Ayup 3:11 - Ala Wone Peenok Peebi Mbanak

¹¹ An nda'nage ti eyom paga kangge, Nagalo inikime nen wundi wage logonet, neebe lek age, Eereegibok Nonggop nduk nda'nagagi o?

Ayup 3:11 ပူးပေါင်းရင်းမြစ်များ

Ayup 3:12

Nagalo ogome lamorogo wo'nake, Nelak naakit nduk, elak kunnake, Nonggop nduk eereegerak o?

Ndawi 58:8

Togobanggen nage kagak mo andi nen Amburu tigi-tigi wangge logonet Kanggwi kwak aret kanggwi, Kwe aagaluk inikime nen warak nda'nagaatak me, O eya enegen kage lek menggi kwak ogwe, Eeruwak o.

Ndawi 71:6

Kat nen aret nagalo inikime nen wumbani wagagindak me, Nda'nagagirak nen nok, yogondak kuli niniki koba panggonak wonage agarik o. Togop me, an ko'lu-kii'me tiyappagage minggirak o.

Wone Alom Kibingga 4:2

Iige nagagirik, Yi aap ndi aap kambunuk nogogwaarak nogo nen inale'nggen nggwok mbakwi, Ndi, it aap kangga'lek awo ineenik wonogwe nogo ti, inale'nggen mbuuluk mbakwi, Eekwi iige nagagerik, “Ao,” mbareegirak kwe,

Wone Alom Kibingga 4:3

“It imbirak nogo ti, inale'nggen mbuuluk negen mbakwi iigak, It aap awo nda'naga'lek wonogwe, Oonegen abu'me yime maluk eekwi inigen kaga'lek wonogwe, Eekwi ti perak, Abunuk inale'nggen mondok iya lombok wonogwe kagi,” mbareegirak.

Wone Alom Kibingga 6:3

Aap ambi nda'nagagerak nggorek lombok logonet, apuri 100 ndappiinok, eebe obeelom logomenggerak kwe, iniki ale'nggen mbaka'lek logonet kangge kenok, “Aap nogo aret kanggi o,” yaga'lek logonet, nggween abe taambega'lek ugun-ugun taanogo pugun me, an nen mbake logonet, “Aap ndarak nggorek logorak ti meek kwe, elege warak nda'nariyak perak op aret o,” mbake minggirak.

Wone Alom Kibingga 6:5

Oonegen eya enegen kage, yi mendek ndi mendek eenu age, eeka'lek kagak iniki ugun obeelom aret yonggonggola namenggerak kwe,

Yetaya 46:3

At Ala nen ari logonet, “Kit Yakup ombowologwe yi wae. Kit Iterali paga wiganak awo wonogwe yi wae. An wone yokkirage yi, kinaruk konenggo logonip o. Kit awo nda'naga'lek kinagalomini inikime kiigak, ndegengginake, Nda'nogo mbareegup, tawe eekkinake, Eereegirak an aret me,

Yeremiya 15:10

Kwiya wae! It aakumi o yime menggaarak abok aret ninom wugabit nage logonet, wone warit mban nege an yi, Nonggop nduk nda'nabeegindak nabuwa o! Aakumi inanomat noba luurik wonage, ndi, an nanomat it inoba luurit wonage, eerulik kwe, It abok nen an pulunogo panit nugu menggaarak o.

Oteya 9:14

Togop me, Kaliku ALA wae. Kapuri eeppiyoorak an nano nggino yokkiri o. It kumi inaagalogwe mburunogo wumbiigo logowak nduk, eeppiige, Inelak amburu lek logowak nduk, eerogo piige, Eeru o, yinuk, yokkigi o.