Ayup 29:16 - Ala Wone Peenok Peebi Mbanak

¹⁶ Elege moono iinok, inogoba kwak an aret age, Aap nggiru ineebe neenggo'lek kwe, alom liippunuk, inawone mbangge,

Ayup 29:16 ပူးပေါင်းရင်းမြစ်များ

Wakkagagerak 39:19

“Kayeloman nen togop aret ee'nakerak o,” yinuk, Potipat akwe nogo nen mbininogo ogonggelo yoge mbareegi, anini ambik eeppege nagagerik,

2 Tamuwen 14:8

Yoge mbareegi, at endagembogut Ndawut nen kwe nogo yoge logonet, “Wone yagandak ti, an nen kake wone koonogo yoraagin me, kame nak o.”

Etet 2:7

At Morekayi ogobaluk apuluk kolaga endage Karata nogo agalo-ogoba kambeegwaarak me, at Morekayi nen tawe eereegerak. Kolaga Karata endage ambi, Etet, yogo nogogwaarak nogo enete-eebe abu amuni mbanak kigirikwe me, agalo-ogoba kanggo mbareegwa, at Morekayi nen apuluk negen eeppunuk, tawe eereegerak.

Ayup 24:4

It tu nogo logonet, ineenggi lek mendek pelenogo wumbiigwi, It aakumi meek mendek nogo abok aret kumaarak logowak nduk inagabiti eerogo piigwi, Eeppiigwi iinok,

Ayup 30:25

Aaninggin inoba agaatak kenok, inale ari, Ineenggi lek iinok, niniki wakkolage, Eekeelik mbakop?

Ayup 31:31

Aap ugun-ugun yowaarogo mambiige, It aap nggiru wogwe iinok, Endekem nogo yega'lek ninom nogo yuwok nduk yorage, Eeke minggirak me, It an ninom wonogwe nogo nen yogo logonet, Ayup nen mbi ma'niraga'lek we ninom nogo yogoorak o, Yinuk, taamini nen yogo menggaarak mbakop? Lek aret o, yinuk, yogo menggaarak o.

Ayup 4:3

Kat nen aakumi ambik aret mamunirage, Ineenggi ndeyak wonogwe iinok, inomaawi eerogo piige,

Ndawi 68:5

At Ala alik leenak menggim nogome logonet, Elege mono inogoba age, kumi togwe inawone mbangge, Eeke menggerak o.

Wundeegwaarak 18:26

Eeke mbareegi, inarum kumogotak lombok logonet, ko'lu-kii'me inowak loonggo logonet, wone teeluk kenok inalik nen koonogo piigwi, ndi, aaninggin kenok, Muta owagam wogoren wogwe, eeko nogogwaarak.

Kini Wuppiige 25:2

At Ala nen wone kumaarogo pege kenok, ayuk wukwi, Aap inendagembogut nen wone kin paga agan nogwe iinok, inayuk wukwi, Eeko menggaarak o.

Kini Wuppiige 29:7

It aap iniki abe koonak nen aap ineenggi lek inawone op mbanuwak nduk, liippiigo menggaarak kwe, It aap maluk mendek nen perak, “Inobaalombok o,” yinuk, mbo piigo menggaarak.

Yetaya 22:21

Wiiriminggirak wage kenok, kat kayum nggorek waganogo at yippege, kagabee'le yike menggendak nogo waganogo at yippege, kat kamunggat nggoorogo at oba pege, eerigin o. Ti eeke neenok, it aakumi o Yerutalem wonogwe inom, it Yekura paga wiganak inom, inogoba aret arigin o.

Epetut 5:1

Noreewi o. Kit Ala apuri kinom kunik me, at eeke menggi kwak, kit ndak-ndak eerit nogo logonip o.

Pelaareegerak 13:14

kit nen wone onggo kin wonok mben wonok yorogwe, wone ti etenggen liirogon maloppugwi, eeko logomonggotik, maluk Ala eebi mbake menggerak mendek ti, kinenggela'me time abet aret eeremenggerak kin age kenok,

Yakobut 1:27

It aap Ala oone liippunuk mondok abe eekwi iinok, ninogoba Ala nen ale'nggen mbake menggerak nogo ti, it wologwe-komologwe wenebela inom, kumi togwe inom, iniki aaninggin wonogwe iinok, inabuwa nen yeenggwaaranet nugwi, it aakumi iniki maluk nen maluk eeruwak nduk iniki nggagani wogwe iyo, tum wakkologwe, eeko menggaarak nogo it aret o.