Ayup 30:15 - Ala Wone Peenok Peebi Mbanak

¹⁵ Namineeri ne eerogo panege, O wiya nen iri'ngga wonok nage menggi kwak, Nayuk warak nege minggirak nogo wonok lek age, Ndugwi wonagaatik, lek age menggi kwak, Neebe obeelom me, nale'nggen mbake nogo lek age, Eeke agarik o.

Ayup 30:15 ပူးပေါင်းရင်းမြစ်များ

Ayup 10:16

Ndi, nenggaawak pila ari neenok Singa nen noorak mbaketak mugurok nage menggi kwak Kat togop aret mu'neren wage logonet, Andi kaawak o, yinuk, Komaawi mondok iya paga eerubok eeke menggendak nogo noba kwippanege,

Ayup 3:25

Noba ariyak nagabiti mbakirak nogo aret noba ari wage, Ndi, noba kwi'nariyak neebi lombok mbakirak nogo aret noba kwi'nari wage, Eekerak o.

Ayup 30:14

Pak enegen woronak me, noba kwi'nari unggwogwe, Yigirik-noonom aagome, aap aago nowagam kilak yi wogwe, Eekwi iinok,

Ayup 31:23

Ala nen aaninggin ambi noba panege kero, nagabiti mbake, At mondok iya tiyanak lombok menggerak ayuk wuke, Eekirak me, Togop eerulik o.

Ayup 7:14

Nabi paga nagabiti eerogo panege, Nabinggaanggo paga nogut nagake, Eeke menggendak me,

Ayup 7:9

Ndugwi wonagaatik, lek arit nage menggi kwak Aap ambi aakumi kambunuk nogo menggam wambi nanuk iyokan lagi wage,

Ndawi 88:15

An ti, wulaga mbuuluk paga nen Aaninggin-paaninggin noba age, An kambuurak mban ee'nake, Eerit wagagerak o. Namineeri ne agan nawak nduk eeppanege nogo kage, An niniki abu lek ee'nake, Eerit wundi wagagerak o.

Ndawi 88:16

Kanini kani eyak negen noba kwi'nage, Namineeri ne agan nawak nduk, Kat eeppanege paga neebe lek eerogo negen panege,

Yetaya 44:22

Tit aagi wiya nen wonok nggarek ari menggi kwak, it maluk eerit wogo nogogwaarak nogo, lek eerogo piige, Ndugwi o wiya nen wonok nage menggi kwak noone taganogo punuk, maluk eeko nogogwaarak nogo lek eerogo piige, Eeke nagarik, Wondet eerogo piigirak me, iniyokan yungguninuk neya woraawak o,” yinuk, yegerak me, yokkiragi o.

Oteya 13:3

Togop aret me, o wege paga tit nake nagaatik, lek age, Oonikiya konaananggen luurogo pege nagaatik, kubondendok lek age, Yi mendek ndi mendek menenggwi iigak, o wiya nen ameneno kabe'nuk nggarek ari, Kani kunggaatak ka'luk yarugu-parugu lagangge, Eeke menggi kwak, It togop aret arugun o.

Oteya 6:4

It Eparayim mendek ti, an nano eeppiyoorak mbako agaarik? Ndi, it Yekura mendek kunduk, nonggop eerogo piyoorak mbako agaarik o? O wege paga tit nake nagaatik, lek age menggi kwak, Oonikiya konaananggen luurogo pege nagaatik, kubondendok lek age menggi kwak, It iniki kunik ee'nakwi ti, togop aret agaarik o.