Ayup 29:18 - Ala Wone Peenok Peebi Mbanak

¹⁸ An mbake logonet, Mbini yi aa'nggi paga ambik menggi kwak, An yi tahun ndi tahun eeppunuk, nawi alom paga aret kangge,

Ayup 29:18 ပူးပေါင်းရင်းမြစ်များ

Obaya 1:4

Towe nggindooni tiyarogon wiga agan nege menggi kwak, nugwi, Laaluguragan inenggela'me inawi mbambatinuk wonogwe, Eerak wonogwe iigak kwe, Time nen aret an ineebe yabonogo wuppiya woraagin o,” yinuk, Aliku ALA nen aret ari kagarak me yokkiragi o.

Yeremiya 49:16

Aakumi inaganak waruwak nduk eerogo piige, Iniki wogoppatit nage, eeke nagagerak paga, at aret ambokan lagambatinuk, Yugum eraanu-eraanu me time wonage, puut-puut tiyarogon time unde eeppatinuk wonage, eeke menggerak ti, Towe pen ware kwak at awi tiyarogon wurit wonage kwe, An nen minogo wuppi woraagin o,” yinuk, yegerak me, yokkiragi o.

Ndawi 91:16

Iniki ndonggo yuwak nduk, At ndarak kagak eenik nggorek logorak eeppege, Kagap ndaka nogo ti, an aret, eenu eeppege, Eeke logogin o,” Yinuk, yereegerak.

Ayup 5:26

Ndi, kat perak, gandum anggen mbanak nogo Mbelaniyak eyom ari wage kenok, Mbelanggo menggam mambogo mengga kwak Kagabolo ki keegak kanggok a'nuk kangge keenok, Piya unggwogo menggam pagi unggugun o.

Abakuk 2:9

Neebe op logokit nduk, nawi tiyarogon wurogo patikit o, mba'nuk, Aakumi wi-wi aganake logonet, inamendek wamenggerak paga at paga wiganak ineenggi warak eerogo piige nogo, abuwa o!

Yeremiya 22:23

At eebe o Libanon kwak logonet, eyo nggabina abe Libanon mendek paga wurik me eebe obeelom wonage ti, Kwe ambi elege enegen paganak yagan wake menggi kwak, aaninggin oba ari wage kenok, Andi nen, Ia, ua, ari logogin o,” yinuk, yegerak me, yokkigi o.

Wakkagagerak 41:49

Kuwak eerogo mambereegerak nogo ti, mbini kale'ngga niyo aa'nggi paga ambik wonage me lingginiyak meek nogo kokwak age mbareegi, “Lingginiyak meek o,” yinuk, puk agagerak.

Ayup 29:17

Nggeewo anini warak nen at noorak eyak nggereninuk nage me, Ondogowak kalenogo punuk, ambe me ndinggwi kwak, Aap maluk eeka nogo inomaawi lek eerogo piige, Inabu'me tebembiinok wonogwe nogo ndininake, Eeke nagagirak o.

Ayup 29:19

Eyo omanggen niyoome yarak menggi kwak, nomanggen togop aret yarak wonage, Eyo eno'mbak nogo paga oonikiya miin anggen luurik menggi kwak, nagabolo ki eerogo panege,