Ayup 3:4 - Ala Wone Peenok Peebi Mbanak

⁴ An nda'nagagirak eyom nogo ti, O eya abinak kwindagala eerogo pega'lek apit eerogo pege, At Ala tiyarogon logonet, liippega'lek mari eerogo pege, Eeruwak o.

Ayup 3:4 ပူးပေါင်းရင်းမြစ်များ

Ayup 3:3

“Oonikiya nen ari logonet, Aap aret agalo inikime logoni unggwigi o, Ari nogo kobak age, Ndi, ne nda'nagagirak nogo mari age, Eeruwak o.

Ayup 3:5

O apit yumaak imbirak nen yogo logonet, Ne ti, nit ninamendek o, yogwe, Ndugwi nen ne nda'nagagirak nogo nobarogo pege, O apit nen ne ti, agabiti eerogo pege, Eeruwak o.

Yowen 2:2

Ne ti eyom o mondok apit lombok age logonet, iniki miin eerogo piinet nage, Ndugwi apit eerogo pege kenok, o yumaak eerogo pege, Eerigin o. O kilim nagake logonet, puut-puut kin eerogo pit nage menggi kwak, Ne ti eyom paga wim eeka inomaawi ambik lombok ineebe apit aago o aa'nduk nen wogwe inigen iyoolik nogo mendek wogwe, Ndi, peebi nen togop ambi wogwe iyaagun lek nogo mendek wogwe, Eekwi iyaagun o.

Amot 5:18

Aliku ALA woroorak ne nogo, “Ari woraawak lak, ao,” yinuk, yogwe nogo, kinabuwa o! Ne ti eyom ti, o eya arigin lek o apit aret ariyak me, Aliku ALA woroorak ne nogo, “Ari woraawak lak, ao,” yinuk, nonggop nduk yogo ogotik?

Matiyut 27:45

Yogo mbareegwa, o liingge oonegen 12 kuli paga nen nok, oonegen 3 kuli ari nage kagak, o time apit aago aret wonagagerak.

Nappiigak 27:20

Nogo apit yugwi niigak, oonegen inom, laaluguragan inom, wundi waga'lek kagak, wiya mban nabuninuk eeke mbareegi, “Nit niyo nen ndonggonninabigin kogo o,” yinuk, mbareegurak.

Pelaareegerak 11:12

Kinanggween ti, at Aliku kinogoba Ala nen arum wonage, enegen liippege, eeke kagak, yi tahun ndi tahun mbi yarumonggotak kuli nen nok, alom kinok yi noorak kuli aret age logogin o.

Wayu 16:10

Ndi, it malayikat ineebe 4 nogo nen Ala anini inarologowa'na toolak nogo aakumi inoba kilirogo wuppogo mbaka, ambi nen arologowa'na nogo nggeewo negen wone lengganogo yorage menggim nogome kilirogo wuppege kagarak. Wuppege kage nagarik, nenegen neegak, nggeewo nogo wone lengganogo yorage menggim time o apit age mbaki, at abu'me logonet, oone waganggo menggaarak nogo, kugi andi aganake, inawin maaluget inoba nik ari, eeginakerak nogo, andi nen ineyak nggilik maako logonet, “Ninomaluk mbo puwi o,” yinuk, mbo puurak op aret kwe, kagak, inomaluk iniki kundugu patogo logonet, Ala endage miyuk-meya eerogo pugwi iigirak.