Ayup 3:5 - Ala Wone Peenok Peebi Mbanak

⁵ O apit yumaak imbirak nen yogo logonet, Ne ti, nit ninamendek o, yogwe, Ndugwi nen ne nda'nagagirak nogo nobarogo pege, O apit nen ne ti, agabiti eerogo pege, Eeruwak o.

Ayup 3:5 ပူးပေါင်းရင်းမြစ်များ

Ayup 16:16

Nale ari me nenegen amiya aago wonage, Nenegen amberagap piirogo panege, Eeke kwe,

Ayup 24:17

It aakumi ti abok nen, O apit aago ti, O weege kwak, mba'nuk, inikilom mbakwi, O yumaak lombok paga nirik-kirik yogwe nogo ti, Inoreewi iniki kunik kwak eekwi, Eeko menggaarak o.

Ayup 28:3

Yugum ti mendek yumaak lombok wonage nogo, Yumaak lek eeruwak nduk eya eerogo pegak Nggween kabunit ogu nggween inikime lombok kwaarit wanggwi,

Ayup 3:4

An nda'nagagirak eyom nogo ti, O eya abinak kwindagala eerogo pega'lek apit eerogo pege, At Ala tiyarogon logonet, liippega'lek mari eerogo pege, Eeruwak o.

Ayup 3:6

Nagalo inikime logoni nage, aaninggin noba age, Eeke neyo, Tu narogo puulik teppereegerak me, Oonikiya nagalo inikime logoni unggwagagerak eyom ti, kobak age, Tut ti paga nda'naga o, tahun ti paga kin aga o, Yogwe nogo mari age, Eeruwak o. Oonikiya ti eyom paga elege ambi nda'nage, Inale'nggen nen noone-koone yogwe konenggwi, Eeka'lek aret logowak o. It ne pulunogo pugwi, Waalo kole yi inikime menggerak Lewiyatan nigiya woraawak nduk, wiiriyak ineenu ogwe, Eeko menggaarak nogo nen Ne logonnari nagagirak nogo pulunogo puwak o. Ne logonnari nage neegak, o weege logonet, Laaluguragan pindan-pindan eereegerak nogo lamunogo pege, O weeriyak lek kagak aanom warogo tokkage, Oonegen komeninuk lagi wage nogo, enegen kaga'lek aret wonage, Eeruwak o.

Ayup 34:22

It maluk eeko menggaarak nogo, o apit me kumaa'nari unggwogwe, O yumaak paga kunduk, kumaa'nogwe, Eeriyak meek o.

Ayup 38:17

Kambunuk nogo menggam tu titikkereegerak kenegen kage, Kambunuk o apit aago me ari nogo menggam tu maloppege,

Ndawi 107:10

Ala wone yugu, “Eeriyak nineebi,” mbakwi, At Tiyanak Lombok Menggerak nen inaruk wake nogo, “We agan nege agaarik a!” yinuk, yogwe, Eereegwaarak paga It ando o apit yumaak lombok aago me wonogwe, Mbutigeele maarak yagan wakwi wonogwe,

Ndawi 107:14

O apit yumaak aago me nen wogoren wundi wage, Mbutigeele maarak nogo ndenenak-penenak eerogo piige, Eereegerak.

Ndawi 23:4

An tu nggelo'me o apit paga nage neegak, Kat nimbirak nage me, “Maluk noba ariminggi ilik?” yinuk, Nagabiti mbakak nagin lek o. Kowaanggun inom, kandomba wogoninaka ya'nggage inom, Ti paga niniki eyak wappanege menggendak o.

Ndawi 44:19

Kat nen aan lebenogo pinanege, Mba'ngge nugu menggam kwak eerogo pinanege, Nogoyum lenggenggo mengga kwak o yumaak lombok eerogo pinanege, Eekendak o.

Yetaya 9:2

It aakumi o apit paga logonet, eerit nugwi nogo, Eya nggwok lombok inigen kogogwaarak o. It kanggwi inoba wigak yereegerak kanggo menggam wonogwe nogo, Eya lombok inoba pindanogo piyareegerak.

Yeremiya 13:16

O apit eerogo pinagi wage, O kiip arit nage logonet, puut-puut yumaak eerit nage paga kiniyogobit linggiraawak nduk, eeppinagage, Eeka'lek kagak, Kinogoba Aliku ALA tiyappogo logonip o. “Eya eeppinanuwak lak, ao,” yinuk, tokkogwe kiigak kwe, Kit mbakwi abut laganogo o apit lombok eerogo pinagage, “Eya eeppinanuwak,” mbakwi nogo obaane'me o yumaak lombok eeppinagage, Eerigin o.

Yeremiya 2:6

It nen yogo logonet, At o Metit nen wo'niren wundi wage, Tu o karume nggween mbuk ti paga wo'niren wage, Eeke logonet, Nggween kunduk amburu lek kagak, Tu tiyak-tebek kagak, Nggween abu woloonak awi yariyak meek tit kagak, Tu aakumi kambit nogo menggam kagak, Aakumi tu ti paga nogolik kagak, O time aakumi wonogolik kagak, Wo'niren wundi wagagerak Aliku ALA nogo ngge o? yinuk, yo'nega'lek aret wonogogwaarak.

Yeremiya 4:28

Ti eeriyak yagarak ti, mbo punuk alik ambi ari, Ndi, ti koonggirak ti, mbo punuk, alik ambi koongge, Eerigin lek me, O nggween yi nen, Ao, yinuk, le ari, ndi, mbogut nogo o apit age, Eerigin,” yegerak o.

Yetikiyen 34:12

Aap ndomba ndegeninaka ambi nen andomba ndegeninake me, andomba ma'nogwe iinok, mbo piigeelik kwaarinabit nage menggi kwak, an nandomba togop aret kwaarinabit nagin o. Ndi, o tit narogo pege, o yumaak eerogo pege, eeke paga ma'narit namenggaarak wonogwe me nen inagap ndarogo wogoren piya woraagin o.

Yowen 2:2

Ne ti eyom o mondok apit lombok age logonet, iniki miin eerogo piinet nage, Ndugwi apit eerogo pege kenok, o yumaak eerogo pege, Eerigin o. O kilim nagake logonet, puut-puut kin eerogo pit nage menggi kwak, Ne ti eyom paga wim eeka inomaawi ambik lombok ineebe apit aago o aa'nduk nen wogwe inigen iyoolik nogo mendek wogwe, Ndi, peebi nen togop ambi wogwe iyaagun lek nogo mendek wogwe, Eekwi iyaagun o.

Amot 5:8

Laaluguragan o mbogut paga ninggirik kuwak aago Kartika inom, Belantik inom, wakkagagerak nogo nen o apit aago wonage nogo obaane'me o weeruwak nduk, eerogo pege, O liingge wonage nogo obaane'me oonikiya eerogo pege, Niyo nggwok yenggenak laut nogo, wiiremenggerak wundi wage kenok, nggween paga kilirogo wunabit nage, Eeke menggerak endage ti, Aliku ALA aret o.

Amot 8:10

Inale'nggen nen laago lako logomenggaarak nogo obaane'me inayum maluk nibinik mendek yippunuk, iniki wakkologwe, Ndawi piyanggo logomenggaarak nogo obaane'me leenggu maakwi, Inayum nibinik maluk yippunuk nugwi, Ineeruwak inanobak puluk ko eerogo pakwi, Aap ambi aput ambolom kangge kenok, leenggu maake kwak maakwi, Eeko logowak nduk, Eerogo piyaagin o. Ti eeriminggirak paga ne ti eyom ariyak age yubuni nage kagak, iniki abu alik negen wakko'net unggwogo logogun,” yinuk, at Aliku Itok Menggerak Ala nen yegerak o.

Lukat 1:79

It o apit me logonet, kambuurak inagabiti mbakwi nogo eya eeppiige, Ndi, iniki ale'nggen ugun obeelom logonet, nogo menggam tu nogo yi aret o, yinuk, yo'nirage, Eerigin, yokkigi o,” yinuk, yereegerak.

Pelaareegerak 4:11

Ti eyom paga kit puut Korep abu'me panggorogon time mi'nari nogogutak kiigak, puut ti paga kani omoonuk wunuk agan mbogut endak wari lagangge logonet, ndugwi kwak ka'luk kwit agan lagangge, o apit age, eeke kagak,

Iberani 12:18

Aakumi Iterali mendek puut Tinayi abu'me wogo mbareegwa, kani omoonuk wunuk ari, kaluk kwiragan lagangge, o apit age, o wiya nen nombok-kombok eeke, oone nggwok eeka trompet nogo oonebu eeke, eeke kagak, Ala oone nggwok paga yorage logonet, “Wam a, aakumi a, puut yi abu'me woraanuk, mbaanggogwe iinok, yugum paga mondok wariyak o,” yinuk, yorage mbareegi, inagabiti nen, “Wone ambinom yo'niroorak mage ubi,” yinuk, yereegwaarak. Ndi, aakumi inagabiti mbaruwak nduk, Ala nen iya tit eeke nogo, Muta kage nagagerik, “An kunduk nagabiti nen naganak wake agarik o,” yinuk, yereegerak. It aakumi inom, Muta inom, inagabiti mbaruwak nduk, eereegerak nogo kokwak, kit yogondak Ala owagam nogwe kiinok, togop eerigin lek o.