggi kwak aret age, Ndi, andi nen niniki oone ari nogo ti, Niyo kilu-kilu wangge menggi kwak aret age, Eeke agarik o.

Ndawi 22:14

Niyo kiluk ari logonet lek age menggi kwak An nomaawi lek age, Nowak woro-woro nage, Tu'ngga amburu nggalo agan wangge menggi kwak, Niniki aan ndu agan wangge,

Ndawi 22:15

Niyoowak woloonak telo agan nage menggi kwak, Nomaawi lek ee'nabit unggwage, Namili piyanogo nalelaan paga nabeni lagangge, Togop eeke kagak Aakumi kanggaatak inowak paga mbo panege agandik o.

Ndawi 40:12

Aaninggin-paaninggin mondok iya neenggi lingginiyak meek nogo mendek Noba ninggirik wonage, Nomaluk noba luurik-maarak aago wonage me, Nanobak pila yinuk pe'nariyak meek ee'nake, Eeke agarik o. Neeruwak neenggi lingginiyak op negen kwe, Aaninggin noba wonage nogo perak, Lingginiyak meek aret me, meek tit ee'nake o.

Ndawi 42:4

Aa'nduk lombok aakumi ambik inale'nggen paga Ala awi wurik me kuwak eeri nogwe me, An naa'nduk a'nuk ninom nage logonet, Ninale'nggen paga keekok yogwe, “Wa!” yogo logonet ndawi wakwi, Eeko nogogurak nogo Abeppunuk niniki abu puru agan nage agaarik o.

Yetaya 53:12

Togop me, it aakumi apit aret inomaluk wagangge, It wone yugu taganogo pereegwaarak nogo inake tamban eeke, Eeke logonet, Waruwok nduk eekwi iigak, eebe ili yikkoloolik teppege, It aap maluk eeka inom wonage ineenggi lingginiyak eebi mbaka'lek wonage, Eereegerak me, Aakumi inamendek ndinik nogo aap yo'nggok wogorage logonet, at inom wogoge, It aap wakaa'ngget aakumi inagugun wogo tumburirage logonet, at inom tumburege, Eerigin o,” yegerak o.

Leendawi 2:12

Elege ti nen aap inoorak kwak o kota tu paga tu paga inambuluk pit nogwe, Inagalomini inaawi paga logonet kambit nogwe, Eeko logonet, “Kwiya wae. Mbi wo'niru o. Niyo wo'niru o,” yinuk, yorogo agaarik o.

1 Tamuwen 1:15

Yoge mbareegi, kwe nogo nen ari logonet, “Togop lek o, nogoba. An anggur amburu inom, amburu kumili aganaka inom, nenok ari lek o. Niniki abu puru agan unggwage logonet, niniki mbake nogo abok aret paganogo at Aliku ALA yoge me,