Ayup 3:23 - Ala Wone Peenok Peebi Mbanak

²³ At Ala nen aap ambi yengget-wangget eeppunuk wonage, At eeppuurak mbake nogo nobapporogo wonage, Eeke logonet, Nonggop nduk eenik logowak nduk, teppege menggerak mbakop?

Ayup 3:23 ပူးပေါင်းရင်းမြစ်များ

Ayup 12:14

At nen minogo pege kenok, aap ambi nen obaane'me wuke, Ndi, at keele maarogo pege kenok, aap ambi nen keele piinogo ame nappege, Eeriyak meek o.

Ayup 13:27

Niyok mbuti keele paga maarogo panege, Noorak mbariminggim nage me, kenegen wo'neren nage logonet, At iyok a'lip nombake logonok nduk, niyok nomonogo panege, Eeke menggendak o.

Ayup 19:12

Awuri ineegin warak aago nappiya wage, Kota oonda mbani ungguwok nduk, Ya'na wurit laganggo mengga kwak An togop aret eerogo panege, Nawi yendok-wandok kwi'nari ungguurak eeppiige,

Ayup 19:6

Ala nen aret maluk eerogo panege, Towe yiluk yaga nen yarogo pereegerak nogo paga yilunogo panege, Eekerak kineenu a'nip o.

Ayup 19:8

An tu nage me, Ala nen naru non mbanogo panege, Yi tu ndi tu nege minggim o apit eerogo pege, Eekerak me, An noorak meek aret age,

Ndawi 31:8

Kat nen neebe waganogo Ninom wim mbanak ineenggime panulik O tini nggwok obeelom me niyok yarogo panegendak o.

Ndawi 88:8

Aap an ninom kunik nogo ogoo'naruwak nduk eeppiige, An nogole nombako logowak nduk, eeppiige, Eerogo panggendak wonage agarik o. An keele maarak negen wonage me, Wundi noorak meek aret logonet,

Ndawi 88:9

Andi-pandi nen le ari paga Nenegen agap piirik wonage agaarik o. Togop aret me, Kaliku ALA wae. O kubondendok nen o kiyoma ari nage kagak, Noone nggwok paga yokkege, Neenggi kat Ala wonage me nippunuk wonage, Eeke agarik o.

Yetaya 40:27

Kat Yakup yi wae. Kat nen, “An noba age yi, Aliku ALA nen liippanega'lek agaarik,” ari, Ndi, kat Iterali yi wae. “Ninogoba Ala obeelom eeppaniyak yegerak nogo eeppanega'lek kagi,” yinuk, mbake, Eeke ti, Nonggop nduk eeke agandik?

Leendawi 3:7

An wungge neyo, yagat wurogo negen panege, Mbagangge neyo, mbuti keele aaninggin lombok paga maarogo panege,

Leendawi 3:9

Yugum poorak paga naru non mbanogo pit nage, Tu ti paga noorak meek kenok, yelok-nggolok naakit nduk eeppanege, Eereegerak o.

Oteya 2:6

an nen at aru nage menggim non mbanogo alok mban mik-kwit eerogo pege, At wundi noorak tu yelok kage kero, yugum pak yendok-wandok wurogo pege, Eerigin o.